Следете не

Мобилни уреди

Повеќе од 100 милиони Андроид корисници жртви на нови лажни инсталирани апликации

Објавено пред

на

Новата шема на Android „scamware“ можеби ги чинеше сопствениците на паметни телефони стотици милиони долари без воопшто да знаат за тоа.

Споменатата измама била наречена „Темна харинга“ од член на безбедносната компанија Zimperium zLabs. Scamware е забележан во 470 различни апликации во Google Play Store откако првпат беше забележан во март 2020 година.

Лажните апликации, кои се инсталирани од повеќе од 105 милиони корисници во 70 земји, ги претплатуваат своите жртви на лажни премиум услуги. Претплатите на Dark Herring чинат 15 долари месечно, а на измамникот не му е потребна ниту платежна картичка на корисникот за успешно мамење.

Dark Herring користеше можности за откривање антивируси, користеше од фактот што е достапен на голем број апликации, вршеше замаглување на кодови и други махинации со цел да изнуди стотици милиони долари од корисниците на Android.

За да привлече жртви, кампањата понуди злонамерни веб-локации кои ја користеа геолокацијата на IP адресата на корисникот за прикажување содржина на локалниот јазик и побараа од корисникот телефонски број за верификација. Всушност, страницата испрати телефонски броеви до услугата за директно наплата на операторот, која наплаќаше месечна претплата од 15 долари.

Со овој тип на измама, корисникот веднаш не препознава дека е жртва, бидејќи ништо не се појавува на нивните картички или извод од банка.

Zimperium zLabs истакнува дека Dark Herring е измама во најдолготрајниот сегмент за мобилни СМС, што оваа компанија досега го открила.

Апликациите, кои беа дел од овој синџир, се отстранети од Google Play Store и веќе не се закана од таму, но сепак би можеле да постојат на некои други платформи.

Мобилни уреди

„Samsung Galaxy S25“ водечки мобилен уред на глобалниот пазар на премиум смартфони

Објавено пред

на

ФОТО: Unsplash.com @ Amanz

Од својата презентација на пазарот на почетокот од годинава, серијата „Samsung Galaxy S25“ се етаблира како водечки играч на глобалниот пазар на премиум Android смартфони. Најновите податоци покажуваат дека побарувачката за овие уреди е толку висока, што дури и вкупната продажба на сите други Android флегшипи со ист процесор не успева да ја надмине таа на „Galaxy S25“.

Според информациите што ги објави реномираниот технолошки инсајдер Ice Universe, до крајот на јуни, вкупната глобална продажба на серијата S25 достигнала 20,22 милиони единици. Тоа претставува пораст од 2,2 милиони во споредба со серијата Galaxy S24 во истиот период лани, која тогаш броеше 18,02 милиони продадени уреди. Овој раст јасно покажува дека интересот за новата генерација продолжува да расте.

Особено впечатливо е што сите останати Android флагшипи со процесорот Qualcomm Snapdragon 8 Elite (со исклучок на Samsung верзијата) заедно не успеале да надминат 20 милиони продадени единици во првата половина од годината. Ова ја става серијата S25 пред целата конкуренција.

Една од клучните предности на Samsung е користењето на ексклузивната верзија од процесорот – Snapdragon 8 Elite for Galaxy – прилагодена специјално за нивните уреди. Главното јадро на овој чипсет работи на фреквенција од 4,47 GHz, што е повисоко од стандардните 4,32 GHz. Заедно со напредните AI функционалности и ветената 7-годишна софтверска поддршка, оваа комбинација ја прави серијата Galaxy S25 особено привлечна за глобалните потрошувачи.

Иако Ice Universe не откри конкретен извор за податоците, неколку независни анализи на пазарот ја потврдуваат лидерската позиција на Samsung во првиот и вториот квартал од годинава, при што компанијата останува број еден во светските испораки на смартфони.

Извор: sammobile.com

Прочитај повеќе...

Мобилни уреди

Се чини дека 5000 mAh батерија на современите телефони не е доволна

Објавено пред

на

ФОТО: Unsplash.com

Во минатото, паметните телефони со батерија од 5000 mAh се сметаа за уреди со солидна издржливост. Но денес, ова веќе не е импресивен капацитет. Новите податоци од Counterpoint Research покажуваат дека во првиот квартал од 2025 година, дури 71% од сите смартфони имале батерија од најмалку 5000 mAh, а 10% од нив дури надминуваат 6000 mAh.

Овие високи капацитети, кои порано беа карактеристични за телефони од средната класа, сега стануваат стандард и кај премиум моделите. Очигледно е дека 5000 mAh сè повеќе се гледа како основа, додека етикетата „голема батерија“ сега се применува на уреди со 6000 mAh и повеќе.

Една од причините зошто порано беше тешко да се стават поголеми батерии беше тоа што тие зафаќаа многу простор, што влијаеше врз можноста да се сместат и други важни компоненти, како камери и системи за ладење. Дополнително, поголемите батерии можеа да го нарушат дизајнот и удобноста при користење, што е важно кај уредите од повисока класа.

Решение на овој предизвик се новите силициум-јаглеродни (Si-C) батерии, кои нудат повисока енергетска густина, заземаат помалку простор и се полнат побрзо од традиционалните литиум-јонски. Неколку производители, како Honor, OnePlus и realme, веќе почнаа да ги користат овие батерии во своите најнови уреди.

Модели како OnePlus 13 и realme GT 7 успеваат да понудат батерии над 6000 mAh, без да прават компромиси со дебелината и изгледот на телефонот.

Се чини дека иднината на смартфоните оди кон уреди кои ќе имаат издржливост за цел ден, без да се жртвува дизајнот. Благодарение на новите технологии, корисниците сега можат да очекуваат тенки телефони со батерии што траат значително подолго, пишуваат колегите од „benchmark.rs“

Прочитај повеќе...

Магазин

Google откри како ќе изгледа Pixel 10 – нова камера и редизајн? (ВИДЕО)

Објавено пред

на

Фото: Samuel Angor @ unsplash

Официјалното претставување е закажано за 20 август

Google повторно ја следи својата традиција – со рано откривање на изгледот на барем еден од своите нови Pixel телефони. Овојпат, тоа се случува речиси еден месец пред официјалната премиера, закажана за 20 август.

На насловната страна на Google Store се појави кратко промотивно видео, кое ни дава прв поглед на она што се претпоставува дека е основниот Pixel 10. Видеото открива дизајн сличен на минатогодишниот Pixel 9, но со неколку значајни измени.

Кои се новитетите?

  • Нова сиво-сина боја, која му дава модерен и освежен изглед.

  • Редизајнирана задна страна – изгледа како површината на телефонот да “излегува” од рамката.

  • Трета камера – за првпат, и основниот модел можеби ќе добие телефото објектив.

Да потсетиме, Pixel 9 беше опремен само со широкоаголна и ултраширокаголна камера, додека телефото леќата беше ексклузивна за Pixel 9 Pro. Новите протечени информации сугерираат дека во 2025 година сите Pixel модели би можеле да имаат трикамерен систем.

Иако видеото не открива многу технички детали, се претпоставува дека Google ќе се фокусира на подобрувања под хаубата – како новиот чипсет Tensor – наместо на драматичен редизајн на уредот.

Сè ќе биде јасно на 20 август, кога Google ќе ги открие сите детали за новите Pixel 10 уреди.

Извор: B92

Прочитај повеќе...

Facebook

Последни објави

Временска прогноза6 часа

Попоски предмалку истакна важни информации околу временската состојба

Во текот на оваа ноќ територијата на Република Македонија ќе биде зафатена од уште една голема влажна и нестабилна воздушна...

Хороскоп6 часа

Хороскоп за недела (31 август)

ОВЕН Оваа недела ќе бидете склони кон вљубување. Важно е да ја оставите гордоста настрана и да пристапите на личност...

Скопје8 часа

Полициски службеници спречија ширење на пожар на СЦ Борис Трајковски, евакуирана публиката, девет полициски службеници завршија на токсикологија

Денеска (30.08.2025) околу 16:00 часот во непосредна близина на спортскиот центар Борис Трајковски во Скопје настана пожар, при што и...

Кичево11 часа

(ФОТО) Во близина на с.Зајас кичевско, тешко товарно возило излетало од коловоз

Предмалку во близина на кичевското с.Зајас на магистралниот пат Кичево-Гостивар се случила сообраќајна несреќа, каде според неофицијални информации, тешко товарно...

Спорт13 часа

Германија ја запиша третата последователна победа на Европското првенство, совладувајќи ја убедливо Литванија

Кошаркарската селекција на Германија ја запиша третата последователна победа на Европското првенство, совладувајќи ја Литванија со убедливи 107:88 во рамки...

Хороскоп1 ден

Хороскоп за сабота (30 август)

ОВЕН Марс сепак го зголемува вашиот стрес, бидејќи неговата главна идеја е да работите побрзо – ако се притиснете на...

Фото: Paul Hanaoka @ unsplash Фото: Paul Hanaoka @ unsplash
Lifestyle2 дена

Дали заспивате со мобилен телефон? Ова може сериозно да му наштети на вашето здравје

Научните истражувања откриваат нешто загрижувачко: вештачката светлина навечер може да го наруши биолошкиот часовник и да го зголеми ризикот од...

Фото: Jonas Kakaroto @ unsplash Фото: Jonas Kakaroto @ unsplash
Lifestyle2 дена

Појадувајте здраво во канцеларија: брз рецепт за 5 минути

Долг ден во канцеларија секогаш бара паметен и хранлив почеток. Ако утрото ви е хаотично, а сепак сакате да останете...

Фото: Giuseppe Peletti @ unsplash Фото: Giuseppe Peletti @ unsplash
Магазин2 дена

Samsung Galaxy Tab S11 – протекоа цените за Европа

Новата серија таблети Samsung Galaxy Tab S11 иако сè уште не е официјално претставена, веќе е во центар на вниманието....

Фото: Val Vesa @ unsplash Фото: Val Vesa @ unsplash
Автомобили2 дена

Volkswagen ја гради иднината на производството со вештачка интелигенција и AWS

Групацијата Volkswagen ја гледа иднината на автомобилската индустрија во вештачката интелигенција и облак технологиите. Компанијата веќе имплементираше AWS cloud решенија...

НАЈЧИТАНИ