Технологија
Популарниот „WeTransfer“ објави соопштение за своите корисници, некои тоа долго го чекаа..

WeTransfer за своите клиенти истакна соопштение, имено на социјалните мрежи и на блогот на официјалната веб-страница напишаа дека се продолжува времетраењето на линковите.
„Почитувани корисници, никогаш не помисливме дека за милион години ќе треба да го кажеме ова, но еве сме. Со тешко срце ве известуваме дека врските на WeTransfer повеќе нема да можат да истекуваат“, се вели во соопштението на компанијата
На официјалниот блог пишуваат дополнителни објаснувања – линковите за преземање на испратените податоци ќе можат да се продолжат до 30 дена за оние кои имаат платена верзија на WeTransfer, а за оние кои имаат бесплатна, од 3 до 7 денови.
Please read. pic.twitter.com/FnBSARw1us
— WeTransfer (@WeTransfer) August 20, 2024
Исто така, оваа опција се однесува само на апликацијата WeTransfer, без разлика дали се работи за апликација за iPad, iOS или Android, може на овој начин да ја искористите:
Кога ќе добиете нов Transfer, односно линк во апликацијата, кога ќе го допрете ќе ја имате опцијата „зачувај за подоцна“. После тоа, можете да изберете од делот „зачувани“ дали да го продолжите рокот за 30 дена, или од 3 на 7 дена, како што споменавме.
Можете да пристапите до датотеките зачувани на овој начин кога сакате – за да не мора да го чекате периодот што сте го избрале за да им пристапите.
Извор: kurir.rs
Магазин
„DeepSeek“ може да биде забранета во САД

Според предвидувањата на извршниот директор на ARM, апликацијата DeepSeek би можела да стане подеднакво популарна во САД како и TikTok.
DeepSeek е една од најголемите теми во светот на технологијата и вештачката интелигенција. Водечки компании како Huawei, Honor, Microsoft и некои производители на автомобили веќе го интегрираа DeepSeek R1 во своите производи и услуги.
Платформата, која потекнува од Кина, брзо стекна популарност во САД и стана најпреземаната апликација во App Store.
Политички пречки за DeepSeek
Извршниот директор на ARM, Рене Хас, изрази загриженост дека DeepSeek би можел да се соочи со истите регулаторни проблеми како TikTok, што би можело да доведе до негова забрана.
„Политиките кон странските компании, особено оние од Кина, може да предизвикаат DeepSeek да биде принуден да ги прекине своите операции во САД“, истакна Хас.
Слични проблеми се случуваат и со TikTok, кој е во сопственост на кинеската компанија ByteDance. Поради притисоците од американските власти, оваа социјална мрежа би можела да се соочи со целосно исклучување од американскиот пазар.
Што значи ова за корисниците?
DeepSeek нема официјални операции во САД, а неговата апликација и веб-услуга користат модел со отворен код (DeepSeek R1 AI). Дури и ако пристапот до услугата биде ограничен, корисниците сè уште би можеле да го преземат моделот на вештачка интелигенција и да го користат на своите уреди.
Извор: B92
Магазин
YouTube – Две децении доминација во интернет видеото

YouTube минатата година достигна повеќе од 2,5 милијарди гледачи ширум светот, а бројот на претплатници на неговите музички и премиум услуги надмина 100 милиони, според податоците на Statista.
Лансиран како едноставен проект од тројца поранешни вработени во PayPal, денес YouTube е столб на модерниот живот, платформа што ја трансформираше дигиталната култура. Стив Чен, Чад Харли и Џавед Карим го основаа YouTube во 2005 година, наводно инспирирани од недостатокот на лесен начин за споделување видеа. Доменот YouTube.com беше регистриран на Денот на вљубените, а првото видео – „Me at the zoo“ – беше објавено на 23 април истата година. Снимката, во која Карим стои пред слонови во зоолошката градина во Сан Диего, досега има повеќе од 348 милиони прегледи.
Во изминатите 20 години, YouTube порасна до незамисливи размери, предизвикувајќи ги традиционалните медиуми и станувајќи најголемата дигитална видео услуга во светот, како според гледаност, така и според приходи од реклами.
Видео револуција
Она што ја издвојува платформата е тоа што не бара скапи студија и продукција – содржината ја креираат самите корисници. Од концертни настапи и туторијали до политички кампањи и вирални предизвици, YouTube стана бесконечен извор на видео-содржина.
Според податоците на Google, корисниците дневно гледаат над 1 милијарда часови содржина само на телевизори, а секоја минута на платформата се поставуваат повеќе од 500 часа нови видеа.
Клучен момент во историјата на YouTube беше неговото купување од Google во 2006 година за 1,65 милијарди долари. Оваа аквизиција ја спои платформата со експертизата на Google за пребарување и рекламирање, што овозможи создавање на успешен бизнис модел – споделување на приходите со креаторите на содржина.
Платформата успеа и да ги надмине предизвиците поврзани со авторските права и несоодветната содржина. Денес, пиратеријата е речиси елиминирана, а YouTube Kids нуди безбедна средина за најмладите.
Борба со конкуренцијата
YouTube постојано се адаптира за да остане релевантен. Со појавата на кратките видеа на TikTok, платформата воведе своја верзија – YouTube Shorts, која сега бележи над 70 милијарди прегледи дневно.
Се очекува дека во следните две години YouTube ќе ги надмине сите кабелски телевизии во САД според бројот на претплатници, а веќе се натпреварува со стриминг гигантите како Netflix, Disney+ и Amazon Prime.
„Како оригинална видео платформа за стриминг, YouTube постојано се развива и се разликува од конкуренцијата“, вели Мајк Проулкс, потпретседател во истражувачката компанија Forrester.
За долгогодишните креатори на содржина, YouTube е многу повеќе од платформа – тоа е дел од нивниот живот. „YouTube е дел од мене, тоа е она што го работам“, изјави Роберт Џи, креатор кој објавува видеа уште од 2009 година.
Извор 24h
Магазин
Протече цената на Nintendo Switch 2 – фановите задоволни

Иако Nintendo Switch 2 беше официјално најавен претходно оваа година, потенцијалните купувачи сè уште не знаат колку ќе чини новата конзола.
Сепак, според неодамнешно протекување од продавницата Costco во Канада, сега имаме груба претстава за можната цена.
Nintendo нема да одржи официјален настан до април, кога се очекува да ги открие повеќе детали за Switch 2, вклучувајќи ја и цената и датумот на објавување. Но, фановите се веќе возбудени од неофицијалните информации.
Rumor: The price of the Nintendo Switch 2 might have leaked thanks to a Canadian Costco.https://t.co/jKZm52v9bE pic.twitter.com/MQnmsGzxSn
— Nintendo Wire (@NinWire) February 10, 2025
Според податоците споделени на платформата Nintendo Wire X (Twitter), цената на Switch 2 во Канада ќе биде околу 500 канадски долари, што е приближно 338 евра. Оваа информација првично ја открил вработен во Costco, кој ја објавил на форумот Famiboards, пишува Gaming Bible.
Сепак, оваа цена сè уште не е официјално потврдена. Претседателот на Nintendo, Шунтаро Фурукава, претходно изјави дека компанијата ќе ја земе предвид зголемената инфлација и очекувањата на купувачите при одредувањето на цената.
Извор: B92
-
Кичево2 дена
„Супра Психолошкиот Центар“ во соработка со кичевската ПЗУ „Супра Медика“ организира бесплатно пријавување на луѓе за поддршка на болни од малигни заболувања
-
Хороскоп7 часа
Хороскоп за петок (14 февруари)
-
Кичево2 дена
Полициски службеници од ОВР Кичево одржаа едукативни работилници во ООУ „Санде Штерјоски“, на тема „Булинг и сајбер булинг“
-
Хороскоп1 ден
Хороскоп за четврток (13 февруари)
-
Здравје и убавина15 часа
Киселини во желудник: Седум намирници за спас кои ја гасат „огнената“ болка
-
Временска прогноза2 дена
Доаѓа снежен бран на високите места, најпрво ќе резултира со дожд со умерен интензитет
-
Lifestyle2 дена
Како да се спречи губењето на колаген? 6 едноставни навики за поздрав изглед
-
Lifestyle2 дена
Прополис и топол пијалок – природен начин за чистење на белите дробови и синусите