Спорт
Поповски денес ги додели првите „УЕФА Ц“ дипломи за 85 фудбалски судии

Во „Куќа на фудбалот“ денеска беа доделени првите УЕФА Ц дипломи издадени од Центарот за едукација при Фудбалската федерација на Македонија.
Дипломите беа доделени на речиси 50 тренери кои присуствуваа на доделувањето од вкупно 85 кои заклучно со денешниот ден во целост ги исполнија зададените задачи и обврски од Ценатарот за едукација, со што истите веќе се носители на УЕФА Ц диплома.
Дипломите беа доделени од страна на генералниот секретар на ФФМ, Филип Поповски, директорот на Центарот за едукација, Небојша Марковски и едукаторите од Центарот за едукација.
Сите носители се дел од првата генерација на тренери – кандидати за добивање на УЕФА Ц диплома кои присуствуваа на еден од трите курсеви организирани во период мај / јуни годинава каде присуствуваа 108 кандидати, меѓу нив четири девојки во целост поддржани од УЕФА и ФФМ.
Заклучно, пак со крајот на 2022, а во период октомври / ноември, Центарот за едукација при ФФМ организираше уште два курсеви за добивање на УЕФА Ц при кои на ова ниво беа едуцирани уште 52 кандидати меѓу кои и седум жени – тренери, сите дел од втората генерација.
ФФМ на сите носители кои ги добија своите дипломи им посакува успех во работата, понатамошна стручна надградба и усовршувања, а со тоа и нивен придонес за развој на македонскиот фудбал.
Спорт
Денвер поразен од Филаделфија, во спектакуларен меч на МВП центрите Ембид и Јокиќ

Кошаркарите на Денвер се поразени на гостувањето кај Филаделфија со 126:119 во спектакуларен меч кој го одбележа МВП дуелот меѓу најдобрите НБА центри Џоел Ембид и Никола Јокиќ.
Блескаше Ембиид и мечот го заврши со 47 поени, 18 скока и пет асистенции, за 38 минути, додека Јокиќ имаше учинок од „само“ 24 поени, седум скока и девет асистенции, исто така за 38 минути.
Денвер на полувремето имаше „плус 15“ (73:58), но во останатото Ембид беше незапирлив и му донесе победа на домашните.
Спорт
Девет македонски фудбалски клубови се влезени во процесот на лиценцирање, додека во женска конкуренција вкупно четири клубови учестуваат во процесот за клупско лиценцирање.

Фудбалската федерација на Македонија го започна процесот и постапката за лиценцирање на клубовите во машка и женска конкуренција за добивање право на настап во рамки на европските натпреварувања во организација на УЕФА.
Одделот за лиценцирање во Фудбалската федерација на Македонија веќе одржува работни состаноци со клубовите со цел детално претставуваење на новите правилници за клупско лиценцирање и условите кои клубовите треба да ги исполнат за да добијат можност да учествуваат во европските клупски натпреварувања.
Девет фудбалски тимови од Прва МФЛ (Струга Трим Љум, Работнички, Силекс, Скопје, Брегалница, Шкендија, Шкупи, Тиквеш и Македонија Ѓ.П.) се влезени во процесот на лиценцирање, додека во женска конкуренција вкупно четири клубови (Тиверија, Саса, Љуботен и Скопје) учестуваат во процесот за клупско лиценцирање.
– Генерално, клубовите кои се пријавени за клупско лиценцирање се запознаени со целокупната постапка, односно исполнувањето на критериумите предвидени во правилниците на УЕФА. Условите кои се пропишани, сметаме дека релативно лесно можат да се исполнат од страна на клубовите. Одделот за лиценцирање во рамки на Фудбалската федерација на Македонија на сите пријавени клубови им стои на располагање во однос на консултативни и стручни прашања, но многу поважно и поддршка во исполнувањето на критериумите за условите на стадионите, еден од најважните критериуми за лиценцирање, вели Горанчо Костовски, лиценцен менаџер во ФФМ.
Во продолжение, може да се преземе целокупната потребна документација за постапката за лиценцирање, преку линкот ТУКА, и вториот ТУКА.
Сите потребни документи согласно правилниците на УЕФА, одделот за лиценцирање веќе ги има доставено до пријавените клубови, велат од Федерацијата во јавното соопштение истакнато на нивниот веб простор.
Спорт
ФФМ: Стартува проектот „Фудбал за сите способности“ во Државното средно училиште Св. Наум Охридски

Фудбалската Федерација на Македонија како социјално одговорна организација секоја година работи на различни проекти од полето на социјалната одговорност. Средстава за овие проекти се добиваат од Хет-Трик 5 (2020-2024) фондовите на УЕФА и тоа од средствата коишто се наменети за социјална одговорност.
Проектите кои се одобруваат од страна на УЕФА мора да исполнуваат одредени критериуми, меѓу кои одржливост, долгорочност и поврзаност со некоја од полисите за социјална одговорност на УЕФА.
Проектот Фудбал за сите способности – Државно средно училиште Св. Наум Охридски е одобрен од страна на УЕФА.
Целта на проектот е:
- Да се подобрат физичките условите во коишто учениците со попреченостт во интелектуалниот развој од Државно средно училиште Св. Наум Охридски тренираат
- Да се создадат услови за тренирање фудбал
- Да се поттикнува самостојност и инклузија на децата со интелектуална попреченост.
За да се реализира проектот предвидени се следните активности кои треба партнерски да се изведат во текот на една година.
Подобрување на инфраструктура и физички услови:
- Обложување на игралиштето во школото со вештачка трева
- Донирање на топки и фудбалски реквизити за тренинзите кои ќе се одржуваат
- Донирање на фудбалска опрема за децата кои ќе се вклучени во тренинзите во тек на цела година, за тренерите и воспитувачите
Организирање на трениг активности и Фудбалски настани за потикнување на самостојност и инклузија.
Во прилог, официјални фотографии од настанот:
-
Хороскоп1 ден
Хороскоп за сабота (28 јануари)
-
Скопје12 часа
Кичевчанка во Скопје пријавила дека таксист недолично се однесувал и ја допирал по телото
-
Хороскоп5 часа
Хороскоп за недела (29 јануари)
-
Кичево2 дена
Најбараните производи сега на акција во АТВА Маркети
-
Временска прогноза12 часа
Попоски: Рана најава за снежни врнежи, дали февруари ќе биде снежен месец?
-
Магазин2 дена
Netflix го завршува споделувањето на сметките до март 2023 година
-
Временска прогноза1 ден
Засилен северен ветер, наутро ниски температури под нулата, ова е најновата метео анализа
-
Здравје и убавина16 часа
Истражување покажало дека трчањето го продолжува животот