Магазин
Пет години затвор за човекот кој ги хакираше Twitter профилите на бројни познати личности

Џозеф Џејмс О’Конор, човекот кој ги хакираше сметките на Twitter на познати личности и бараше од нивните следбеници да му плаќаат криптовалути, е осуден на пет години затвор. Но, бидејќи беше во притвор повеќе од две години, ќе одлежи половина од казната.
Во септември 2020 година, нешто необично се случуваше на Twitter. Хакерите ги „киднапираа“ сметките на познатите личности со голем број следбеници и почнаа да објавуваат за да подаруваат бесплатни биткоини. Се разбира, тоа беше вообичаена измама, во која од корисниците се бараше да испратат количина на биткоини на одредена адреса, за да добијат двојно повеќе за возврат.
Три години по нападот, еден од одговорните хакери, 24-годишниот Џозеф Џејмс О’Конор, беше осуден на пет години затвор откако се изјасни за виновен по четири точки од обвинението за компјутерско хакирање, измама со преку интернет и cyberstalking. Покрај тоа, тој се согласи да им врати најмалку 794.000 долари на жртвите на неговите злосторства.
New: One of the hackers responsible for the 2020 Twitter hack that saw high profile Twitter accounts spread cryptocurrency scams has been sentenced to prison.https://t.co/p9gGH4Qagp
— TechCrunch (@TechCrunch) June 23, 2023
Според обвинителите, Оконор, попознат на интернет како PlugWalkJoe, ги користел своите „софистицирани технолошки способности за злонамерни цели за да украде големи количини на криптовалути“. Обвинетиот пред судот изјави дека неговите дела се „глупави и бесмислени“, им се извини на жртвите на измамата и побара од судијата попустливост.
О’Конор на крајот доби пет години затвор, но бидејќи помина повеќе од две години во притвор, судијата му рече дека ќе отслужи половина од казната, пишува Tech Crunch.
Lifestyle
Дали заспивате со мобилен телефон? Ова може сериозно да му наштети на вашето здравје

Научните истражувања откриваат нешто загрижувачко: вештачката светлина навечер може да го наруши биолошкиот часовник и да го зголеми ризикот од дијабетес тип 2, артериска хипертензија и дебелина.
Сè повеќе луѓе стануваат зависни од своите паметни телефони – тие се како продолжена рака. Но токму користењето телефон пред спиење е најголемиот проблем.
Зошто е опасна сината светлина?
Докторите предупредуваат: изложеноста на сината светлина од екранот пред спиење може да предизвика:
-
нарушување на хормонот мелатонин
-
намалување на времетраењето на сонот
-
појава на нарушувања на спиењето
Иако сината светлина директно не предизвикува дијабетес, експертите објаснуваат дека може да биде значаен ризик фактор за развој на болеста.
Што велат експертите?
Горана Мирошевиќ, раководител на Институтот за ендокринологија, дијабетес и метаболички заболувања, посочува дека дијабетесот тип 2 може да настане од повеќе фактори: наследност, возраст, хормонални нарушувања кај жени, прекумерна телесна маса и седентарен начин на живот.
Таа додава дека сината светлина влијае на намалување на мелатонинот и на лош квалитет на спиењето, што индиректно го зголемува ризикот.
Што покажуваат студиите?
Минатата година во списанието „Лансет“ беше објавена студија со 85.000 учесници, која траела дури девет години. Анализирани биле повеќе од 13 милиони часови податоци преку светлосни сензори. Резултатите потврдија: луѓето кои ноќе биле повеќе изложени на вештачка светлина имале зголемен ризик од дијабетес.
Последици и други болести
Според Зринка Мах од Хрватското друштво за хронични болести, изложеноста на вештачка светлина ноќе е директно поврзана со појава на хронични незаразни болести.
Недостатокот на сон не носи само дијабетес и дебелина, туку и:
-
депресија
-
малигни заболувања
-
намалено лачење на хормони
Истражувањата потврдуваат едно: колку е поголемо изложувањето на светлина ноќе, толку е поголем ризикот по здравјето.
Извор: tportal
Lifestyle
Појадувајте здраво во канцеларија: брз рецепт за 5 минути

Долг ден во канцеларија секогаш бара паметен и хранлив почеток. Ако утрото ви е хаотично, а сепак сакате да останете верни на здравите навики, овој рецепт е вистински спас – готов е за само пет минути. Идеален е за сите кои трчаат по време, но сакаат енергија за целиот ден.
Состојки за здрав канцелариски појадок
• 3 лажици житни култури
• 1 лажица путер од бадеми – кремаст и хранлив
• 1 лажица мед (по желба, за сладок шмек)
• ½ ситно сечкано киви
• ½ ситно сечкано јаболко
За финалниот „допир“ одозгора:
• 3 лажици јогурт од бадеми – мек и кремаст
• Листови од зелено јаболко за свежина и крцкавост
• Неколку ф’стаци за луксузен шмек и текстура
• Сушени бобинки (боровинки или суво грозје) за совршена рамнотежа
Како да го подготвите?
• Измешајте ги сите состојки во сад.
• Додајте го јогуртот, јаболковите листови, ф’стаците и сушеното овошје како топинг.
• Уживајте веднаш или спакувајте го и понесете го во канцеларија.
Заклучок
Со само пет минути и малку добра волја, вашиот ден може да започне на највкусниот и најздрав начин. Без изговори за прескокнување појадок – овој рецепт е лесен, енергетски и идеален за секое утро.
Извор: B92
Магазин
Samsung Galaxy Tab S11 – протекоа цените за Европа

Новата серија таблети Samsung Galaxy Tab S11 иако сè уште не е официјално претставена, веќе е во центар на вниманието. Благодарение на бројните гласини и протечени информации, спецификациите беа познати уште претходно, а сега две полски продавници ги открија и цените за европскиот пазар.
Очекувани цени во Европа
• Основниот модел Galaxy Tab S11 (Wi-Fi, 256 GB) ќе чини околу 4.099 полски злоти, што изнесува приближно 960 евра.
• Верзијата со 5G и 128 GB меморија ќе стартува од 4.399 злоти, или околу 1.030 евра.
• Најмоќниот модел, Galaxy Tab S11 Ultra, ќе биде значително поскап – за Wi-Fi верзијата со 512 GB цената ќе биде 6.299 злоти (околу 1.475 евра). Интересно е што и основниот 5G модел со 256 GB меморија ќе има иста цена.
Разлики по европски пазари
Важно е да се нагласи дека овие цени се пресметани врз основа на полскиот пазар и можно е да има мали варијации во другите европски земји.
Големото претставување е закажано за 4 септември, кога покрај новите таблети, Samsung ќе го претстави и новиот Galaxy S25 FE.
Извор: Index
-
Кичево1 ден
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп22 часа
Хороскоп за петок (29 август)
-
Хороскоп2 дена
Хороскоп за четврток (28 август)
-
Хроника1 ден
Во хотелска соба бил пронајден починат 69-годишник од Австралија
-
Кичево11 часа
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
Временска прогноза13 часа
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
Спорт1 ден
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
На денешен ден13 часа
Времеплов: На денешен ден (29 август)