Веќе ноќта петок кон сабота (3 кон 4 јануари 2025) и во сабота (4 јануари 2025) во Македонија како што подолго време најавувам ќе дојде до поголема промена на времето и спуштање на многу поладен и влажен воздушен бран од Арктикот.

Во ваква ситуација во текот на ноќта петок кон сабота, како и во сабота, особено претпладне ќе има врнежи од дожд, кои на повисоките места  и на планините, како и на Скијачките центри секако ќе бидат од снег, и постојаната снежна покривка токму на овие места ќе се зголеми. Поради заладувањето, повремен снег ќе има  и во делови од пониските места (градовите), особено во западните и во северните предели од Македонија.

Сето ова ќе биде проследено и со повремено засилен ветер од северен правец (повремено и локално со брзина до околу 60 км/час).

Во Скопје  и околината со овој бран ќе има врнежи од дожд, а на околните планини и во повисоките предели од котлината ќе има повремени врнежи од снег. Услови за сосема слабо провејување на снег ќе има  и во делови од пониските предели од котлината. Повремено со ова спуштање на ладниот воздух од север, и во Скопскиот регион ќе дува засилен ветер од северен правец.

Што се однесува до температурите, тие значително ќе опаднат и во сабота наутро ќе се спуштаат во интервалот од -6 до 3 степени, додека максималните дневни температури ќе се искачуваат во интервалот од 1 до 10 степени во најтоплите југоисточни предели од Македонија.

Да напоменам дека на повисоките населени места, како и на планините  и Скијачките центри, температурите во сабота  и преку ден ќе бидат постојано под нулата, извести Славчо Попоски

Почнувајќи од 3 јануари, па во деновите потоа, вклучувајќи ги и Божикните празници, но и деновите по 10 јануари, судејќи нормално според најновите излези на прогностичките модели, целиот Европски Континент, вклучувајќи го и целиот Балкан ќе биде заледен и зафатен од екстремно студен бран кој ќе се спушти од Арктикот кон Европа  и Балканот. Во Склоп со циклонски активности ќе има и чести и обилни снежни врнежи, на повеќе места во вид на снежно невреме.

На многу места низ Европа температурите ќе се спуштаат под -10, -15 степени, исто така во многу делови од континентот се очекуваат температури дури до , па и под -20 степени, а понекаде дури и до -30, во Алпскиот регион и под -30 степени.

Покрај тоа што многу снег ќе има и на Балканот, во вид на снежно невреме, и на Балканот температурите ќе бидат екстремно ниски и во делови од Балканот се очекуваат температури дури до околу, па и под -20 степени, а локално и до околу, па дури и под -25 степени, односно близу -30 степени.

Секако ако вака останат работите и во следните излези на прогностичките модели, треба да се подготвиме за уште еден нов Метеоролошки екстрем, овој пат низ цела Европа и Балкан, вклучувајќи ја и Македонија.

Инаку неодамна многу делови од Балканот се соочија со големо снежно невреме, каде во делови од Балканот наврна над еден и половина метар снег, оваа зима започна и наликува како оние дамнешни зими од деведесеттите години, за јавноста информираше Славчо Попоски

За новогодишната ноќ, односно ноќта вторник кон среда 31 Декември 2024, кон 1 Јануари 2025 година, и во среда на 1 Јануари 2025 во текот на денот, особено на планините и на Скијачките центри времето ќе биде претежно сончево и тивко, додека по котлините ќе биде магливо, со намалена видливост, како и со ниска облачност.

И во Скопскиот регион за новогодишната ноќ, особено во повисоките предели од котлината и на околните планини ќе биде ведро и тивко, додека во ниските предели од котлината ќе се создаваат услови за појава на магла и на ниска облачност.

Што се однесува до температурите, за време на новогодишната ноќ тие е се движат во интервалот од -3 до 2 степени, додека на 1 Јануари 2025 (среда) во текот на денот максималните дневни температури во Македонија ќе се искачуваат во интервалот од 5 до 12 степени.

Исто така, постудено ќе остане во котлините со магла  и со ниска облачност. Во Скопје пак на 1 Јануари 2025 година во текот на денот максималната температура ќе се искачи до околку 7 степени, предмалку извести Славчо Попоски