Свет
Омикрон го парализира светот: Се повеќе земји ги затвораат границите и воведуваат карантини
Нов Зеланд во вторникот го одложи планираното отворање на меѓународната граница поради ширењето на омикрон низ светот, а неколку земји прибегнаа кон епидемиолошки мерки како одржување на физичка дистанца.
Многу земји се во состојба на готовност пред прославите на Божиќ и Нова Година, стравувајќи од повторен пораст на бројот на заразени, а покрај здравјето, разорно е и влијанието на пандемијата врз финансиските пазари и се стравува од глобално економско закрепнување.
Омикрон се шири особено брзо во Европа, САД и Азија.
Министерот за Ковид-19 на Нов Зеланд, Крис Хипкинс рече дека неговата земја го одложува отворањето на меѓународната граница до крајот на февруари поради опасноста од омикрон.
Во Индија, министерот во Њу Дели, Арвинд Кејривал ги повика граѓаните да користат маски и побара од федералната влада дозвола да администрира трета доза од вакцината. Пријавени се 200 случаи на омикрон сојот на коронавирусот SARS-CoV-2 во 15 индиски држави.
Министерството за здравство на Сингапур спроведува масовни тестови за да открие дали омикрон стои зад серија случаи на инфекција кои се случиле во една теретана.
Омикрон станува доминантна варијанта во САД од која невакциниран маж почина еден ден претходно во Тексас.
Сојот омикрон е одговорен за 73 отсто од новите инфекции во текот на викендот, соопшти американскиот Центар за контрола и превенција на болести (ЦДЦ).
Како што расте бројот на случаи, градоначалничката на Вашингтон, Муриел Боузер во понеделникот повторно ја воведе обврската за носење маски во затворени простории до крајот на јануари и обврската за вакцинирање на сите вработени во јавниот сектор, вклучително и засилената доза на вакцината.
Во Њујорк, бројот на случаи на ковид-19 се зголеми за 60 проценти, а инфекцијата се забрзува низ североисточниот дел на Соединетите држави. Њујорк три дена по ред бележи рекорден број на нови инфекции од почетокот на пандемијата.
Јужна Кореја, Холандија, Германија и Ирска повторно воведуваат целосно или делумно затворање и други заштитни мерки.
Израел сега ги стави Соединетите Држави на црната листа на земји од кои летовите се забранети, додека Кувајт бара задолжителна „засилена“ доза за сите странски патници доколку поминат повеќе од девет месеци од вакцинацијата.
Британскиот премиер Борис Џонсон во понеделникот рече дека ситуацијата е „многу тешка“ и дека владата ги разгледува сите опции, вклучително и ограничувањата на туризмот.
Во Австралија расте и бројот на омикрон инфекции, но мал е бројот на хоспитализирани. Премиерот Скот Морисон ги повика државните и териториските власти да не прибегнуваат кон нови мерки за затворање.
„Не се враќаме на затворање. Продолжуваме да живееме со вирусот, со здрав разум и одговорност“, рече Морисон.
Светската здравствена организација (СЗО) објави дека варијантата омикрон е пријавена во 89 земји и дека бројот на случаи се удвојува за 1,5 до три дена во областите на пренос во заедницата.
Досега, повеќе од 274 милиони луѓе ширум светот се заразени со новиот коронавирус од почетокот на пандемијата, а повеќе од 5,65 милиони луѓе починале.
Поради омикрон, Светскиот економски форум исто така го одложи својот годишен собир во Давос, закажан за средината на јануари, до средината на 2022 година.
/n1info/
Свет
Тлото на Јапонија не престанува да се тресе, регистриран нов силен земјотрес од 6,3 степени според Рихтер, првиот беше со јачина од 7,6 степени
Денес, во 22:52 часот, беше забележан нов земјотрес со јачина од 6,3 степени според Рихтерова скала на јапонскиот остров Хокаидо. Според достапните информации, епицентарот на земјотресот се наоѓал на координати 41.0079° северна ширина и 143.0123° источна должина.
Eпицентарот, како што известува Европско-медитеранскиот сеизмолошки центар, бил на длабочина од околу 18 километри под површината на Земјата.
🔔#Earthquake (#地震) M6.4 occurred 142 km NE of #Hachinohe (#Japan) 11 min ago (local time 06:52:42). More info at:
📱https://t.co/QMSpuj6Z2H
🌐https://t.co/1tFIB9RTX3
🖥https://t.co/AenVB0EsL3 pic.twitter.com/rynZOPWGPH— EMSC (@LastQuake) December 8, 2025
До сега, нема пријавено штети или повредени лица, а властите продолжуваат да ја следат ситуацијата.
Треба да се напомене дека Хокаидо денес веќе беше погоден од земјотрес со јачина од 7,6 степени според Рихтерова скала.
Русија го забрани пристапот до „Snapchat“, популарната социјална мрежа за споделување фотографии и видеа кои се автоматски бришат по краток временски период, јави руската новинска агенција РИА во четврток, цитирајќи го регулаторот Роскомнадзор.
Како една од причините за оваа блокада, руските власти ја навеле наводната злоупотреба на „Snapchat“ за организирање терористички напади и регрутирање на извршители на кривични дела во земјата.
Тим часот пред тоа, Русија го забрани и „FaceTime“, апликацијата за видео повици на „Apple“, во рамки на засилената стратегија против странските технолошки платформи, за кои властите сметаат дека се користат за извршување криминални активности.
Оваа одлука следи по претходните ограничувања за YouTube (Google), WhatsApp (Meta) и Telegram.
Извор: RIA / engadget.com
Руските власти денеска предупредија дека може да ја блокираат целосно услугата за пораки WhatsApp, обвинувајќи ја за недостаток на акција во исклучување на активностите кои Москва ги смета за криминални на платформата.
Американскиот технолошки гигант Meta, кој го поседува WhatsApp, не даде веднаш одговор на оваа закана, која ја упати Роскомнадзор, рускиот регулатор за телекомуникации.
Уште во август, Русија ја забрани можноста за повици преку WhatsApp, како дел од поголемата кампања против социјалните мрежи во сопственост на странски компании. Истото ограничување се однесуваше и на платформата Telegram.
Критичарите сметаат дека Москва се обидува да ги принуди граѓаните на Русија да преминат на платформи што се под директен надзор на државата. Според Роскомнадзор, WhatsApp се користи за „организирање терористички дејства во земјата, регрутирање терористи, извршување измами и други кривични дела против руски граѓани“.
„Ако платформата не ги усогласи своите операции со руските закони, таа ќе биде целосно блокирана“, се додава во соопштението.
WhatsApp е една од двете најпопуларни услуги за пораки во Русија, заедно со Telegram. Москва инсистира на тоа дека и двата сервиса треба да дозволат пристап до податоци по барање на властите, не само за истраги за измами, туку и за истражување на активности кои Русија ги смета за терористички.
Дополнително, руските власти ги обвинуваат украинските безбедносни сили дека користат овие апликации за регрутирање на Руси за извршување саботажи во замена за парични награди.
Застапниците за човекови права изразуваат загриженост дека продолжувањето на мониторингот на овие платформи ќе доведе до значително проширување на полициските овластувања на руската држава.
Извор: independent.co.uk
Хороскоп за недела (14 декември)
ОВЕН Вклучете се малку повеќе во настаните околу вас, особено ако се поврзани со луѓето кои ви значат. Помогнете му...
(ВИДЕО) Со головите на кичевчаните Стефан Стојаноски 23′ и Павел Димоски во 93′, Македонија У15 ја победи силната Турција, секоја чест момци, гордост на нашиот град
Натпреварот се одигра на тренинг центарот „Петар Милошевски“, каде што избраниците на селекторот Горан Станковски прикажаа борбена и квалитетна игра,...
Маж во производствена хала од машина се здобил со повреди и починал на лице место
На 12.12.2025 во 08:40 часот во СВР Скопје е пријавено дека во производствена хала во фирма кај Новоселски пат С.А....
Хороскоп за сабота (13 декември)
ОВЕН Направете планови за работа што ќе бара вистински професионалци, веројатно луѓе постари од вас. Без разлика на кој пол...
(ВИДЕО) На голема радост на дечињата, ООУ „Кузман Јосифоски-Питу“ – Кичево блесна во украсна новогодишна бајка
Во рамки на денешниот ден заврши и предновогодишното украсување на училиштето. Благодарение на наставниот колегиум и директорот, ова училишно катче...
Се намалува малопродажната цена на Мазутот, бензините и дизелот остануваат со иста цена за литар
Малопродажната цена на Мазутот М-1 НС се намалува за 1,089 ден/лит, во однос на малопродажната цена утврдена со одлуката за...
Денеска млад жител на Скопје бил пронајден починат во напуштена куќа, вчера имало уште еден случај пријавен до СВР Скопје..
Ноќеска, на 12.12.2025 околу 00:20 часот во СВР Скопје е пријавено дека во напуштена куќа на подрачјето на Центар е...
Вчера вечер во кичевски угостителски објект бил нарушен јавниот ред и мир со физичка пресметка на четворица жители на град Кичево
На 11.12.2025 во 23:00 часот во ОВР Кичево е пријавено дека во угостителски објект, на ул. „Маршал Тито“ во Кичево...
Во просториите на ФФМ работен состанок одржа комисијата за избор на нов селектор на фудбалската репрезентација, изборот ќе се знае до 25 декември
Комисијата за избор на нов селектор на македонската А-репрезентација, во состав на Масар Омерагиќ претседател на ФФМ, Горан Пандев директор...
„Инстаграм“ за минатиот месец е водечка апликација по превземања на мобилните телефони, за септември на прво место беше „ChatGPT“
Мобилните апликации денес се неизбежен дел од нашата секојдневна рутина и заземаат голем дел од времето што го минуваме пред...
-
Кичево2 дена
Вчера вечер во кичевски угостителски објект бил нарушен јавниот ред и мир со физичка пресметка на четворица жители на град Кичево
-
Кичево2 денаФинишираат подготовките за овогодинешниот Хуманитарен „Божиќен Базар“ во Кичево, период на многу забава, радост и среќа
-
Хороскоп1 ден
Хороскоп за сабота (13 декември)
-
Спорт13 часа
(ВИДЕО) Со головите на кичевчаните Стефан Стојаноски 23′ и Павел Димоски во 93′, Македонија У15 ја победи силната Турција, секоја чест момци, гордост на нашиот град
-
Кичево1 ден
(ВИДЕО) На голема радост на дечињата, ООУ „Кузман Јосифоски-Питу“ – Кичево блесна во украсна новогодишна бајка
-
Хроника15 часа
Маж во производствена хала од машина се здобил со повреди и починал на лице место
-
Хороскоп9 часа
Хороскоп за недела (14 декември)
-
Спорт2 дена
Во просториите на ФФМ работен состанок одржа комисијата за избор на нов селектор на фудбалската репрезентација, изборот ќе се знае до 25 декември