ОВЕН

Ова ќе биде релаксиран работен ден во однос на претходните. И понатаму трошите многу енергија на најразлични договори и комуникација со блиските соработници. На сите страни, каде и да се свртите, денес може да очекувате потенцијални љубовни сигнали. Потребна ви е физичка активност.

БИК

Одличен работен ден ќе имаат поголемиот дел од личностите родени во знакот на Бик, пред сѐ на полето на организацијата на работата, потврдувајќи дека се на вистински пат кон професионалнот успех. Не е лош ден за да посветите дел од вашето слободно време во актиности со саканата личност. Уживајте. Болки во нозете.
БЛИЗНАЦИ

Доколку се фокусирате на основните задачи имате реални шанси за пристоен работен ден, во спотивно најтипичните Близнаци ги очекуваат грешки и крупни деловни пропусти. Во текот на овој ден не би требало да имате поголеми љубовни проблеми што е во ред. Дури и не е исклучено вашата драга личност да ве изненади на некој начин. Водете сметка за грлото и респираторните патишта.

РАК

Раковите ќе бидат најефикасни ако им се посветат на своите задачи и не се мешаат во туѓите обврски. Бидете што е можно поопуштени и препуштете им се на емоциите кон драгата личност. Тоа е рецепт за добар ден на вашето љубовно поле. Здравјето е многу добро.

ЛАВ

За Лавовите во текот на овој работен ден нема препреки. Целите можеби се помали, но остварливи. Важно е да имате фокус и да одите чекор по чекор напред кога станува збор за љубовта. Не претерувајте со енергетските пијалаци.

ДЕВИЦА

Уште еден успешен работен ден се наоѓа пред типичните Девици. Целокупната позитивна слика, може да ја расипе претераниот перфекционизам. Корегирајте ги нереалните очекувања, и ќе имате помалку причини на крајот од денот да бидете незадоволни во љубовна сфера. Без значајни здравствени предупредувања.

ВАГА

Потрудете се да ги испочитувате основните професионални принципи и нема причина за страв за крајните деловни резултати. Овој петок може да ви понуди неколку ситуации во кои е пожелно барем малку да ризикувате во намерата да и се приближите на личноста која ве привлекува. Здравјето е многу добро.

ШКОРПИЈА

Конечно, после подолго време, ова е еден релаксиран ден за повеќето Шкорпии, на работно поле. Доколку сте задоволни со моменталната состојба во љубовниот живот, тоа и ќе остане така во текот на целиот ден. Можни се респираторни тегоби.

СТРЕЛЕЦ

Нема големи промени на деловно поле. Тоа е и главната причина поради која сте незадоволни со комплетната ситуација на работа. Денес е одличен ден да направите промени и да преземете иницијатива во љубовна сфера. Чувствувате напнатост, нервоза.

ЈАРЕЦ

Денес имате целосна контрола врз деловните обврски. Сепак, чувајте се од неискрените соработници. Искреноста е многу важна и за стабилна љубовна релација. Уживајте во вниманието и искреното разбирање на вашата драга личност. Можна е главоболка.

ВОДОЛИЈА

Денес Водолиите може да делуваат малку незаинтересирано на деловно поле. Сепак, немојте потполно да се исклучите од актуелните случувања. Посебно големо ангажирање во љубовна сфера денес веројатно немате во план. Меѓутоа, бидете подготвени за некои нагли промени. Водете сметка за срцето и кардиоваскуларниот систем.

РИБИ

Во поголемиот дел од работниот ден, ќе бидете вредни но и малку расеани на сите страни. Кога станува збор за љубовта, тука ве чекаат неколку ситуации во кои може да дојде до недоразбирање во ставовите и неразбирањето со драгата личност. Хронични тегоби.

Едно од поголемите изненадувања минатата недела за време на лансирањето на Nintendo Switch 2 беше неговата цена. Иако многумина очекуваа дека ќе чини под 400 евра, цената на самата конзола во ЕУ е 469,99 евра, додека игрите надминуваат 70 евра. На пример, Mario Kart World ќе чини 75 евра наместо очекуваните 60 евра.

За разлика од деновите на Wii U, кога Nintendo ја продаваше конзолата под трошоците за производство за да привлече клиенти, Даг Боусер, претседател на Nintendo of America, вели дека сега се обидуваат да ги задржат профитните маржи, дури и ако тие се помали за хардвер отколку за софтвер. Тој верува дека е важно корисниците да ја препознаат вредноста на нивната инвестиција во уредот на Nintendo преку софтверот што го користат.

„Трошоците се зголемуваат со текот на времето“

За да ја оправда цената на Switch 2, Nintendo промовира хардверски подобрувања и нови функции, како GameChat и поддршка за глувчето.

„Кога додавате повеќе технологија на системот, особено во денешно време, тоа ги зголемува трошоците“, изјави за Polygon Бил Тринен, потпретседател за корисничко искуство. „За жал, живееме во време кога инфлацијата влијае на сите. Но, за купувачите чии приходи не пораснале, може да биде тешко да се прифати скок од 50% во номиналната цена на конзолата.“

„Се разбира дека трошоците се зголемуваат со текот на времето. И јас лично посакувам да не биде така“, изјави Тринен за IGN. „Но, соодветно се обидуваме да ја најдеме вистинската цена за производот.“

Цените на игрите се стабилни долго време

Тринен се осврна и на цените на играта, велејќи му на Polygon дека цените на игрите се неверојатно стабилни долго време.

Bowser изјави за CNBC дека цената на Mario Kart World не е обид да се постави нов стандард, туку дека тие ја одредуваат цената за секоја игра поединечно. Тој нагласи дека цената се базира на искуството што го нуди играта, нејзината должина, длабочина и вредност за играчите.

Конечно, Нејт Билдорф од Nintendo признава за Digital Trends дека цените не се точна наука: „Нема табела на Excel каде секоја нова функција автоматски додава 5 долари. Тоа е серија фактори кои тешко се квантифицираат за секоја игра поединечно.“

Извор: Index

Дали навистина знаете дали вашиот Android телефон е целосно ажуриран? Повеќето корисници проверуваат само за системски ажурирања, но постои уште една важна ставка која често останува незабележана. Иако редовното проверување еднаш месечно е важно – не само за нови функции, туку и за безбедносни закрпи – постои и друго ажурирање кое е потешко да се најде.

Ажурирање на системот преку Google Play

Во 2019 година, Google ја промени Android архитектурата и воведе дополнително ажурирање преку Google Play, кое е независно од производителот на телефонот. Овие ажурирања ги испраќа директно Google и се важни за подобрување на безбедноста, стабилноста и функционалноста на уредот.

Сепак, оваа опција е толку скриена во поставките, што многу луѓе воопшто не знаат дека постои.

Како да проверите дали Google Play системот е ажуриран

Следете ги овие чекори:

1. Отворете Settings на вашиот Android телефон.

2. Во полето за пребарување на врвот напишете:
   updates или Google Play system update

3. Од резултатите изберете Google Play system update.

4. Проверете дали е достапно ново ажурирање.

5. Доколку се прикаже можност, изберете Download & install.

6. Ако телефонот ве замоли да го рестартирате, сторете го тоа.

 Ова ажурирање е одделно од вообичаеното „System update“, па затоа е важно да ги проверувате и двете.

Редовното ажурирање на двата системи (стандардниот систем и Google Play системот) гарантира дека вашиот уред ќе биде побезбеден, побрз и пофункционален.

Извор: B92