Lifestyle
Пет работи во домот што можат да го загрозат здравјето

Иако домот го сметаме за безбедно место, постојат работи кои несвесно можат да му наштетат на нашето здравје. Д-р Џулија Адамиан сподели за New York Post пет работи кои никогаш не би ги чувала во својот дом бидејќи можат да влијаат негативно врз здравјето, спиењето и безбедноста.
1. Неред
„Скриената опасност од нередот е прашината. Таа тешко се чисти и може да предизвика алергии,“ вели д-р Адамиан.
Изложеноста на домашни алергени краткорочно може да предизвика респираторни реакции како кашлање, насолзени очи, напади на астма и хроничен бронхитис. Долгорочно, тоа е поврзано со намалена функција на белите дробови, срцеви проблеми и невролошки нарушувања.
2. Теписи со реси
Наизглед безопасните теписи со реси често се причина за несреќи.
„Сигурно не би имала тепих со реси во мојот дом бидејќи лесно може да се сопнам по него,“ објаснува докторката. Овој ризик е поголем за постарите лица и оние со проблеми со мобилноста, но и сите други се изложени.
3. Нездрава храна
„Не препорачувам да чувате храна што поттикнува лоши навики,“ додава д-р Адамиан.
Таа споделува дека лично избегнува да чува сирење при рака, иако го сака, бидејќи е свесна за неговите можни негативни ефекти.
За другите, тоа искушение може да бидат газирани пијалоци, чипс или слатки. Ако не ги купите, помала е веројатноста да ги консумирате.
4. Миризливи сапуни и детергенти за перење
Миризливите производи често содржат фталати кои се поврзани со срцеви заболувања, дијабетес и хормонални нарушувања.
„Тие можат да предизвикаат алергиски реакции, да го иритираат носот и да го нарушат сонот,“ предупредува докторката.
5. ТВ во спалната соба
Гледањето телевизија пред спиење може да предизвика несоница.
„Светлосните импулси од екранот ја стимулираат мрежницата, што го нарушува сонот. Спиењето е исклучително важно, па телевизорот треба да се отстрани од спалната соба,“ заклучува д-р Адамиан.
Извор: N1Info
Lifestyle
Трикот за совршено сварени јајца

Варените јајца се едни од наједноставните и најхранливи оброци – богати со протеини, витамини и минерали. Но, речиси секој барем еднаш се сретнал со непријатната сиво-зелена жолчка или со лушпа што тешко се лупи.
За среќа, постои едноставен метод во четири чекори кој гарантира совршени резултати секој пат.
1. Почнете со студена вода
Јајцата најпрво се ставаат во тенџере, а дури потоа се прелеваат со ладна вода. Ако се додадат во веќе зовриена вода, многу полесно можат да се скршат.
2. Кратко вриење
Ставете го тенџерето на силен оган и почекајте водата да зоврие. Штом ќе почне да врие, тргнете од оган и веднаш покријте. Тајната е во тоа што јајцата не остануваат долго на висока температура, што ја спречува жолчката да добие зелена нијанса.
3. Времето е клучно
Должината на „стоење“ во топлата вода зависи од текстурата што ја посакувате:
-
4–5 минути → меко варени јајца
-
7–8 минути → средно варени
-
10–12 минути → тврдо варени
4. Ладна водена бања
Веднаш по варењето, исцедете ја топлата вода и јајцата потопете ги во сад исполнет со многу ладна вода и коцки мраз. Овој „шок“ ја прекинува термичката обработка и ја зачувува совршената текстура на жолчката и белката. Ако планирате да ги излупите, нежно потчукнете ги за да ја испукате лушпата и оставете ги во водата подолго време – потоа ќе се лупат лесно и рамномерно.
Извор: Nezavisne
Lifestyle
Никогаш не ставајте ја оваа храна во замрзнувач

Замрзнувачот често е „спасител“ кога сакаме да зачуваме остатоци од јадење или да го продолжиме рокот на траење на храната. Но, не секоја намирница е погодна за замрзнување – кај некои целосно се менува вкусот, текстурата и дури и хранливата вредност.
Пржена храна
По одмрзнувањето, пржената храна ја губи крцкавоста и станува мека и мрсна. Маслото се распределува нерамномерно и го уништува вкусот.
Јајца
Варените јајца стануваат густи и гумени, а нивниот вкус се менува на непријатен начин.
Зеленчук со многу вода
Краставици, зелена салата и слични зеленчуци ја губат цврстината и стануваат како каша. Доматите, исто така, го менуваат изгледот и вкусот по одмрзнувањето.
Компири
-
суров компир – никогаш не замрзнувајте! По одмрзнувањето станува чуден, со сладок вкус.
-
преработен компир (помфрит, крокети) – може да се замрзне без големи промени.
Млечни производи
Јогуртот и павлаката стануваат воденести или зрнести. Меките сирења (како крем сирење, бри) ја губат мазноста и добиваат грд изглед. Дури и тврдите сирења не остануваат исти ако подолго се чуваат во замрзнувач.
Тестенини и ориз
Варени тестенини и ориз после замрзнување стануваат лепливи и ја губат формата.
Извор: SD
Lifestyle
Применете ги овие едноставни трикови и облеката ќе мириса долго по перењето

Многумина се соочуваат со ист проблем: облеката изгледа чиста по перењето, но свежиот мирис многу брзо исчезнува. Понекогаш, дури и веднаш по сушењето, алиштата немаат арома каква што очекуваме. Причината често се крие во мали грешки при перењето. Со неколку едноставни навики, облеката може да остане миризлива, мека и свежа значително подолго.
Користете омекнувач во вистинско време
Една од најчестите грешки е додавањето омекнувач уште на почетокот од перењето, заедно со детергентот. Многу поефикасно е омекнувачот да се додаде кон крајот, при последното плакнење. На тој начин, неговиот мирис се задржува подолго на ткаенината.
Внимавајте на количината на детергент и омекнувач
Следете ги упатствата на пакувањето. Премногу детергент го отежнува плакнењето и остава траги на облеката, додека премалку не ја мие доволно. Истото важи и за омекнувачот – недоволна количина е едвај забележлива, а преголема може да предизвика непријатност или иритација на кожата.
Одберете соодветна температура
Температурата на перење има клучна улога. Пониските температури ја чуваат бојата и ја продолжуваат трајноста на материјалите. На пример, фармерките е најдобро да се перат ретко и, по можност, рачно – така го задржуваат својот облик и интензитет на бојата.
Сушете на свеж воздух, но не на директно сонце
Сушењето е исто толку важно колку и самото перење. Најдобро е алиштата да се сушат на свеж воздух, но да се избегнува директната сончева светлина, бидејќи таа ги избледува боите. Сушењето во сенка е идеално решение – облеката останува мека, со пријатен мирис и без оштетувања.
Не заборавајте на машината за перење
Ако алиштата и понатаму имаат непријатен мирис по перењето, проблемот може да е во самата машина. Редовното чистење, како и проверката дали правилно ја загрева водата, често го решаваат овој проблем и го подобруваат квалитетот на перењето.
Извор: SD
-
Кичево9 часа
Кичевските бербери на состанок одлучија да ги поскапат нивните услуги
-
Хроника2 дена
Вчера утро на магистралниот пат Кичево-Охрид се случила трагична сообраќајка каде животот го загуби младо момче од кичевско
-
Кичево2 дена
Денес се одбележува 82 години од најкрвавата битка кај с.Кленоец кичевско, додека на денешен ден загинал и Јосиф Јосифовски-Свештарот
-
Хороскоп1 ден
Хороскоп за вторник (7 октомври)
-
Хороскоп8 часа
Хороскоп за среда (8 октомври)
-
Македонија2 дена
Од вечерва горивата со намалена цена за литар
-
Македонија22 часа
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника17 часа
По долга и тешка болест почина познатиот пејач – Халид Бешлиќ