Македонија
Полицајците од СВР Охрид денес ќе делат подароци во знак на пријателство и добредојде за среќна Нова година

Денес во 12:30 часот, СВР Охрид и Интернационалната полициска асоцијација Охрид, ќе го реализираат превентивниот проект „Новогодишни лампиони за среќна Нова година“.
Проектот е започнат во 2008 година во чии рамки, полициските службеници на охриѓани и гостите што во Охрид ќе ги прославуваат новогодишните празници, им подаруваат новогодишни лампиони како знак за пријателство и добредојде со желби за среќна Нова година.
Секако, полициските службеници на граѓаните и пред се на возачите на моторни возила ги потсетуваат за потребата од внимателно управување на возилата, почитување на сообраќајните правила и прописи, некористење алкохол, придонес за стабилен јавен ред и мир, се со цел, беспрекорна безбедност за време на Новогодишните празници.
Предвидено е во 12:30 часот, да биде поставен сообраќаен пункт на пресекот на булеварот „Туристичка“ со улицата „Даме Груев“ во Охрид, известува портпаролот на СВР Охрид г-дин Стефан Димоски
Македонија
РЦ Запад во координација со СВР Охрид санкционираа албански државјанки без регулиран престој

На 07.08.2025 во угостителски објект во струшкото село Велешта, Регионалниот центар Запад, полициски службеници од СВР Охрид, ОВР Струга, ПО во селото Велешта од слобода ги лишија албанските државјанки М.И.(35), Е.И.(41), Е.Т.(30), Р.К.(34), Е.Т.(33) и Е.Т.(31).
При контрола во објектот било констатирано дека го немале регулирано престојот во земјава.
Тие биле спроведени во ОВР Струга за понатамошна постапка и по целосно документирање на настанот, против нив ќе биде поднесена соодветна пријава, истакна портпаролот на СВР Охрид, Стефан Димоски.
Македонија
МВР изрече условна казна затвор и депортирање на германец поради говор на омраза, пред натпреварот Шкендија-Карабах

СВР Скопје поднесе кривична пријава до Основното јавно обвинителство Скопје по итна постапка против државјанин на Германија за кривично дело „предизвикување омраза, раздор или нетрпеливост врз национална, расна, верска и друга дискриминаторска основа“ од член 319 од Кривичниот законик.
Пријавениот на 05.08.2025, непосредно пред фудбалскиот натпревар помеѓу ФК „Шкендија“ и ФК „Карабах“, со истакнување и веење на знаме на „Голема Албанија“ и со натпис „Автохтона“, предизвикал чувство на омраза, раздор и нетрпеливост врз основа на етничка припадност. Полициски службеници го лишиле од слобода додека Основниот кривичен суд Скопје веднаш изрече пресуда со која обвинетиот го огласи за виновен и го осуди на условна казна затвор од две години и донесе одлука да го протера и да му забрани влез во државава во следните пет години.
МВР и Јавното обвинителство продолжуваат да преземаат координирани активности за откривање и идентификување на сторители на кривични дела на ширење на омраза и нетрпеливост поврзани со спортски натпревари. Веднаш по идентификацијата на сторителите, тие ќе бидат процесуирани во согласност со надлежностите на јавното обвинителство, информираше МВР.
Македонија
МВР најстрого ќе го санкционира говорот на омраза, само за спортското навивање има место на трибините

Министерството за внатрешни работи во континуитет апелира до сите граѓани и членови на навивачки групи да ги бодрат своите спортски клубови, но да навиваат спортски, исклучиво во спортски дух, без говор на омраза, без било какви навреди по лична, етничка, верска или било која друга припадност што не соодветствува на спортски натпревари и е спротивно на законот.
Во тој контекст, МВР уште еднаш нагласува дека во рамки на обезбедувањето на мирни и непречени спортски натпревари, како во минатото така и сега и во иднина, полицијата ќе биде крајно ригорозно по однос на било какви нарушувања на јавниот ред и мир, односно било какви навредливи скандирања и друг начин на ширење на говор на омраза.
За потсетување, во врска со кошаркарскиот натпревар што се одржа на 02.08.2025 во Спортската сала во Куманово, во СВР Куманово веќе се повикани неколку осомничени лица со кои што е извршен службен разговор, и по извршени анализи во координација со ОЈО Куманово ќе бидат преземени конкретни законски мерки а едно лице е лишено од слобода и против него ќе следи соодветен поднесок.
Што се однесува за фудбалскиот натпревар кој се одржа на арената Тодор Проески во Скопје на 05.08.2025, СВР Скопје врз основа на снимениот и документиран материјал презема мерки во координација со надлежен јавен обвинител. Имено, доставено е писмено известување до Обвинителството врз основа на веќе утврдениот материјал, по што МВР ќе постапува согласно своите надлежности во координација со ОЈО и за било какви утврдени законски прекршувања ќе следуваат соодветни поднесоци, за што јавноста благовремено ќе биде информирана, вели МВР.
-
Хороскоп1 ден
Хороскоп за четврток (7 август)
-
Хороскоп10 часа
Хороскоп за петок (8 август)
-
Македонија2 дена
МВР најстрого ќе го санкционира говорот на омраза, само за спортското навивање има место на трибините
-
Магазин2 дена
ChatGPT-5: Што носи новата револуција во вештачката интелигенција?
-
Спорт2 дена
Одлични вести: ВАР системот стана реалност во македонскиот фудбал
-
Македонија17 часа
МВР изрече условна казна затвор и депортирање на германец поради говор на омраза, пред натпреварот Шкендија-Карабах
-
Македонија13 часа
РЦ Запад во координација со СВР Охрид санкционираа албански државјанки без регулиран престој
-
Магазин2 дена
Сочни пилешки бургери од рерна