Следете не

Спорт

Офанзивецот на „црвените ѓаволи“ на чекор до шпански Бетис

Објавено пред

на

ФОТО: Unsplash.com @ Nat Callaghan

Бразилскиот офанзивец на Манчестер Јунајтед, Антони, се наоѓа на чекор до повторно приклучување во редовите на Бетис, откако двата клуба најдоа заеднички јазик околу надоместокот за трансферот.

Според информациите на „Атлетик“, англискиот клуб ќе инкасира 25 милиони евра од продажбата, а ќе задржи и 50% од евентуалната негова идна препродажба.

Со ова решение е надмината клучната пречка – андалузискиот тим немаше финансиска моќ да понуди повеќе, но доколку Антони повторно заблеска во зелено-белиот дрес, Јунајтед може да оствари дополнителна заработка.

Антони пристигна на „Олд Трафорд“ во 2022 година од Ајакс за 95 милиони евра, каде повторно соработуваше со својот поранешен тренер Ерик тен Хаг. Сепак, тешкотиите со адаптацијата и ограничената минутажа, дополнети со недоразбирањата со новиот стратег Рубен Аморим, доведоа до тоа неговото заминување да стане неизбежно.

Минатата пролет 25-годишникот настапуваше како позајмен играч во Бетис и остави одличен впечаток – на 26 средби постигна 9 погодоци и запиша 5 асистенции. Од тој момент клубот од Севилја постојано настојува да го врати во своите редови, но Јунајтед инсистираше на повисока сума.

Сега, откако не е дел од плановите на Аморим, постигнат е компромис и Бразилецот ќе се врати на „Бенито Виљамарин“.

Во меѓувреме, Бетис ја започна новата сезона во Ла Лига со осум бодови по првите четири натпревари и по паузата за репрезентативни настапи го очекува гостување кај Леванте.

Извор: thesun

Спорт

Македонија до 15 години во фудбал води против репрезентацијата на Косово во гости, во финишот на првото полувреме

Објавено пред

на

ФОТО: printscreen/youtube/livestream/FFK

Македонската репрезентација до 15 години од 15-та минута води во натпреварот во гости против репрезентацијата на Косово со 0:1. Нашиот тим на млади надежи комплетно ја преземаат контролата на теренот и може да се каже дека доминираат, иако домаќините имаа неколку добри шанси за погодок.

Во првиот состав, дресот со број 10 го носи нашиот интернационалец од редовите на „ФК Кичево“ – Борис Матески, кој за сега маестрално ја користи довербата на селекторот.

Фудбалската федерација на Косово овој натпревар го пренесува во живо:

Прочитај повеќе...

Спорт

Фудбалерот на „PSG“ – Дембеле е добитник на „Златната топка“ за најдобар играч на светот за 2024/2025

Објавено пред

на

©porta.mk

Фудбалерот на Пари Сен Жермен, Усман Дембеле, е новиот носител на престижната награда „Златна топка“ за најдобар играч на светот во сезоната 2024/25. Церемонијата се одржа вчера во Париз, каде што францускиот репрезентативец ја доби наградата од рацете на легендарниот Роналдињо.

Дембеле имаше блескава сезона во која со ПСЖ ги освои сите можни трофеи: Лигата на шампионите, Француското првенство, Купот на Франција и УЕФА Суперкупот. Со овој успех тој заслужено стигна до најголемото индивидуално признание во фудбалот.

Конкуренција и рангирање

Зад Дембеле во изборот останаа неколку од најдобрите светски фудбалери:

Ламине Џамал (Барселона) – второ место

Витињо (ПСЖ) – трето место

Мохамед Салах (Ливерпул) – четврто место

Во првата десетка се најдоа и Рафиња (Барселона), Килијан Мбапе (Реал Мадрид), Кол Палмер (Челзи), Џанлуиџи Донарума (ПСЖ), Нуно Мендеш (ПСЖ) и Ашраф Хакими (ПСЖ).

Женска „Златна топка“

Кај дамите, Аитана Бонмати од Барселона ја освои „Златната топка“ по втор пат по ред. Таа триумфираше пред својата клупска и репрезентативна соиграчка Марион Калдентеј и Англичанката Алесија Русо. Со ова Бонмати ја потврди својата доминација во светскиот женски фудбал.

Други индивидуални признанија

  • „Копа“ трофеј за најдобар млад играч: Ламине Џамал (Барселона), кој ја добива оваа награда втора година по ред. Во женска конкуренција ја освои 19-годишната Вики Лопез, исто така од Барселона.
  • „Герд Милер“ за најдобар стрелец: Виктор Џекерс (Арсенал) со неверојатни 54 гола за Спортинг Лисабон. Кај жените наградата замина кај Ева Пајор од Барселона.
  • „Јашин“ за најдобар голман: Џанлуиџи Донарума, кој летово премина во Манчестер Сити, а кај жените – Хана Хемптон од Челзи.
  • „Јохан Кројф“ за најдобар тренер: Луис Енрике (ПСЖ) и Сарина Вигман (селекторка на Англија).
  • „Сократес“ награда: Фондацијата Хана, основана од Луис Енрике во чест на неговата ќерка, за нејзината посветеност на поддршка на деца со тешки заболувања.

Тимски признанија

Најуспешен машки клуб: Пари Сен Жермен, благодарение на историската прва титула во Лигата на шампионите и уште три домашни трофеи.

Најуспешен женски клуб: Арсенал, кој го освои Европскиот куп и заврши втор во англиската Премиер лига.

Инаку оваа престижна манифестација „Златна топка“ е индивидуално фудбалско признание кое се доделува од 1956 година од страна на списанието „Франс Фудбал“. Од 2018 наградата се доделува и во женска конкуренција. Од оваа година, организацијата на церемонијата е заедничка со УЕФА и француското спортско списание „Екип“.

Со новите лауреати, 2025 година влезе во историјата како сезона во која ПСЖ и Барселона доминираа во светскиот фудбал – и во машка, и во женска конкуренција.

Прочитај повеќе...

Спорт

Одличен старт за „ФК Кичево“ во новата сезона на Детската фудбалска лига на ФФМ, нашите момчиња се вратија со победа од Струга

Објавено пред

на

©porta.mk

Денес во Струга, нашите момчиња од „ФК Кичево“ ја започнаа новата сезона во Детската лига при ФФМ!

Генерацијата 2014 блескаше со одлична игра и победи против екипата „Ултрас Кидс“. Стрелци:

Давид Мицески (x2)
Дамјан Ѓорески (x1)
Кристијан Николоски (x1)

Вистинско шоу направија и најмалите – генерацијата 2016/17, кои денес дебитираа со својот прв официјален натпревар. Иако резултатот не беше во наша полза, радоста по голот на Давид Јованоски беше неопислива!

Следниот викенд продолжуваме со уште повеќе возбуда и нови предизвици!

Напред!

Прочитај повеќе...

Facebook

Последни објави

Хороскоп6 часа

Хороскоп за среда (24 септември)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

Скопје15 часа

МВР: Старец во с.Љубин бил пронајден починат во неговиот дом, лекар на итна медицинска помош констатирал смрт

На 22.09.2025 во 17:43 часот во СВР Скопје е пријавено дека во неговиот дом во с.Љубин, скопско бил пронајден починат...

Спорт15 часа

Македонија до 15 години во фудбал води против репрезентацијата на Косово во гости, во финишот на првото полувреме

Македонската репрезентација до 15 години од 15-та минута води во натпреварот во гости против репрезентацијата на Косово со 0:1. Нашиот...

Фото: Amanz @ unsplash Фото: Amanz @ unsplash
Магазин17 часа

Android 16 пристигнува на најмоќните телефони на Samsung

Samsung започна со дистрибуција на големото ажурирање One UI 8, базирано на Android 16, за серијата Galaxy S24 и сите...

Фото: Andreas Haslinger @ unsplash Фото: Andreas Haslinger @ unsplash
Магазин17 часа

Колку време е навистина потребно за полнење на Android и iPhone телефони?

Со зголемувањето на популарноста на брзото и безжичното полнење, времето за полнење денес е побрзо и попрактично од кога било....

Фото: NordWood Themes @ unsplash Фото: NordWood Themes @ unsplash
Магазин17 часа

Телефонот работи бавно? Забрзај го со три лесни чекори!

Дали вашиот Android телефон станал поспор со тек на време? Не сте сами – кај паметните телефони, почетната брзина и...

Скопје19 часа

АМСМ: Од утре започнуваат градежни активности – санација на потпорни ѕидови кај подпатник на Државен пат А2 – обиколница Скопје, ќе трае четири месеци

Од утре 24.09.2025 год, ќе се започне со градежни активности – санација на потпорни ѕидови кај подпатник на Државен пат...

Спорт20 часа

Фудбалерот на „PSG“ – Дембеле е добитник на „Златната топка“ за најдобар играч на светот за 2024/2025

Фудбалерот на Пари Сен Жермен, Усман Дембеле, е новиот носител на престижната награда „Златна топка“ за најдобар играч на светот...

Мобилни уреди20 часа

Новиот процесор за мобилни телефони на „Qualcomm“ ќе се вика „Snapdragon 8 Elite Gen 5“

Qualcomm најави дека неговиот следен водечки мобилен процесор ќе се вика Snapdragon 8 Elite Gen 5 – име што може...

Хороскоп1 ден

Хороскоп за вторник (23 септември)

Овен Ќе се однесувате непромислено. Можно е да ги пропуштите предизвиците. Додека во прашањето поврзано со работата воглавно ќе бидете...

НАЈЧИТАНИ