Спорт

Поранешниот капитен Пачовски нов тренер на голманите на нашата селекција

Објавено пред

3 години

на

март 7, 2022

Од

Порта.мк

Томе Пачовски, поранешниот капитен на македонската А репрезентација е нов член во стручниот штаб на најдобрата наша селекција.

Поранешниот голман во домашните Пелистер, Брегалница Делчево, Работнички, Вардар, интернационалец во Јоникос (Грција) и белгиските Бершот и Мехелен ќе биде вклучен во стручниот штаб на селекторот Благоја Милевски како тренер на голманите во А репрезентацијата на Македонија.

– За мене е голема чест што добивам можност да работам во националниот тим на Македонија. Со многу радост му се приклучувам на тимот предводен од селекторот Милевски. Верувам во оваа екипа и се надевам дека ќе помогнам. Имаме потенцијал, квалитетни фудбалери, селектор кој е студиозен, ништо не остава на случајност, работи според планирана програма и сака модерен фудбал.

– Ги познавам фудбалерите во тимот, имаме квалитетни голмани и ќе се обидам да помогнам да бидат подобри и постојани во настапите. Заеднички ќе се трудиме да ја задржиме и надградиме позивната атмосфера во составот. Нѐ очекуваат големи предизвици во следниот периот, но секој вистински спортист се радува на тоа.

Томе Пачовски има 46 настапи за нашиот национален тим. За македонската репрезентација дебитираше 2006. година на пријателскиот натпревар против Турција, а последниот настап во дресот на Македонија го имаше против Украина 2015 година.

Следно

„Академија-Металург“ Кичево: Првите ракометни чекори се најважни да бидат на вистински начин, во тек упис на нови членови за машки и женски

Не пропуштај

Женската репрезентација до 17 години ќе учествува на квалификациски турнир во Албанија

Спорт

Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Објавено пред

15 часа

на

август 3, 2025

Од

Порта.мк

©porta.mk

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.

Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.

Целосниот распоред на првото коло од сезоната 2025/26 изгледа вака:

Петок, 8 август:

Шкендија – Шкупи 1927 | 17:00 | Тетово
Вардар – Пелистер | 20:00 | Скопје

Сабота, 9 август:

Башкими 1947 – Аресими 1973 | 17:30 | Куманово
Струга Трим Лум – Македонија ЃП 1932 | 17:30 | Струга

Недела, 10 август:

Тиквеш 1930 – Работнички | 17:30 | Кавадарци

Понеделник, 11 август:

Силекс – АП Брера Струмица | 17:30 | Кратово

Фановите со нетрпение ја очекуваат новата сезона и возбудувањата што ги носи уште од првото коло.

Извор: ФФМ

Прочитај повеќе...

Спорт

Германската Бундеслига воведува камери на судиите и јавни објаснувања за „VAR“

Објавено пред

5 дена

на

јули 30, 2025

Од

Порта.мк

©porta.mk

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.

Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.

Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.

Прочитај повеќе...

Спорт

(ВИДЕО) ФФМ пушти во употреба нов фудбалски терен во населба Илинден

Објавено пред

2 недели

на

јули 18, 2025

Од

Порта.мк

ФОТО: printscreen/video

Фудбалската федерација на Македонија (ФФМ) во општина Илинден го пушти во употреба новиот терен со вештачка трева, проект реализиран од програмата Форвард на ФИФА во соработка со Општина Илинден.

– „ФФМ ќе продолжи да инвестира во вакви инфраструктурни проекти ширум државата. Овие инвестиции се за младите, за клубовите и за развојот на македонскиот фудбал,“ истакна претседателот на ФФМ, Масар Омерагиќ.

Официјалното видео од ФФМ може да го прегледате ТУКА

Нека е со среќа!

Прочитај повеќе...