Под влијание на влажна и студена воздушна маса од север, утрово од запад ќе се прошируваат нови врнежи од дожд, додека на планините ќе врне снег. Кон крајот на денот пред нас и во четврток ќе дува ЗАСИЛЕН, повремено СИЛЕН ветер од северен правец кој ќе услови ПОЗНАЧИТЕЛНО ЗАЛАДУВАЊЕ на времето, па така освен на планините, повремени локални послаби врнежи од снег ќе има и на местата со надморска височина од околу, па и под 1000 метри.

Четврток ќе биде речиси зимски ден со потпросечни температури на воздухот кој ќе се искачуваат во интервалот од 3 до 11 степени, меѓутоа поради силниот северен ветер температурите ќе се чувствуваат како да се пониски од реално измерените.

Ветерот во четврток повремено и локално ќе достигнува брзина од над 70 км/час, додека во петок наутро температурите речиси насекаде ќе се спуштат под нулата, со што се очекува појава на мраз. На повисоките места и на планините врнежите од снег ќе условат формирање на нова снежна покривка.

Во Скопје очекуваме слично време, со ЗНАЧИТЕЛНО НАМАЛУВАЊЕ на температурите во четврток, како и ЗАСИЛЕН северен ветер, но и нови врнежи од дожд утре.

НАПОМЕНА: Поради НАГЛИТЕ промени на времето, Биометеоролошките услови овие денови ќе бидат МНОГУ НЕПОВОЛНИ, па така кај метеопатите се можни ЗНАЧИТЕЛНИ ЗДРАВСТВЕНИ ПРОБЛЕМИ. Токму поради ова на истите ги советуваме да се обратат кај својот матичен лекар за совет, но и редовно да ја земаат препишаната терапија од истиот.

Автор: Славчо Попоски