Временска прогноза
Попоски истакна дека од утре ќе имаме по свежо време
Под влијание на ладен атмосферски фронт поврзан со циклонска активност со центар некаде над Италија утре (вторник) 2.7.2024 во попладневните и во вечерните часови повторно атмосферата во Македонија позначително ќе се дестабилизира, а со тоа од север ќе започне да пристигнува значително посвеж воздух.
Во ваква ситуација, кога топлиот воздух под чие влијание сме сега ќе се судри со значително посвежиот воздух од север утре попладне и навечер на повеќе места во Македонија ќе дојде до развој на конвективна облачност проследена со пороен дожд, грмежи и засилен ветер. Локално повторно ќе има појава на посилно невреме проследено со обилен пороен дожд за кратко време и истиот би можел да предизвика локални поројни поплавувања, исто така невремето ќе биде проследено и со силен ветер, силни грмежи и електрични празнења и со појава на град кој би можел повторно да биде крупен.
И во делови од Скопската котлина утре попладне и навечер можна е појава на невреме, проследено со обилен пороен дожд, силен ветер, силни и чести електрични празнења и со појава на град.
Што се однесува до температурите, тие утре во текот на денот ќе се искачуваат во интервалот од 28 до 36 степени, меѓутоа кон крајот на денот и во текот на ноќта кон среда тие ќе бележат тенденција на позначително опаѓање, па така во среда и во четврток ќе биде значително посвежо и променливо со повремен локален пороен дожд, грмежи и повремено умерен до засилен северен ветер.
Поради очекуваната нова поголема дестабилизација на времето и очекуваното невреме утре попладне и навечер, апелираме граѓаните да бидат крајно претпазливи, односно во случај на појава на невреме и на електрични празнења да не се претстојува на отворен простор и под осамени дрвја. Исто така во случај на појава на силен ветер и на крупен град автомобилите навремено да се заштитат, за Порта.мк утрово истакна Славчо Попоски
Временска прогноза
До крајот на месецот стабилно време, но со ниски утрински температури и магла по котлините
Под влијание на висок воздушен притисок (Антициклон), како и на стабилна и сува воздушна маса, до самиот крај од овој месец во Македонија ќе имаме стабилно, суво и сончево време, повремено со мала до умерена локална облачност. Ќе биде и претежно тивко.
Наутро останува студено и со појава на магла по котлините и по речните долини, која во текот на денот ќе се расчистува. Преку денот ќе имаме пријатни температури и истите ќе се искачуваат во интервалот од 18 до 23 степени.
Во Скопје и околината, до самиот крај од овој месец времето ќе биде стабилно, суво и сончево, повремено со појава на мала до умерена локална облачност. Ќе биде и претежно тивко, па наутро ќе има услови за појава на магла и на ниска облачност, која во текот на денот ќе се расчистува.
– Температурите остануваат без промени и преку ден ќе се искачуваат во интервалот помеѓу 22 и 23 степени.
Уживајте додека можете во преубавите сончеви есенски денови со пријатни температури на воздухот, истакна Попоски.
Временска прогноза
Според „Европскиот“ и „Глобалниот“ метео модел најверојатно зимата доаѓа во почетокот на месец ноември, ова се информациите
Според прогностичките материјали од двата најажурни модели, и тоа Европскиот (ECMWF) и Глобалниот (GFS) се согласуваат околу раното доаѓање на зимата на Балканот, вели Славчо Попоски. Имено тој додава дека кон крајот на овој, и во почетокот на ноември месец се посигурна е голема промена на времето ширум Балканот, како и спуштање на Поларниот вртлог кој ќе донесе многу ниски температури за овој период од годината, па дури и снег како на повисоките места и на планините, така и понекаде во градовите.
Не се исклучува можноста кон крајот на овој, и во почетокот на ноември месец на многу места низ Балканот да има вистинска снежна идила.
Да не заборавиме, сето тоа е поради се поголемото влијаение на Ла Ниња, која носи многу постудено време, повеќе врнежи од дожд и снег. До крајот на оваа година Ла Ниња ќе го достигне својот максимум, па така претстојната зима сите ние очекуваме да го оправда своето име и да биде многу постудена и поснежна, поради тоа што претстојната зима како што и претходно кажав, ќе биде Ла Ниња зима, известува Попоски.
Временска прогноза
Температурите ќе паднат, додека времето ќе биде променливо облачно со повремени сончеви периоди
До крајот на денешниот ден, како и утре (петок) како што и најавивме ќе имаме позначителен пад на температурите на воздухот, а времето ќе биде променливо облачно со сончеви периоди и со услови за слаб локален дожд, особено во западните предели.
Ќе дува слаб до умерен ветер од југоисточен правец, кој особено Долж Повардарието до крајот на денов повремено ќе засилува на интензитет.
И во Скопскиот регион времето ќе биде променливо облачно со сончеви периоди и со слаб до умерен, до крајот на денов повремено умерен ветер од југоисточен правец.
Што се однесува до температурите, тие ќе се искачуваат во интервалот од 15 до 22 степени. Во Скопје температурата ќе се искачува исто така до околу 22 степени.
-
Хороскоп1 ден
Хороскоп за среда (23 октомври)
-
Кичево1 ден
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle2 дена
Кој е нормалниот крвен притисок според возраста?
-
Хороскоп2 часа
Хороскоп за четврток (24 октомври)
-
Временска прогноза17 часа
До крајот на месецот стабилно време, но со ниски утрински температури и магла по котлините
-
Македонија18 часа
Денес е 23-ти октомври, ден на Македонската Револуционерна Организација
-
Македонија3 часа
Викендов започнува зимското сметање на време, сонцето ќе заоѓа порано и деновите стануваат значително пократки
-
Автомобили14 часа
BMW: Забраната за возила на бензин и дизел во ЕУ не е реална