АД Мепсо истакна соопштение за прекинот на електрична енергија кој ја парализира буквално скоро цела држава.

– Причина за овој прекин се високите напони на 400 киловолтната мрежа во целиот регион, што го афектираше нашиот систем и го предизвика краткотрајниот испад на енергетските трансформатори 400 /110 киловолти во трансформаторски станици.

– Станува збор за регионален и европски проблем со кои се соочуваат речиси сите преносни систем оператори поради нискиот транзит и конзум на електрична енергија во текот на ноќните часови и викендите во овој период од годината.

Од настанување на испадот, екипите на АД МЕПСО експресно реагираа и за околу еден час по прекинот, нормализирано е напојувањето со електрична енергија во државата, соопшти АД МЕПСО

– Исто така информираат дека нивните екипи продолжуваат да работат на целосно нормализирање на стабилноста на електроенергетскиот систем.

Утрово после 5 часот граѓани на социјалните мрежи упатуваа поплаки дека нивниот регион нема електрична енергија.

Според исказите, електрична енергија немало на повеќе региони во Македонија.

– Имено подетални информации околу веројатно големиот дефект сеуште немаме, останува да почекаме официјална информација.

Од она што неофицијално стигнува како информација од граѓани е тоа што без електрична енергија биле овие градови: Кичево, Прилеп, Битола, Охрид, Штип, Струмица, Охрид, Кочани, Крушево итн, додека информација за непланиран прекин во електроснабдување нема истакнато на официјалната страница од електродистрибуција.

* Обновено инфо: Во регионите во некои места состојбата со електричната енергија од околу 7 часот утрово доаѓа во нормала, известуваат граѓани.

* Во меѓувреме додека се санираат недостатоците, АД Мепсо истакна соопштение, за тоа која е причината за падот на електричната енергија, прочитајте ТУКА