Спорт
Ова се избраниците на Милевски за WorldCup 2022. Заеднички да веруваме во успех!

Селекторот на македонската А репрезентација, Благоја Милевски го објави списокот со повикани фудбалери за натпреварите против Италија (24. март) и Португалија / Турција (29. март) од плејофот за пласман на Светското првенство во Катар 2022.
На списокот на селекторот Милевски се наоѓаат 27 фудбалери. Давид Бабунски од унгарски Дебрецин е повратник во најдобрата репрезентација. Кристијан Наумовски од Шкупи е повикан во конкуренција за голманската позиција.
ГОЛМАНИ: Столе Димитриевски (Рајо Ваљекано, Шпанија), Дамјан Шишковски (Докса, Кипар), Кристијан Наумовски (Шкупи);
ОДБРАНА: Стефан Ристовски (Динамо Загреб, Хрватска), Дарко Велковски (Ријека, Хрватска), Висар Муслиу (Инглоштад, Германија), Кире Ристевски (АЕЛ Лимасол, Кипар), Езѓан Алиоски (АЛ Ахли, Саудиска Арабија), Тодор Тодоровски (Серед, Словачка), Стефан Ашковски (Сепси, Романија), Никола Серафимов (Залаегерцег, Унгарија);
СРЕДЕН РЕД: Аријан Адеми (Динамо Загреб, Хрватска), Елиф Елмас (Наполи, Италија), Енис Барди (Леванте, Шпанија), Стефан Спировски (МТК, Унгарија), Тихомир Костадинов (Пјаст, Полска), Јани Атанасов (Хајдук, Хрватска), Ердал Ракип (Малме, Шведска), Бобан Николов (Шериф Тираспол, Молдавија), Давид Бабунски (Дебрецин, Унгарија);
НАПАД: Адис Јаховиќ (Гестепе, Турција), Милан Ристовски (Спартак Трнава, Словачка), Бојан Миовски (МТК, Унгарија), Дарко Чурлинов (Шалке 04, Германија), Александар Трајковски (Ал Фахја, Саудиска Арабија), Ваљон Етеми (Истанбулспор, Турција), Дориан Бабунски (Дебрецин, Унгарија);
Собирот на македонската А репрезентација е закажан за 20. март во 19:00 часот во хотел „Хилтон“ во Скопје.
Првиот тренинг е во понеделник во 19:00 часот на тренинг центарот „Петар Милошевски“ во Скопје. На 22. март во 17:00 часот со чартер лет, репрезентацијата патува за Палермо каде што ќе се одигра натпреварот против Италија.
Репрезентацијата на Македонија на 24. март во Палермо ќе се соочу со Италија во првиот бараж натпревар за пласман на Светско првенство во Катар 2022 година.
Селекторот на нашата најдобра репрезентација, Благоја Милевски денеска го објави списокот на повикани фудбалери за плејоф дуелите и даде свое видување во однос на повиканите играчи и предзвикот кој ни претстои.
Благоја Милевски, селектор на репрезентацијата на Македонија:
– Што се однесува до напаѓачките опции, Адис Јаховиќ е повикан, но неговото доаѓање е неизвесно. Јаховиќ се соочува со одредени потешкотии, има болки во тетивата и наскоро ќе дознаеме дали ќе може да му се приклучи на тимот. Несторовски не е повикан од причина што во текот на оваа сезона има одиграно само 13. минути во Купот на Италија, но не значи дека нема да сметаме на него за идните активности доколку влезе во натпреварувачки ритам.
– Се работи за еден натпревар со Италија на кој се е отворено. Нашите фудбалери треба да уживаат во овој бараж, да покажат дека не сме случајно на ова место и меѓу најдобрите 20 селекции во Европа. Ме радува формата во која се наоѓаат нашите репрезентативци. Што се однесува до Италија, се работи за селекција која е во топ пет по квалитет, актуелен Европски првак. Меѓутоа секоја селекција има свои силни и слаби страни, така е и со нашиот следен противник, наше е да успееме тоа да го искористиме.
– Овој тим на Македонија не знае да игра дефанзивно и да игра пасивно. Тоа го покажавме на сите седум натпревари во квалификациите, а ќе се потрудиме да го потврдиме и на дуелот со Италија. Ќе биде тешко, но не и невозможно. Нема лесен натпревар на ова ниво.
– Искрено, не гледам поврзаност со претходните два меѓусебни натпревари против Италија. Од последниот меч со Италија мина долго време, двете селекции имаат различен селектор, различна филозофија. Сега играме еден натпревар, кој е од сосема поинаков тип и важност, во споредба со двата квалификациски меча одиграни во Скопје и Торино.
Собирот на македонската А репрезентација е закажан за 20. март во 19:00 часот во хотел „Хилтон“ во Скопје.
Првиот тренинг е во понеделник во 17:00 часот на тренинг центарот „Петар Милошевски“ во Скопје.
Спорт
„Сер Боби“ уште еднаш ги пофали своите момчиња, каде овој пат покажаа професионален пристап и голем ентузијазам

Македонската А репрезезентација утре 10-ти јуни (сабота) го има официјалниот собир за јунските натпревари од квалификациите за ЕП 2024 против Украина (16. јуни, Национална арена „Тодор Проески“) и Англија (19. јуни, Олд Трафорд, Манчестер).
Поголемиот дел од повиканите фудбалери за овие два меча, односно играчите кои веќе завршија со клупски активности, го одработија првиот дел од подготовките со националниот тим.
Дени Илиев, Езѓан Алиоски, Јован Манев, Енис Барди, Аријан Адеми и Илија Несторовски поради обврски во клубовите не беа во можност да се стават на располагање за подготовките од 2. до 8. јуни на тренинг центарот „Петар Милошевски“, додека Елиф Елмас денеска одработи тренинг со своите репрезентативни колеги.
Благоја Милевски – селектор на македонската А репрезентација:
– „Повеќето од фудбалерите се собраа, очекуваме и останатите да ни се придружат во следните три дена, на 12. јуни треба да бидеме комплетни на тренинг откако ќе пристигнат Алиоски, Адеми и Илиев.
Исклучително сум задоволен од оваа фаза на подготовки. Фудалерите, иако уморни од сезоната во клубовите, покажаа ангажираност, професионален пристап и голем ентузијазам.
Се обидовме да постигнеме одреден баланс со однос на физичката исцрпеност и енергијата која ќе ни треба за следната фаза подготовки и натпреварите кои не очекуваат. Акцентот сега го ставивме на физичката подготвеност, а веќе од 10. јуни се насочуваме на техничко-тактичка анализа и тоа ќе биде фокусот на тренинзите.
Украинците ќе ги предводи нов селектор, кој ќе го промени системот на игра, но ние веќе навикнавме на промени кои во најмала рака ни ја отежнуваат работата во однос на подготовка на натпреварите. Таков беше случајот и пред мечот со Малта.
Но, за нас е најважно да бидеме силни на тренинзите кои ни следуваат и целосно да се вложиме и тактички и физички. Иако е крај од сезоната, сигурен сум дека фудбалерите имаат мотив и енергија за уште два силни натпревари“.
Спорт
Влезниците за фудбалскиот меч на гостински терен помеѓу Англија и Македонија можат да се купуваат до 15. јуни, ова се информациите

Фудбалската федерација на Македонија праќа информација до навивачите на македонската А репрезентација и љубителите на фудбалот кои сакаат да ја бодрат нашата селекција на натпреварот на 19. јуни меѓу Англија – Македонија во Манчестер, дека платформата, односно линкот ТУКА за купување билети се затвора во четврток, 15. јуни.
Билетите се по цена од 30 и 40 британски фунти. Билети за лица со попреченост можат да се нарачаат на следниот телефонски број: 0800 093 0824
На навивачите на македонската репрезентација кои се резиденти во Обединето Кралство билетите по купување ќе им бидат доставени до домашна адреса. Останатите навивачи на македонската репрезентација кои ќе купат билет за натпреварот ќе добијат електронски ваучер кој на ден на натпреварот ќе треба да го заменат за физички билет на означена локација во близина на стадионот.
Важни напомени за посетителите на натпреварот:
- Стадионот Олд Трафорд има рестриктивна политика за носење на лични торби. Деталите можете да ги погледнете тука
- Стадионот Олд Трафорд работи без размена на готовина. Ниту еден од киосците нема да прима готовина за плаќање, ќе мора да имате платежна картичка.
- Деца на возраст до 14 години мора да бидат во придружба на возрасно лице.
Спорт
Од понеделник започнува продажбата на билети за фудбалскиот квалификациски меч Македонија со Украина, ова се предвидените цени

Во понеделник, 5. јуни, ќе започне продажбата на билети за натпреварот на Македонија – Украина (16. јуни, 20:45) на Националната арена „Тодор Проески“ во Скопје од квалификациите за ЕП 2024. Цената на влезница за натпреварот изнесува од 300 и 400 денари.
Продажбата на билети за натпреварот Македонија – Украина ќе се организира исклучиво преку продажната мрежа на MKTickets со физичко присуство на купувачите.
Едно лице може да купи најмногу четири (4) билети. Задолжителна е влезница за натпреварот и за деца, без оглед на нивната возраст.
МАКЕДОНИЈА – УКРАИНА (Национална арена „Тодор Проески“, 16. Јуни, 20:45 часот)
Цени на билети:
Северна Трибина
Блок 13, 14, 18, 19, 20, 21, 23 и 24 300 денари
Јужна Трибина
Блок 1, 2, 5 и 6 300 денари
Блок 3 и 4 400 денари
Билетарата на Националната арена „Тодор Проески“ ќе биде отворена на 14-ти, 15-ти јуни и на денот на натпреварот, 16-ти јуни од 10:00 часот.
Продажни места:
Скопје:
• ЛитератураМК – City Mall
• ЛитератураМК – East Gate
• ЛитератураМК – Веро Центар
• Литература – ТЦ Буњаковец
• Литература МК – ул. Македонија
• Југотон ГТЦ 1
• ЈК Травел – ТЦ Бисер
• Макпетрол – Козле
• Макпетрол – Илинденска
• Макпетрол – Влае
Велес:
• Унисон
Прилеп:
• ТА Бран
Куманово:
• Тобако Агора
Тетово:
• Тобако Монако
• Гранд Тобако
Гостивар:
• Тобако Вона 5
Охрид:
• ТА Вис Пој
Битола:
• Литерара МК
• Tobacco Brothers
Струмица:
• Литература МК
• ТА Сафари
Радовиш:
• ТА Халкидики
Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на „Рисовите“ да дојдат до многу важна победа од квалификациите за Европското првенство 2024.
-
Временска прогноза2 дена
Попоски повторно со вонредни метео вести за времето, се очекува дожд и грмежи – Ова се последните информации…
-
Кичево2 дена
(ФОТО) „ART Caffe“ – Кичево повеќе од 10 години ваш верен пријател со најубаво кафе и одличен амбиент
-
Хороскоп2 дена
Хороскоп за четврток (8 јуни)
-
Хороскоп14 часа
Хороскоп за петок (9 јуни)
-
Подкаст2 дена
(ВИДЕО) Игорче во „Какаротски муабети“ – „Што ако сум со Даунов синдром, вистина ја зборувам чесно со срце и душа“
-
Мобилни уреди7 часа
Новиот iOS 17 дополнително им го отежнува допишувањето на корисниците на Android
-
Мобилни уреди1 ден
Samsung Galaxy S23 Ultra во САД е сепак најскапиот паметен телефон
-
Спорт7 часа
„Сер Боби“ уште еднаш ги пофали своите момчиња, каде овој пат покажаа професионален пристап и голем ентузијазам