Кичево
Потсетување на „Водици 2023“ во Кичево, како и најсреќните скокачи до сега, кои го извадија светиот Крст од осветените води..

Полека и оваа година господова 2024-та традиционалната и верска манифестација продолжува, така што во пресрет на големиот празник „Богојавление Водици“ со помош на нашата архива, нашите пријатели како и Кичевската парохија, се потрудивме да ја направиме листата со најсреќните скокачи по светиот Крст кои го пронајдоа и извадија од Кичевските осветени води назад во годините..
- 199* Никола Петрески
- 1996 Злате Матески
- 1997 Златко Богданоски
- 1998 Раде Мисајлески
- 2008 Кристијан Бојоски
- 2010 Јовица Тренески
- 2011 Синиша Стојаноски
- 2012 Даниел Симоноски
- 2013 Бобан Стефаноски
- 2014 Тане Србиноски
- 2015 Дени Дамчески
- 2016 Дејан Момироски
- 2017 Дарио Вренцоски
- 2018 Кристијан Врапчароски
- 2019 Христијан Митрески
- 2020 Кристијан Врапчароски
- 2021 Нема манифестација поради пандемијата од Коронавирусот
- 2022 Кристијан Врапчароски
- 2023 Алек Хлоупек
За текот во очи на празникот и настаните околу организацијата како и почетокот на истата, преку нашиот медиум благовремено ќе ве известиме, додека официјално видео од ланската манифестација каде најсреќен беше Алек Хлоупек, може да го погледнете во продолжение!
За многу години, вечна да е традицијата!
Кичево
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“

По повод 28 август – „Денот на рударите“ во просториите на „РЕК Осломеј“ се одржа свечен настан на кој им беа доделени благодарници на вработените за нивниот долгогодишен труд, посветеност и придонес во развојот на компанијата и енергетскиот сектор во Македонија и Кичево.
На свеченоста присуствуваа раководството на „РЕК Осломеј“ Директорите г-дин Сашо Вренцоски и г-дин Агим Садику, заменик генерален Директор на „АД ЕСМ“ г-дин Реџеп Асани, Директорот на „ТЕ“ Синиша Стојкоски, Директорот на „ПЕ Рудник Осломеј“, Адил Сејдини како и бројни вработени кои со гордост го одбележаа празникот што им припаѓа ним – рударите и енергетичарите.
– „Рударите се срцето на енергетиката. Благодарение на вашиот труд, упорност и дисциплина, обезбедуваме стабилно снабдување со електрична енергија. Денес ја искажуваме нашата искрена благодарност кон сите вас, особено кон оние кои со години покажуваат професионалност и лојалност кон компанијата,“ истакна раководството пред присутните.
Со доделувањето на благодарниците, „РЕК Осломеј“ ја нагласува својата посветеност да го вреднува трудот на вработените и да го негува чувството на припадност и заедништво. Настанот заврши во свечена и пријателска атмосфера, со порака дека рударството и натаму ќе остане темел на стабилниот енергетски систем на државата.
На овој свечен настан, свечено присуствуваше и нашата екипа која оваа прилика ја користи срдечно да им го честита „Денот на рударите“ – 28 август со желби за големи успеси и врвни достигнувања во енергетскиот сектор.
Галерија:
Кичево
(ФОТО) Денес официјално промовиран првиот „Млекомат“ во Кичево, каде присуствуваше министерот за земјоделство, шумарство и водостопанство Цветан Трипуновски и Лазар Неданоски од МРФП

Со поддршка од Европската Унија, преку проектот „АгроСмарт“ кој се реализира од Македонската развојна фондација за претпријатија (МРФП) во соработка со „Хемера“ и „ЦЕП Можности“, во Кичево е поставен уред што нуди современ начин за набавка на свежо млеко.
Жителите на Кичево и околината отсега можат да уживаат во природно кравјо млеко произведено од Земјоделската задруга „Крнино“, составена од членови на Манастирот „Св. Богородица Пречиста“.
– „Млекото што го добиваат потрошувачите е целосно свежо, со сочувани хранливи вредности, без конзерванси и додатоци, и е пласирано во строго контролирани хигиенски и температурни услови. Покрај млеко, на располагање има и сирење,“ изјави Станоја Станојоски, како претставник од манастирот.
– Г-дин Лазар Неданоски од МРФП исто така истакна дека млекоматот претставува добар пример за модернизација на фармите во земјава и нов начин на приближување на локалните земјоделски производи до потрошувачите со поддршка од ЕУ.
На настанот присуствуваше и министерот за земјоделство, шумарство и водостопанство, г-дин Цветан Трипуновски, кој потенцираше дека обновувањето и современиот пристап во земјоделието се меѓу главните цели на министерството.
Во рамки на промоцијата, беше организирана и посета на фармата во близина на Манастирот „Св. Богородица Пречиста“, каде што е воспоставена линија за молзење крави и современа млекарница за производство на различни млечни производи.
Кичево
Утрово на бул. „Ослободување“ во Кичево од автомобил бил удрен повозрасен пешак, веднаш интервенирала екипа на Брза Помош

Утрово нешто по 07:20ч во Кичево на бул. „Ослободување“ се случил немил настан, имено автомобил удрил повозрасен пешак. Увид на лице место извршиле ОВР Кичево, каде привремено додека траел увидот едната делница на булеварот била блокирана за секаков сообраќај. Според очевидци во близина, веднаш по настанот медицинска екипа при Општа болница Кичево брзо интервенирала, укажувајќи брза помош на учесниците.
Подетални и официјални информации за здравјето на пешакот и возачот на автомобилот немаме, но според неофицијални извори пешакот своето лекување ќе го продолжи на комплекс клиники во Скопје.
Повеќе информации очекуваме во дневниот билтен за медиуми од СВР Охрид.
-
Кичево22 часа
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп1 ден
Хороскоп за четврток (28 август)
-
Хороскоп10 часа
Хороскоп за петок (29 август)
-
Спорт2 дена
Составот на македонската фудбалска репрезентација за мечевите против Саудиска Арабија и Лихтенштајн
-
Хроника18 часа
Во хотелска соба бил пронајден починат 69-годишник од Австралија
-
Магазин2 дена
Apple ќе ги открие новите модели на iPhone на 9 септември
-
Автомобили2 дена
Nissan GT-R се пензионира по 18 години – крај на една ера
-
Спорт19 часа
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“