Свет
Повеќето луѓе нема да користат паметни телефони до 2030 година?

Извршниот директор на Nokia, Пека Лундмарк, рече дека, колку и да звучи неверојатно, повеќето корисници ќе престанат да користат паметни телефони за помалку од десет години.
Лундмарк тврди дека луѓето ќе ги остават своите телефони до 2030 година, пред се поради 6G мрежата чија комерцијализација е планирана за 2030 година. Токму поради напредокот на комуникациите, извршниот директор на Nokia смета дека денешните телефони ќе бидат заменети со уреди за носење и чипови во нашите тела, пишува порталот Gizchina, а пренесува Benchmark.
Во сегашната ера на 5G (4G ако живеете во Македонија), паметните телефони сè уште се најважните уреди за комуникација. Сепак, Лундмарк смета дека ситуацијата значително ќе се промени по комерцијализацијата на 6G мрежите.
Тогаш паметните телефони ќе станат уреди кои не се толку вообичаени, бидејќи сè што ви треба ќе добиете од уред кој е на вашата рака, преку очила или чип во вашето тело.
Извршниот директор на Nokia не прецизираше кои уреди ќе ги заменат телефоните за десет години, но треба да се има предвид дека барањата за 6G значително ќе ги променат поврзаните уреди, бидејќи ќе биде потребен моќен хардвер за се да функционира правилно.
Според прогнозите, новата мрежа треба да биде 100 до 1000 пати побрза од мрежите 5G, што значи дека потребниот хардвер ќе мора да биде значително посилен за да може да се справи со толку голем проток на информации.
Дека можеби има некаква основа зад овие зборови сведочи и фактот што Јужна Кореја неодамна објави дека ќе започне со тестирање на 6G мрежата во 2026 година.
Откако Јужна Кореја го презеде водството во комерцијализацијата на 5G во 2019 година, поминаа 3 години откако 5G беше изграден ширум светот.
Покриеноста со 5G не е лоша во многу градови, но сè уште не е популарна во многу делови од светот. Сепак, тоа нема да ја спречи Јужна Кореја повторно да го преземе водството со 6G. Згора на тоа, тамошната влада исто така планира да го комерцијализира од 2028 до 2030 година, така што предвидувањата на Лундмарк можеби не се само имагинација.
Што мислите?
/telegraf.rs/
Свет
Гигантската ракета „Старшип“ на SpaceX во вторник навечер успешно го изведе својот десетти пробен лет

Колосот висок околу 120 метри тргна од космодромот „Старбејс“ во Тексас, заедно со новооснованиот град што расте околу него, точно во 19:30 часот по источна временска зона. Полетувањето беше поддржано од 33 „Раптор“ мотори на метан, а по приближно три минути лет беше извршено раздвојувањето на засилувачот и горниот степен.
При враќањето, бустерот „Суперхеви“ првпат изведе специјален маневар – наместо да слета со истите мотори, намерно ги исклучи и се префрли на резервните. Овој експеримент треба да им даде на инженерите увид во тоа како системот реагира при евентуален дефект. Маневарот се одвиваше како што беше планирано, а 75-метарскиот бустер прецизно заврши во Мексиканскиот Залив.
Горниот степен – исто така наречен „Старшип“ – стигна во орбитата и таму за првпат го отвори товарниот отсек, сличен на дозерка за „Пез“ бонбони, од каде беа ослободени осум тест сателити што имитираат маса на „Старлинк“. Тоа е демонстрација што SpaceX долго ја планираше, но не успеваше да ја реализира во претходните летови. Дополнително, еден „Раптор“ мотор беше повторно запален во вселенски услови, пред леталото да биде насочено кон Индискиот Океан, каде што по ударот се преврте и експлодираше.
За време на повторното влегување во атмосферата, надворешноста на леталото беше изложена на екстремни температури, што овозможи значајно тестирање на надградениот термички штит. Инженерите намерно отстранија дел од плочките и поставија нови метални и активнo ладени елементи, за да ја оценат издржливоста на обвивката.
Најголемото достигнување сепак беше тоа што „Старшип“ ја заврши целата мисија и се спушти во Индискиот Океан без губење на врската со контролниот центар – нешто што SpaceX го смета за клучна пресвртница во развојот на ракетата.
Извор: spaceflightnow.com
Свет
„Етериумот“ бележи значителен раст, ентузијазмот на инвеститорите се зголемува

„Етериум“, втората најголема криптовалута според пазарната капитализација, забележа раст од 6% и се тргува над 4.680 долари по токен — многу блиску до рекордното ниво достигнато во 2021 година.
Според аналитичарот Том Ли, голем дел од крипто-проектите и стабилните дигитални токени на Вол Стрит, кои се поддржани од средства како американскиот долар, се градат врз инфраструктурата на Ethereum.
Матичниот токен на оваа платформа, етер (ETH), порасна за над 50% откако беше донесен Законот GENIUS минатиот месец. Овој закон обезбедува регулаторна поддршка за индустријата на стабилни токени, што придонесе за зголемена доверба кај инвеститорите.
Дополнително, Комисијата за хартии од вредност неодамна го најави „Проектот Крипто“ — иницијатива за модернизација на агенцијата и воведување појасни регулативи за дигиталните средства. Овој чекор исто така одигра важна улога во поддршката на растот на „Етериум“
Аналитичката куќа Fundstrat предвидува дека цената на ETH може да достигне и до 15.000 долари до крајот на годината.
Во изминатите пет трговски денови, вредноста на етерот порасна за 16%, наспроти 4% раст на биткоинот. Зголемениот интерес доаѓа и од компании што собираат капитал за купување етер, слично на стратегијата што ја користи MicroStrategy со биткоинот. Според Спенсер Халарн од крипто-платформата GSR, токму овие приливи од институционални инвеститори придонеле за дополнителен раст на цената.
„Овој позитивен тренд дополнително го зголемува интересот на инвеститорите“, изјави Халарн за Yahoo Finance.
Еден од најактивните играчи е BitMine Immersion Technologies (BMNR), каде претседател е Том Ли од Fundstrat. Компанијата најави планови за продажба на нови акции во вредност од 20 милијарди долари, со цел да го зголеми својот удел во Ethereum и на крај да поседува 5% од вкупниот број на ETH токени во оптек. Акциите на BitMine се зголемија за околу 80% во последните пет дена.
Сличен раст бележат и други компании како SharpLink Gaming (SBET) и BTCS (BTCS), кои следат стратегии за интегрирање на Ethereum во своите деловни модели, забележувајќи пораст од 8% во последните пет сесии.
Извор: CNBC
Свет
Најголемото парче од планетата Марс на Земјата продадено преку аукција за рекордни 5,3 милиони долари!

Најголемиот досега познат марсовски метеорит што стигнал до Земјата е продаден на аукција во Њујорк за импресивни 5,3 милиони долари. Оваа вонземска карпа, тешка 25 килограми, била откриена минатата година во пустината Сахара во Нигер. Научниците сметаат дека парчето било исфрлено од Марс по силен удар со астероид.
Метеоритот, означен како NWA 16788, е околу 70% поголем од кој било друг познат метеорит од Марс. Неговите димензии изнесуваат приближно 38 x 28 x 15 сантиметри, а пред да биде продаден, бил изложен во Италијанската вселенска агенција во Рим.
Иако почетната проценка на вредноста се движела помеѓу 2 и 4 милиони долари, интересот кај купувачите нагло пораснал, па по неколку понуди, цената достигнала 5,3 милиони долари. Името на купувачот останува непознато.
На Земјата постојат помалку од 400 потврдени примероци од Марс, а овој метеорит самостојно претставува околу 7% од вкупниот познат марсовски материјал. Ваквите примероци се од огромна научна и културна вредност и служат како потсетник за поврзаноста на нашата планета со останатите небески тела – дури и кога тие доаѓаат од 225 милиони километри далечина.
Извор: kosmickiglasnik.rs
-
Хороскоп2 дена
Хороскоп за петок (29 август)
-
Хороскоп14 часа
Хороскоп за сабота (30 август)
-
Хроника2 дена
Во хотелска соба бил пронајден починат 69-годишник од Австралија
-
Кичево1 ден
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
Временска прогноза1 ден
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
Спорт2 дена
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
Lifestyle1 ден
Дали заспивате со мобилен телефон? Ова може сериозно да му наштети на вашето здравје
-
На денешен ден1 ден
Времеплов: На денешен ден (29 август)