На 27/28.07.2021 година во периодот од 22 до 02 часот, СВР Охрид, на подрачјето на Кичево, ја спроведе превентивна кампања „Соседска патрола“. Притоа, мешани патроли составени од полициски службеници од Отсекот за превенција во Охрид и Кичево, претставници од Советот на родители во основните училишта, од Секторот за образование, локалната самоуправа, од Центарот за социјални работи во Кичево и од невладината организација „Вредит да си од Кичево“, извршија превентивна обиколка на повеќе угостителски објекти во централното градско подрачје, на периферијата од градот, како и на други јавни места на отворен простор каде, во ноќните часови, младите најчесто се собираат и се задржуваат.

Целта на кампањата е родителите да се запознаат каде излегуваат нивните деца и во каков амбиент младите се забавуваат во ноќните часови, какви се условите каде што излегуваат, кои угостителски и други јавни места најчесто ги посетуваат, кои се проблемите кои можат да се случат во текот на вечерните забави и како полициските службеници практично ги применуваат своите полициски овластувања.

Во рамките на кампањата, полициските службеници разговораа со младите на јавните места и во угостителските објекти, а малолетните лица посебно беа информирани околу законските обврски кои мора да се почитуваат.  Притоа, не е констатирано присуство на малолетници во угостителски објекти или точење алкохол на малолетници по 24 часот, ниту други безбедносни проблеми.

Проектот „Соседска патрола“ има за цел да се зацврсти партнерскиот однос меѓу полицијата и граѓаните, да придонесе за зголемување на степенот на безбедност, намалување на можните инциденти на местата каде што се забавуваат младите, подигање на нивната општествена свест и совест за одговорно однесување во угостителските објекти и на јавните места, како и доследно почитување на законските одредби, пред сѐ, од Законот за прекршоци против јавниот ред и мир.

Интернационална ноќ на боречки вештини во организација на Матриал Артс Академи клубот од Кичево во спортската сала Јанчица на ден 30.07.2021 со почеток во 17 часот

Се што треба да се знае е дека “Ќе имаме одлични борци во овие дисциплини К1,ММА и Бокс од Македонија,Црна Гора,Албанија,Косово,Босна и Србија и им посакувам среќа на сите натпреварувачи за ПортаМК – рече организаторот и промотер Урим Саити”

– Да се запазат сите Ковид 19 мерки,задолжително носење маска,дезинфекција на влезот,да нема групирање повеќе од четири лица и да се држи растојание од два метри изјави – Координаторот на овој натпревар кичевчанецот Драган Ѓорѓиоски

После отслужената Света Божествена Литургија се пристапи кон македонската заклетва, пред свето писмо, кама и револвер. Кичевската Коњаница од дворот на Манастирот Пресвета Богородица Пречиста се упати према градот, каде како и секоја година во спој на браќата од Мавровско-Горнореканската Коњаница пристигнаа во светиот храм Св.Петар и Павле – Кичево и присуствуваа на Молитва отслужена за добар пат од страна на свештениците на Кичевска Парохија. Оваа година коњаницата ја предводи војводата Петар Велевски.

Нека вие со лесно патот браќа!

Денешниот настан виден преку нашиот објектив изгледаше вака: