Следете не

Lifestyle

Петте најдобри европски скијачки центри

Објавено пред

на

Европа е дом на некои од најубавите скијачки центри во светот, кои не само што нудат одлични снежни патеки, туку и привлекуваат љубители на природата и авантуристите со своите неверојатни планински пејзажи. Доколку барате идеална дестинација за зимски одмор, порталот Travel and Tourism ги издвои петте најдобри скијачки центри во Европа.

1. Годерџи, Грузија

Сместен во регионот Аџара, Годерџи е вистинско откритие за љубителите на скијањето. Со патека долга 13 километри и уникатната комбинација на алпски и суптропски температури, овој скијачки центар нуди совршени услови за зимски спортови од ноември до април.

2. Alpe d’Huez, Франција

Alpe d’Huez е една од најпознатите ски дестинации во светот, сместена на надморска височина од 1860 метри. Позната по своите одлични услови за скијање и многубројните сончеви денови, оваа дестинација е исто така позната по својата културна понуда, вклучувајќи фестивал за комедија. Центарот се посветува и на еколошки иницијативи, придонесувајќи за зачувување на природата.

3. Вал Торенс, Франција

Вал Торенс е највисокиот скијачки центар во Европа, со надморска височина од 3230 метри. Овој француски центар е познат по тоа што има снег цела година, благодарение на големата надморска височина. Искусството на зимска идила е дополнето со луксузни хотели и врвни велнес содржини.

4. Брејил-Сервинија, Италија

Заедно со швајцарскиот ски центар Цермат, Брејил-Сервинија претставува една од најпространите скијачки области во Европа. Овој ски-центар се истакнува по користењето обновливи извори на енергија и иновации за одржливо производство на снег. Со прекрасен поглед на Матерхорн, Брејил-Сервинија е идеален за љубителите на предизвикувачки патеки.

5. Вербие, Швајцарија

Со 410 километри патеки, Вербие е една од најголемите и најпопуларни зимски дестинации во Европа. Овој ски-центар е идеален за искусни скијачи и за оние кои уживаат во луксузни сместувачки капацитети и ексклузивни ресторани. Со напредни технолошки решенија, кои помагаат во зачувување на планинската средина, Вербие нуди фантастични снежни услови во текот на целата сезона.

Извор: B92

Lifestyle

Валкан клима уред? Потенцијална закана за здравјето – еве зошто

Објавено пред

на

Фото: u_ssfofehsaj @ pixabay

Клима уредите се незаменливи во летните месеци, но ако не се одржуваат правилно, можат да претставуваат сериозна опасност за здравјето. Воздухот што циркулира низ валкани филтри често е исполнет со прашина, мувла, габи и бактерии – невидливи непријатели кои можат да предизвикаат алергии, респираторни тегоби и дури инфекции.

Опасности од неисчистени филтри

Редовното чистење на клима уредите е клучно не само за оптимално ладење туку и за заштита од:

  • Астма и алергии, предизвикани од насобрани честички и сув воздух.

  • Главоболки и кожни реакции, резултат на загаден воздух во затворен простор.

  • Инфекции, како што е легионерската болест – сериозна форма на пневмонија предизвикана од бактерии кои се размножуваат во несервисираните уреди.

Оваа болест најчесто се шири преку вдишување на ситни капки вода во воздухот. Особено се подложни лицата со намален имунитет, хронични болести или пушачи. Симптомите вклучуваат висока температура, кашлица, болка во градите, замор и дигестивни нарушувања.

Температурен шок – ризик за срцето

Пресилното ладење исто така може да предизвика проблеми. Разликата помеѓу внатрешната и надворешната температура не треба да биде поголема од 6–8°C, бидејќи тоа може да предизвика шок за телото, па дури и да доведе до срцев удар. Добра навика е клима уредот да се исклучи 30 минути пред излегување, за телото постепено да се прилагоди.

Чистење и одржување

  • Филтрите во внатрешната единица треба редовно да се перат или заменуваат, според упатствата од производителот.

  • Постојат антибактериски спрејови за дезинфекција на внатрешната единица – користете ги строго по инструкциите.

  • Надворешната единица треба да ја сервисира стручно лице – проверка на гас, вентилатор и компресор не е препорачлива за самостојна интервенција.

  • Проверете дали цревото за одвод на вода е проодено и правилно поставено.

Заклучок

Со едноставна навика за годишен сервис и редовно чистење, можете да избегнете здравствени проблеми и да го продолжите работниот век на уредот. Не заборавајте – клима уредот треба да го лади просторот, а не да ја загрозува здравствената состојба.

Прочитај повеќе...

Lifestyle

Црното кафе може да има здравствени придобивки – но само ако се пие вака

Објавено пред

на

Фото: Jakub Dziubak @ unsplash

Новите истражувања покажуваат дека умерената консумација на кафе – особено црно и без шеќер – може да има позитивно влијание врз здравјето и дури да помогне во продолжување на животниот век.

Пиењето една до три шолји кафе дневно се поврзува со намален ризик од прерана смрт, особено од срцеви заболувања. Меѓутоа, ваквите придобивки се забележани само кај луѓе кои пијат кафе без или со многу мала количина шеќер и масни додатоци.

Како кафето влијае на здравјето?

Кафето содржи природни антиоксиданси и биоактивни соединенија, кои можат позитивно да влијаат врз функцијата на срцето и метаболизмот. Податоците покажуваат дека луѓето кои пијат црно кафе во умерени количини имаат 14–17% помал ризик од смрт во споредба со оние кои не пијат кафе воопшто.

Но, ако во шолјата се додава голема количина шеќер или заситени масти (како павлака или полномасно млеко), придобивките значително се намалуваат или исчезнуваат.

Колку е премногу?

Истражувањата не покажуваат дополнителна корист кај луѓе кои пијат повеќе од три шолји кафе дневно. Исто така, не е утврдена значајна врска помеѓу консумирањето кафе и намалена смртност од карцином, но ефектите врз кардиоваскуларното здравје се поизразени.

Во проценките биле земени предвид различни видови кафе (со и без кофеин), како и количината на додаден шеќер и масти, каде што под „ниско“ се подразбира внес кој е под 5% од дневната препорачана вредност – на пример, помалку од половина лажичка шеќер на шолја.

Извор: Vijesti

Прочитај повеќе...

Lifestyle

Лимонада со нане и краставица – природен пијалок за освежување и хидратација

Објавено пред

на

ФОТО: Svitlana @ Unsplash.com

Овој лесен и освежителен пијалок не само што го гаси жедта во топлите денови, туку истовремено го хидрира телото, има смирувачки ефект врз желудникот и придонесува за благ детоксикациски процес.

Потребни состојки:

  • 1 литар ладна вода (по можност филтрирана)

  • 1 голем лимон (или 2 помали), исечен на прстени

  • Половина свежа краставица, тенко исечена

  • 8–10 свежи листови од нане

  • По желба: 1 лажичка мед или неколку капки агавен сируп

  • Мраз (по вкус)

Подготовка:

  1. Во голем бокал ставете ги исечените лимон, краставица и листовите нане.

  2. Додадете мраз и наполнете со ладна вода.

  3. По вкус, можете да додадете мед или агавен сируп за лесна сладост.

  4. Ставете го пијалокот во фрижидер најмалку 30 минути за да се спојат аромите – идеално е да отстои 2 до 3 часа.

  5. Сервирајте ладно, со дополнителен лист нане и парче цитрус во секоја чаша за подобар визуелен и вкусен ефект.

Корисен совет:

Покрај тоа што е природен начин за разладување, овој пијалок делува смирувачки на дигестивниот систем и може да помогне во ослободување од токсини. Идеален е за секојдневна хидратација, особено во летните месеци.

Прочитај повеќе...

Facebook

Последни објави

Хороскоп2 часа

Хороскоп за недела (22 јуни)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

Македонија14 часа

Возач од тетовско нов рекордер, возел 190 на саат на место ограничено 80 км/ч

На 20.06.2025 во 10.51 часот на патот Гостивар – Тетово, кај клучка Камењане, полициски службеници од Полициската станица за безбедност...

Временска прогноза19 часа

Претежно сончево и по свежо на утро со северен ветер

Под влијание на стабилна, сува и посвежа воздушна маса од север, викендов повремено ќе засилува ветерот од северен правец, особено...

На денешен ден1 ден

Времеплов: На денешен ден – 21 јуни

На денешен ден 21 јуни, хронолошки подредени значајни настани што се случиле низ различни години и делови на светот. Еве краток...

Хороскоп1 ден

Хороскоп за сабота (21 јуни)

ОВЕН Можеби немате веќе нови идеи и тешко ви е да имате позитивни мисли кога станува збор за работата. Мора...

Македонија2 дена

Од ноќеска ново поскапување на дизелот, ова е новата цена

Малопродажнaта цена на ЕУРОДИЗЕЛ (Д-Е V) се зголемува за 2,00 ден/лит, во однос на малопродажната цена утврдена со одлуката за...

Lifestyle2 дена

Валкан клима уред? Потенцијална закана за здравјето – еве зошто

Клима уредите се незаменливи во летните месеци, но ако не се одржуваат правилно, можат да претставуваат сериозна опасност за здравјето....

Lifestyle2 дена

Црното кафе може да има здравствени придобивки – но само ако се пие вака

Новите истражувања покажуваат дека умерената консумација на кафе – особено црно и без шеќер – може да има позитивно влијание...

Магазин2 дена

Facebook воведува Passkey: Безбедна најава без лозинка

За разлика од класичните лозинки, Passkey не може да се украде, погоди или протече, бидејќи не се внесува ниту испраќа....

Хроника2 дена

СВР Охрид со детали за страшната сообраќајка синоќа на булеварот „Туристичка“ во Охрид

На 19.06.2025 година во 22.30 часот, во СВР Охрид е пријавено дека на кружен тек од булеварот „Туристичка“ со улицата...

НАЈЧИТАНИ