Во рамките полуфиналниот дел на турнирот во с.Вранештица ги дознавме финалистите кои директно ќе се соочат и ќе ги одмерат силите за „Илинден“ на 2-ри август.

Екипата на „Кеди Дизајн АНН Енерџи“ полуфиналниот меч против Печењара Љајче од Тетово го доби по пенал рулетот иако во регуларниот тек на утакмицата по надминати 5 фаули на гостите досудени од одличните судиски арбитри, дуото Марјан и Мартин Дејаноски, домашната екипа имаше шанса преку Аврамовиќ да го реши натпреварот но гостинскиот голман го прочита неговиот удар, така што по истекот на регуларните 20, се одиграа пенали – а домашната екипа беше поуспешна, секако благодарејќи и на одличната одбрана на нивниот чувар на мрежата.

– Инаку, доколку „Кеди Дизајн АНН Енерџи“ успее да го добие овој турнир против екипата на „Гранд Истанбул“ за нив тоа ќе бидат три последователни шампионски титули 22/23/24-та година, и со тоа практично би станале првата екипа која успеала три пати по ред да се искачи на првиот пиедестал, но останува да видиме, фудбалот е игра до последна минута!

„Гранд Истанбул“ неуморните момци денес покажаа зошто во големото финале, најпрво во првиот дел со одлична асистенција погодија за 0:1, додека во самиот финиш од мечот не дозволија израмнување и неизвесност, туку со мал дриблинг и прецизен удар од десната страна го зголемија водството за конечни 0:2 и место во големото финале.

Почитувани гости и љубители на фудбалот, повелете утре (2-ри август) со почеток од 20:00ч пред се во празнична атмосфера, на големо финале, вкусна храна, ладен пијалок, многу изненадувања и секако после доделувањето на наградите, ќе продолжиме со музика во живо заедно со одличните група „Седенка“

Во прилог повелете галерија преку нашиот објектив од полуфиналната вечер каде заслужено победија екипите кои покажаа по квалитетна игра, се гледаме утре!