Во Македонија во најголем дел од оваа седмица ќе биде невообичаено ладно за овој период од годината и со температури кои ќе бидат далеку под просекот за месец април, и истите ќе бидат дури и за повеќе од 10 степени пониски од просечните за април. Сето ова е поради влијанието на многу ладниот бран кој се спушта директно од Сибир кон нашите краишта.

Иако претежно стабилно, суво и сончево, со појава на умерена облачност, оваа седмица наутро ќе биде многу ладно со температури кои насекаде во Македонија ќе се спуштаат под нулата, со што очекувам појава на умерени до силни мразеви, кои особено негативно ќе се одразат врз овошките и расцветаните дрвца.

Наутро температурите ќе се спуштаат во интервалот од -10 до -1 степен, и тоа во најголем дел од оваа работна седмица, додека на високите планини тие ќе се спуштаат дури и под -10 степени. Во Скопје наутро температурата ќе се спушта до околу -3 степени.

Преку ден пак тие исто така ќе бидат под просекот за април и ќе се искачуваат во интервалот од 5 до 13 степени во најтоплите предели од нашата Македонија, а најладно преку ден ќе биде денес (понеделник 7 април) со максимални температури кои ќе се искачуваат во интервалот само од 1 до 10 степени, утрово за нашиот медиум пишува Славчо Попоски.

АМСМ:

ОТЕЖНАТ СООБРАЌАЈ: Патниот правец Крушево – с.Долно Дивјаци – с.Кочиша е небезбеден за сообраќај и претсавува опасност за нормално одвивање на сообраќајот. Од 04.4.2025 година е затворен за секаков вид на сообраќај. Може да се користат регионален пат с.Пуста Река -Крушево.

Уште од недела (6 април) рано наутро, па во текот на целиот ден ќе има пообилни врнежи кои најпрвин ќе бидат од дожд на ниските места (градовите) и од снег на повисоките населени места  и на планините, секако и на Скијачките центри. Поради брз продор на многу ладен бран директно од Сибир, во текот на денот во недела (6 април) а особено попладнето и вечерта врнежи од снег ќе има  и во повеќето пониски места (градовите).

Сето ова ќе биде проследено со засилен, до повремено силен ветер од северен правец (повремено и локално со брзина од над 65 км/час). Температурите ќе опаднат дури за 10 до 15 степени во однос на оние кои ги имаме сега, и тие ќе бидат далеку под просекот за април (дури и за повеќе од 10 степени пониски од просечните за овој период од годината).

Покрај појавана на силен мраз, на планинските и на Скијачките центри ќе се формира снежна покривка од 15 до 20 cм снег, понекаде во овие предели снежната покривка ќе биде со висина дури и до 30 cм. Што се однесува до градовите, особено во западната половина од Република Македонија ќе се формира снежна покривка од 5 до 10 cм, локално и повеќе од 10 cм. На другите места снежната покривка ќе биде многу помала, а во Повардарието и во југоисточните предели речиси снежна покривка и нема да има.

Обилните врнежи кои ќе ги имаме се поради формирањето на секундарниот циклонски систем (поле со низок воздушен притисок) над нашиот дел од Балканот, а формирањето на овој циклон ќе го предизвика токму овој продор на многу ладен воздух директно од Сибир кон Македонија и регионот, предмалку истакна Славчо Попоски

Почнувајќи од ноќта сабота кон недела (5/6 април) директно од Сибир во Македонија брзо ќе продре многу ладен воздух и истиот ќе услови формирање на секундарен циклонски систем (поле со низок воздушен притисок). Сето ова ќе биде проследено со засилен, до повремено силен ветер од северен правец (повремено и локално со брзина од над 65 км/час).

Уште во недела (6 април) рано наутро од север ќе се прошируваат пообилни врнежи кои ќе бидат најпрвин од дожд на пониските места (граодивте) и од снег на повисоките места  и на планините, каде ќе се формира снежна покривка. На планините и на Скијачките центри ќе се формира снежна покривка од 10 до 20, во делови од нив  и до 30 cм снег. Овој многу ладен воздух ќе предивика во недела (6 април) особено од пладневните часови па натаму врнежите од дожд да преминуваат во врнежи од снег во повеќето пониски места (градовите).

Снежна покривка до понеделник (7 март) наутро ќе се формира  и во повеќе градови, во дел од градовите, особено во западната половина од Република Македонија ќе се формира снежна покривка со висина од 10 до 15 cм. На другите места таа ќе биде помала од 10 cм. Во Повардарието и во југоисточните предели не очекувам формирање на некоја си снежна покривка.

Со овој многу ладен воздух од Сибир, врнежи од снег ќе има  и во делови од Скопскиот регион, а особено во повисоките предели од котлината ќе се формира  и снежна покривка, а малку поголема снежна покривка ќе се формира на околните планини. И во Скопје  и околината повремено ќе дува силен ветер од северен правец (над 60 км/час).

Овој многу ладен Сибирски воздух  ќе ги спушти температурите за 10 до 15 степени во споредба од оние кои ги имаме сега, а особено во утринските и ноќните часови ќе има појава на посилен мраз во повеќето делови од Македонија, кој особено лошо ќе се одрази врз земјоделието, а особено на овошките.

Да напоменам и предупредам дека поради тоа што се работи за брзо спуштање на овој многу ладен воздух од Сибир, ветерот кој го очекувам би можел да прави и проблеми, па токму поради ова граѓаните да бидат крајно внимателни, особено да бидат внимателни возачите и да не ги ставаат своите автомобили во близина на дрвјата, за да не дојде до штети на истите.

Овој многу ладен Сибриски бран кај нас ќе потрае најмалку три до четири денови, предмалку истакна Славчо Попоски