Мобилни уреди
Овие 5 андроид мобилни уреди се помеѓу најпродаваните 10 во светот

Според најновите податоци од „Counterpoint Research“, листата на најпродавани паметни телефони во светот за првиот квартал од 2025 година покажува дека Apple повеќе не е единствениот лидер на пазарот. Иако ги зазема првите четири позиции, Android уредите успеаја да се изборат за половина од топ 10 листата, при што Samsung доминира со четири модели, а Redmi се појавува со еден.
Од Samsung, меѓу најпродаваните се најдоа моделите: Galaxy A16 5G, Galaxy A06, Galaxy S25 Ultra и Galaxy A55 5G. Особено се истакнува Galaxy A16 5G, кој е на петтото место, но е најпродаваниот Android телефон во овој период.
Galaxy S25 Ultra, како единствен премиум Android модел на листата, е на седмото место – нешто пониско во споредба со неговиот претходник, S24 Ultra, кој лани беше петти. Причина за ова е неговото подоцнежно лансирање, што резултираше со пократок период на продажба. Сепак, серијата S25 во целина се продава стабилно, претставувајќи околу 25% од вкупната испорака на Samsung во месеците кога беше достапна.
Redmi 14C 4G е моделот кој ѝ обезбеди на оваа марка место меѓу најпродаваните Android телефони.
Apple, пак, доминира на врвот со моделите iPhone 16, 16 Pro Max, 16 Pro и iPhone 15, кои се на првите четири позиции. iPhone 16 Plus го зазеде десеттото место. Забележително е што iPhone 15, и покрај тоа што е на пазарот речиси две години, сè уште се продава одлично, благодарение на привлечната цена. Иако iPhone 16e не е меѓу првите десет, се очекува да има подобри резултати од претходните SE модели во текот на првата година.
Извор: counterpointresearch.com
Мобилни уреди
Новиот процесор за мобилни телефони на „Qualcomm“ ќе се вика „Snapdragon 8 Elite Gen 5“

Qualcomm најави дека неговиот следен водечки мобилен процесор ќе се вика Snapdragon 8 Elite Gen 5 – име што може да делува збунувачки, бидејќи е наследник на минатогодишниот Snapdragon 8 Elite. Иако официјалното претставување ќе се одржи на самитот Snapdragon од 23 до 25 септември, компанијата веќе објасни зошто направила промени во брендирањето.
– „Можеби изгледа како да сме прескокнале неколку генерации, но вистината е многу поедноставна – и помоќна. Snapdragon 8 Elite Gen 5 ја претставува петтата генерација на нашите премиум платформи од серијата 8, откако го воведовме новиот едноцифрен систем на именување и новиот визуелен идентитет“, напиша Qualcomm во блог објава. „Затоа, иако името звучи поинаку, тоа всушност е продолжение на нашата постојна рамка.“
Со оваа промена, компанијата сака да ја направи еволуцијата на своите водечки чипсети појасна за потрошувачите. По моделите Snapdragon 8 Gen 1, Gen 2 и Gen 3, Qualcomm ја наруши доследноста со минатогодишниот Snapdragon 8 Elite, кој всушност е четвртата генерација.
Сега, враќањето на генерациските броеви ја нагласува припадноста на сите модели во едно исто семејство и временска рамка на издавање, а истовремено – можеби не случајно – го избегнува бројот четири, кој традиционално се смета за несреќен во кинеската култура.
Извор: theverge.com
Мобилни уреди
„Apple“ ја претстави новата серија на iPhone 17

Apple ја претстави новата серија iPhone 17. Почетната цена во САД за основниот модел изнесува 799 долари, додека за iPhone 17 Pro ќе треба да се издвојат 1.099 долари. Во Европа и Србија се очекуваат нешто повисоки износи. Продажбата започнува на 19 септември.
Телефоните доаѓаат со новиот A19 процесор, а екранот сега има 6,3 инчи и е заштитен со керамички слој – мал напредок во однос на 6,1-инчниот дисплеј кај iPhone 16.
Камерата претрпе големо унапредување и нуди резолуција од 48 мегапиксели, што е четири пати повеќе од претходната генерација.
Во прилог одличната рецензија и првите впечатоци за „чудовиштето“ од мобилен телефон на јутјуберот „Brian Tong“
Инаку, моделот iPhone 17 Pro се разликува со редизајн, посилна батерија, зголемена меморија и нов систем за ладење кој овозможува подобри перформанси на чипот.
Покрај главните модели, Apple го најави и iPhone Air – најтенкиот iPhone досега. Со дебелина од само 5,6 милиметри, екран од 6,5 инчи и конструкција направена од 80% рециклиран титаниум, овој уред е посебен акцент на презентацијата.
Мобилни уреди
Батеријата се празни додека полните? Еве што треба да знаете

Современите Android телефони доаѓаат со моќни и ефикасни процесори, како и батерии со поголем капацитет. Вообичаено, тие можат да издржат цел ден со едно полнење. Дополнително, технологиите за брзо жично и безжично полнење го прават користењето уште попрактично.
Сепак, понекогаш се јавува проблем кој корисниците го сметаат за најфрустрирачки – телефонот е на полнач, а батеријата сепак се празни.
Зошто се случува ова?
-
Неквалитетен или неконпатибилен полнач – денес повеќето телефони се испорачуваат само со USB кабел, а изборот на адаптер е на корисникот. Ако адаптерот не ги исполнува спецификациите на телефонот, полнењето може да биде недоволно ефикасно.
-
Стара или оштетена батерија – по неколку години користење, капацитетот на батеријата значително опаѓа. Android уредите може да покажат информации преку апликации од трети страни, додека iPhone овие податоци ги има во делот Battery Health. Ако батеријата е премногу деградирана, често е потребна замена.
-
Апликации во позадина – одредени апликации и услуги можат да трошат енергија дури и кога телефонот мирува. Графички тешките игри, како Call of Duty: Mobile или Genshin Impact, можат дополнително да го загреат уредот и да ја забават ефикасноста на полнењето.
-
Прегревање – високите температури можат да ја оштетат батеријата и да предизвикаат проблеми со полнењето. Затоа е важно телефонот да се полни во постудена средина.
Како да го решите проблемот?
Ако телефонот постојано се празни додека е приклучен на полнач:
-
Проверете дали користите компатибилен адаптер и кабел.
-
Размислете за замена на батеријата ако е стара.
-
Исклучете GPS, Bluetooth и апликации во позадина што не ви се потребни.
-
Избегнувајте полнење кога телефонот е веќе загреан.
Совети за подолго траење на батеријата
-
Намалете ја светлината на екранот.
-
Активирајте режим за заштеда на енергија во итни ситуации.
-
Не оставајте го телефонот долго време на 100% полнење.
Со правилна грижа, батеријата може значително подолго да го задржи својот капацитет и да обезбеди сигурни перформанси.
Извор: V-Online
-
Кичево1 ден
Кичево: За среќа само материјална штета од сообраќајката на кружен тек кај „Автобуска станица“
-
Кичево1 ден
(ВИДЕО+ФОТО) Се гаси огромна површина на пожар зад градски стадион во Кичево
-
Хороскоп2 дена
Хороскоп за понеделник (22 септември)
-
Хороскоп1 ден
Хороскоп за вторник (23 септември)
-
Култура1 ден
(ФОТО) Нашиот заштитник Манастир „Св.Богородица – Пречиста“ по повод празникот „Рождество на Мајката Божја“ беше посетен од голем број верници
-
Скопје14 часа
АМСМ: Од утре започнуваат градежни активности – санација на потпорни ѕидови кај подпатник на Државен пат А2 – обиколница Скопје, ќе трае четири месеци
-
Македонија1 ден
Вчера лишени од слобода деветмина возачи поради возење под дејство на алкохол и санкционирани 540 возачи за брзо возење
-
Временска прогноза2 дена
Ведро и сончево, од четврток следи промена на времето, каде ќе биде застапено поголемо наоблачување