ОВЕН

Може да очекувате промени поврзани со вашето работно место. Пред вас е фаза која може да биде многу турбулентна. Саканата личност ќе ви покаже преку дела дека зборовите и биле неискрени. Чувствителни заби.

БИК

Подготвени сте да се дистанцирате од деловните обврски. Ви се допаѓа личност која е прилично ладна и дистанцирана. Нема да ја освоите лесно. Добро се чувствувате.

БЛИЗНАЦИ

Доколку сте загрижени за работата, имате право. Околностите не ви одат од рака. Можно е да дојде до некои компликации. Можни се и проблеми поради некоја поранешна љубов. Проблеми со крвотокот.

РАК

Ве очекува конфликт и недоразбирање со колегите. Ќе имате прилично отежнати деловни околности периодов. Иако сте многу заљубени, тешко ви е да го покажете тоа бидејќи се плашите да не бидете повредени. Склони сте кон алергии.

ЛАВ

Ве очекува напорен ден. Пред вас е период во кој деловните проблеми може да се нанижат еден на друг. Подготвени сте за нови познанства. Чувствувате потреба да бидете сакани и да најдете личност за себе. Проблеми со стомакот.

ДЕВИЦА

Имате можност да дојдете до остварување на деловните планови. Сѐ укажува на тоа дека ќе бидете задоволни со резултатите. Неочекуван пресврт на љубовно поле ќе ве наведе да се запрашате околу заклучоците кои ги донесовте претходно. Имате многу енергија.

ВАГА

Помали препреки на финансиско поле би можеле значајно да ви го намалат и моралот и енергијата. Познанството кое ве очекува за вас истовремено може да биде и многу емотивно и многу болно на некој начин. Чувствителен урогенитален тракт.

ШКОРПИЈА

Може да се надевате на подобрување на околностите на работно поле. Ситуацијата полека но сигурно се врти во ваша корист. Не сте сигурни дали личноста со која се гледате има некакви емоции кон вас бидејќи не ги покажува. Избегнувајте масна храна.

СТРЕЛЕЦ

Може да се надевате на одморот кој го посакувавте. Време е малку да се опуштите, а на работата ќе и се посветите некој друг ден. Пред вас е нова врска во која ќе вложите многу енергија. Проблеми со несоница.

ЈАРЕЦ

Доколку се занимавате со приватен бизнис, пред себе имате ден за важни одлуки. Уживате во пријателскиот однос со личност која ви се допаѓа, но сепак сакате да одите и чекор понатаму. Одлично се чувствувате!

ВОДОЛИЈА

Периодов може да имате нови случувања на работно поле. Пред вас е момент на одлуки. Можно е да постојат неразјаснети околности во вашата врска и некои работи да излезат на виделина. Менувајте ги лошите навики.

РИБИ

Потребно е да се посветите на деловното опкружување и комуникацијата со колегите за да изградите подобри односи. Ви се допаѓа личност која не ја познавате сосема добро. Потребно ви е опуштање.

Samsung започна со дистрибуција на големото ажурирање One UI 8, базирано на Android 16, за серијата Galaxy S24 и сите модели со флексибилни дисплеи од 2024 година.

Првично, ажурирањето се појави во Јужна Кореја, според објавите на форумите на Samsung. Засега е достапно само за корисниците кои беа дел од бета-програмата, но се очекува во наредните денови и останатите корисници да ја добијат стабилната верзија.

• За бета-тестерите, пакетот тежи околу 400 MB

• За сите други, стабилната верзија ќе биде значително поголема – приближно 4 GB

Иако засега нема официјална потврда за глобалното објавување (САД, Европа и останатиот дел од Азија), се очекува проширувањето да започне многу скоро.

Промена во стратегијата на Samsung

Samsung годинава задоцни со испораката на Android 15 (One UI 7), но со One UI 8 ја презема иницијативата и стана првиот производител (по Google) што го издаде Android 16 за своите водечки телефони.

Што носи One UI 8?

Ажурирањето моментално е достапно на 11 модели, од Galaxy S24 Ultra до Galaxy Z Fold 7.

Главни новитети:

• Подобрен мултитаскинг – нов сооднос на поделен екран од 90:10, што овозможува две апликации да работат речиси во цел екран, една до друга.

• Побрзо и пофлуидно префрлање меѓу активните апликации.

• Подобрувања во стабилноста и безбедноста на системот.

Засега, Galaxy S24, Galaxy Z Fold 6 и Galaxy Z Flip 6 први го добија ажурирањето, а наскоро ќе биде достапно и на други пазари.

Извор: B92

Со зголемувањето на популарноста на брзото и безжичното полнење, времето за полнење денес е побрзо и попрактично од кога било. Сепак, околу оваа тема постојат многу митови и прашања. Без разлика дали го полните телефонот за прв пат или сакате да го искористите максимумот од брзото полнење во секојдневна употреба, ќе ги разгледаме фактите и ќе дадеме совети за продолжување на векот на батеријата.

Колку време е потребно за првото полнење?

Повеќе не е потребно телефонот да се полни 8–12 часа пред првата употреба. Современите паметни телефони, и Android и iPhone, имаат литиум-јонски батерии кои се делумно наполнети уште при вадење од кутија. Тоа значи дека можете веднаш да го користите телефонот. Сепак, се препорачува да го наполните до 100% пред првата употреба за подобра калибрација на батеријата.

Со брз полнач (20 W или повеќе), повеќето уреди достигнуваат 100% за околу еден до еден и пол час. Со стандарден полнач, првото целосно полнење трае приближно 3 часа.

Колку време е потребно за полнење на iPhone?

Времето на полнење зависи од капацитетот на батеријата, нејзината состојба и адаптерот. Најбрз начин е со полнач од 20 W и кабел Lightning. Кај моделите од iPhone 8 па нагоре, батеријата може да достигне околу 50% за само половина час. Дури и десет минути полнење можат да зголемат значително процентот на батеријата, што е корисно кога сте во брзање.

Колку време е потребно за полнење на Android?

Кај Android уредите времето зависи од видот на полначот и капацитетот на батеријата. Со брз полнач, телефонот може да се наполни за 30 минути до еден и пол час. Со обичен полнач, процесот трае подолго. Исто така, времето зависи од тоа со колку процент започнувате – колку е пониско нивото, толку повеќе време е потребно за целосно полнење.

Колку трае безжичното полнење?

Безжичното полнење работи преку електромагнетна индукција, при што енергијата се пренесува од подлогата до телефонот преку вградена намотка. Брзината варира според моделот и технологијата, но кај најновите телефони полнењето од 0% до 100% трае околу два и пол часа.

Дали е добро секогаш да се полни до 100%?

Литиум-јонските батерии работат најдобро ако се одржуваат меѓу 20% и 80%. Честото празнење до 0% или постојаното држење на 100% го намалува векот на батеријата. Полнењето до 100% понекогаш не е проблем, но не е препорачливо тоа да биде секојдневна навика, особено преку ноќ.

Зошто телефонот понекогаш се полни бавно?

Неколку фактори можат да влијаат:

• Стара батерија – по неколку години користење капацитетот се намалува.

• Слаб или несоодветен полнач – неоригинален полнач или полнење преку компјутер е значително побавно.

• Прегревање – батеријата може да престане да се полни ако телефонот е прегреан, на пример кога е оставен подолго време на полнач.

  Извор: N1Info