Временска прогноза
Попоски повторно со рана најава за викендот пред нас, каде не се исклучуваат врнежи од крупен град во некои места – Ова се информациите..

Следува краткотрајно стабилизирање на Атмосферата во Македонија. Меѓутоа, за време на викендот повторно на МНОГУ МЕСТА низ Македонија ќе биде нестабилно со пороен дожд, грмежи и засилен ветер. Сево ова е поради влијанието на новата ПОГОЛЕМА влажна и нестабилна воздушна маса од запад и од северозапад.
Поради ГОЛЕМАТА енергија во Атмосферата, повторно за време на викендот ќе има ОПАСНОСТ од појава на локално и ПОИЗРАЗЕНО НЕВРЕМЕ, проследено со интензивен пороен дожд, големо количество на воден талог за кратко време (можни локални поплави), олуен ветер, силни и чести електрични празнења, како и со појава на град и истиот локално повторно би можел да биде ПОКРУПЕН.
Апелираме граѓаните повторно да бидат КРАЈНО ПРЕТПАЗЛИВИ за време на викендот кој доаѓа, и тоа поради ОПАСНОСТА од појава на НОВО ГОЛЕМО НЕВРЕМЕ.
Во Скопје и околината повторно за време на викендот ќе има појава на пороен дожд, грмежи и засилен ветер, а во делови од котлината можна е појава и на НЕВРЕМЕ, како и на локални поплавувања.
Температурите сепак и покрај ова остануваат ЛЕТНИ, и тие ќе се искачуваат во интервалот од 26 до 34 степени. И понатаму не очекуваме температури кои се пеколно високи, и за нив ќе се изначекаме а и под знак прашалник е дали ќе ги имаме. Ние ќе имаме далеку попријатни летни температури за разлика од минатото лето, кое беше ПЕКОЛНО ЖЕШКО.
Пишува Славчо Попоски.
Временска прогноза
Од денес во најава многу топло време со висок УВ индекс

Територијата на Република Македонија, како и на целиот регион, од денес (понеделник 30 јуни), па се до следниот понеделник (7 јули) ќе биде под влијание на Сутропски Антициклон, односно на многу топла воздушна маса од југ, односно од Африка која е поврзана со поле на висок воздушен притисок. Во ваква ситуација ни следува подолг период на стабилно, суво и на многу топло и претежно сончево време. Повремено ќе засилува ветерот од северен правец, особено денес и утре (30 јуни/1 јули) и тоа особено во Повардарието.
Што се однесува до температурите, тие ќе се искачуваат во интервалот од 32 до 39 степени, додека во петок и за време на следниот викенд температурите во Повардарието ќе се искачат дсо околу 40/41 степен.
Во Скопје и околината исто така во погоре споменатиот период температурата ќе се искачува до близу или до околу 40 степени.
Ув индексот за време на овој нов многу топол бран од Африка ќе биде многу висок и ќе има вредност 9. Токму поради ова, апелирам граѓаните да не излегуваат без потреба во најтоплиот дел од денот (од 11 до 17 часот) и да пијат повеќе течности, информира Славчо Попоски.
Временска прогноза
Викенд метео вести: Еве какво време ни претстои денес и утре

Под влијание на стабилна и на посвежа воздушна маса од север, викендов (сабота и недела 28 и 29 јуни) во Македонија времето ќе биде стабилно, суво и сончево со мала до умерена локална облачност. Сепак ќе биде многу ветровито, односно, ќе дува засилен до повремено силен ветер од северен правец (повремено и локално со брзина од над 70 км/час.
И во Скопје и околината ќе имаме стабилно и сончево, но и малку посвежо време за викендов. Ќе дува засилен, повремено силен ветер од северен правец (во делови од котлината повремено со брзина од над 70 км/час).
Што се однесува до температурите, тие ќе бидат за околу 4/5 степени пониски за ра разлика од денешните и максималните дневни температури ќе се искачуваат во интервалот од 28 до 36 степени, во Скопскиот регион температурата ќе се искачи до околу 35 степени, утрово информираше Славчо Попоски
Временска прогноза
Доаѓа дожд према нашиот регион, ова се последните метео вести

Поради прилив на поладен воздух од север на висина, денес (петок 27 јуни) во попладневните и во вечерните часови во нашата Република Македонија атмосферата значително ќе се дестабилизира. Ќе се создаваат влажни фронтални бранови кои на повеќе места ќе условат развој на грмотевични конвективни облачни јадра од кои очекувам појава на поројни врнежи од дожд, грмежи и силен ветер (над 70 км/час).
Многу поголема нестабилност очекувам во северните, централните , источните и во југоисточните предели од нашата Македонија, па токму во овие предели локално очекувам појава и на бурно невреме проследено со обилен пороен дожд кој може да услови локални поројни поплавувања, олуен ветер, силни и чести електрични празнења, како и со појава на крупен град. Токму поради ова на граѓаните ги советувам да обратат голема внимателност.
И во делови од Скопскиот регион, денес (петок 27 јуни) во попладневните и во вечерните часови ќе биде нестабилно со пороен дожд, силен ветер (над 70 км/час) и со појава на грмежи. Можна е и појава на силно невреме.
Што се однесува до температурите тие повторно насекаде ќе бидат над 30 степени, на повеќе места тие ќе се искачат и до околу, па и над 35 степени, додека во Повардарието тие ќе достигнат до 40 степени. Меѓутоа, доцна попладне и навечер температурите ќе опаѓаат, со што од север ќе започне да ни се спушта посвежа воздушна маса, вели Славчо Попоски
-
Хороскоп1 ден
Хороскоп за среда (2 јули)
-
Македонија1 ден
(ФОТО) СВР Охрид и „РЦ Запад“ подготвени за туристичката сезона и безбедноста на граѓаните и туристите
-
Магазин1 ден
(ВИДЕО) Хитот од Спасен Сиљаноски „Ќе ти дојдам вечер“ популарна и помеѓу најмладите генерации
-
Хороскоп6 часа
Хороскоп за четврток (3 јуни)
-
Магазин2 дена
YouTube повторно воведува ограничувања: што значат новите правила за помладите креатори
-
Lifestyle2 дена
Еве колку често треба да ја миете косата во лето: Ќе бидете шокирани
-
Автомобили16 часа
Најдобрите и најлошите автомобили за 2025 според корисниците
-
Lifestyle2 дена
Путерски кифли: подобри од пекарски — меки, воздушести и неодоливи