Мобилни уреди
Овие 5 андроид мобилни уреди се помеѓу најпродаваните 10 во светот

Според најновите податоци од „Counterpoint Research“, листата на најпродавани паметни телефони во светот за првиот квартал од 2025 година покажува дека Apple повеќе не е единствениот лидер на пазарот. Иако ги зазема првите четири позиции, Android уредите успеаја да се изборат за половина од топ 10 листата, при што Samsung доминира со четири модели, а Redmi се појавува со еден.
Од Samsung, меѓу најпродаваните се најдоа моделите: Galaxy A16 5G, Galaxy A06, Galaxy S25 Ultra и Galaxy A55 5G. Особено се истакнува Galaxy A16 5G, кој е на петтото место, но е најпродаваниот Android телефон во овој период.
Galaxy S25 Ultra, како единствен премиум Android модел на листата, е на седмото место – нешто пониско во споредба со неговиот претходник, S24 Ultra, кој лани беше петти. Причина за ова е неговото подоцнежно лансирање, што резултираше со пократок период на продажба. Сепак, серијата S25 во целина се продава стабилно, претставувајќи околу 25% од вкупната испорака на Samsung во месеците кога беше достапна.
Redmi 14C 4G е моделот кој ѝ обезбеди на оваа марка место меѓу најпродаваните Android телефони.
Apple, пак, доминира на врвот со моделите iPhone 16, 16 Pro Max, 16 Pro и iPhone 15, кои се на првите четири позиции. iPhone 16 Plus го зазеде десеттото место. Забележително е што iPhone 15, и покрај тоа што е на пазарот речиси две години, сè уште се продава одлично, благодарение на привлечната цена. Иако iPhone 16e не е меѓу првите десет, се очекува да има подобри резултати од претходните SE модели во текот на првата година.
Извор: counterpointresearch.com
Мобилни уреди
„WhatsApp“ одстранил сериозен безбедносен пропуст за „iPhone“ уредите

На 29 август 2025 година, WhatsApp соопшти дека затворил сериозен безбедносен пропуст, кој овозможувал хакирање на „iPhone“ и „Mac“ уреди без никаква акција од страна на корисникот (т.н. „zero-click“ напад).
Според компанијата, проблемот бил евидентиран како CVE-2025-5517 и произлегувал од недоволна проверка при „синхронизација на пораки со поврзани уреди“ во самата апликација.
Оваа ранливост можела да се комбинира со уште еден безбедносен пропуст – CVE-2025-43300, кој бил поврзан со основната библиотека за обработка на слики на Apple и кој веќе бил претходно закрпен од компанијата.
Преку комбинација на овие две слабости, напаѓачот имал можност да натера уредот да процесира содржина од злонамерен URL без никакво кликање од страна на жртвата, што доведувало до целосно компромитирање на системот.
Иако точниот број погодени корисници не е познат, WhatsApp наведе дека веројатно станува збор за помалку од 200 лица глобално.
Според анализите на Безбедносната лабораторија при Амнести Интернешнл, можно е меѓу целите да имало активисти, членови на невладини организации и претставници на граѓанскиот сектор, а нападите можеле да ги засегнат и iOS и Android уреди.
Како мерка на претпазливост, WhatsApp апелира сите корисници да ја надградат апликацијата – за iOS верзија 2.25.21.73 или понова (за WhatsApp и Business), а за Mac – верзија 2.25.21.78.
Дополнително, компанијата препорачува фабричко ресетирање на уредите, со цел целосно отстранување на можни траги од нападот, иако закрпата веќе е имплементирана.
Покрај тоа, корисниците се советуваат да ги ажурираат и самите оперативни системи iOS и macOS, бидејќи Apple исто така објави безбедносни надградби поврзани со CVE-2025-43300.
Извор: WhatsApp Security Advisories / whatsapp.com
Мобилни уреди
„Samsung Galaxy S25“ водечки мобилен уред на глобалниот пазар на премиум смартфони

Од својата презентација на пазарот на почетокот од годинава, серијата „Samsung Galaxy S25“ се етаблира како водечки играч на глобалниот пазар на премиум Android смартфони. Најновите податоци покажуваат дека побарувачката за овие уреди е толку висока, што дури и вкупната продажба на сите други Android флегшипи со ист процесор не успева да ја надмине таа на „Galaxy S25“.
Според информациите што ги објави реномираниот технолошки инсајдер Ice Universe, до крајот на јуни, вкупната глобална продажба на серијата S25 достигнала 20,22 милиони единици. Тоа претставува пораст од 2,2 милиони во споредба со серијата Galaxy S24 во истиот период лани, која тогаш броеше 18,02 милиони продадени уреди. Овој раст јасно покажува дека интересот за новата генерација продолжува да расте.
Особено впечатливо е што сите останати Android флагшипи со процесорот Qualcomm Snapdragon 8 Elite (со исклучок на Samsung верзијата) заедно не успеале да надминат 20 милиони продадени единици во првата половина од годината. Ова ја става серијата S25 пред целата конкуренција.
Една од клучните предности на Samsung е користењето на ексклузивната верзија од процесорот – Snapdragon 8 Elite for Galaxy – прилагодена специјално за нивните уреди. Главното јадро на овој чипсет работи на фреквенција од 4,47 GHz, што е повисоко од стандардните 4,32 GHz. Заедно со напредните AI функционалности и ветената 7-годишна софтверска поддршка, оваа комбинација ја прави серијата Galaxy S25 особено привлечна за глобалните потрошувачи.
Иако Ice Universe не откри конкретен извор за податоците, неколку независни анализи на пазарот ја потврдуваат лидерската позиција на Samsung во првиот и вториот квартал од годинава, при што компанијата останува број еден во светските испораки на смартфони.
Извор: sammobile.com
Мобилни уреди
Се чини дека 5000 mAh батерија на современите телефони не е доволна

Во минатото, паметните телефони со батерија од 5000 mAh се сметаа за уреди со солидна издржливост. Но денес, ова веќе не е импресивен капацитет. Новите податоци од Counterpoint Research покажуваат дека во првиот квартал од 2025 година, дури 71% од сите смартфони имале батерија од најмалку 5000 mAh, а 10% од нив дури надминуваат 6000 mAh.
Овие високи капацитети, кои порано беа карактеристични за телефони од средната класа, сега стануваат стандард и кај премиум моделите. Очигледно е дека 5000 mAh сè повеќе се гледа како основа, додека етикетата „голема батерија“ сега се применува на уреди со 6000 mAh и повеќе.
Една од причините зошто порано беше тешко да се стават поголеми батерии беше тоа што тие зафаќаа многу простор, што влијаеше врз можноста да се сместат и други важни компоненти, како камери и системи за ладење. Дополнително, поголемите батерии можеа да го нарушат дизајнот и удобноста при користење, што е важно кај уредите од повисока класа.
Решение на овој предизвик се новите силициум-јаглеродни (Si-C) батерии, кои нудат повисока енергетска густина, заземаат помалку простор и се полнат побрзо од традиционалните литиум-јонски. Неколку производители, како Honor, OnePlus и realme, веќе почнаа да ги користат овие батерии во своите најнови уреди.
Модели како OnePlus 13 и realme GT 7 успеваат да понудат батерии над 6000 mAh, без да прават компромиси со дебелината и изгледот на телефонот.
Се чини дека иднината на смартфоните оди кон уреди кои ќе имаат издржливост за цел ден, без да се жртвува дизајнот. Благодарение на новите технологии, корисниците сега можат да очекуваат тенки телефони со батерии што траат значително подолго, пишуваат колегите од „benchmark.rs“
-
Кичево14 часа
(ВИДЕО) Спречен голем пожар во кичевската населба Иванидол
-
Кичево2 дена
(ФОТО) По работната акција, светнаа трибините на градскиот стадион од ФК Напредок
-
Хороскоп1 ден
Месечен Хороскоп (септември 2025)
-
Хороскоп8 часа
Хороскоп за вторник (2 септември)
-
Македонија22 часа
Од денес започнува новата учебна година, вештачката интелигенција дел од наставата, образовни асистенти и за средношколците
-
Автомобили2 дена
Американските анализи покажуваат дека автоматските менувачи доминираат на нивниот автомобилски пазар
-
Мобилни уреди2 дена
„WhatsApp“ одстранил сериозен безбедносен пропуст за „iPhone“ уредите
-
Скопје1 ден
СВР Скопје: Телефонската линија 192 повторно е во функција