Кичево
„Преку глава ми е од корупцијата“: Караванот доаѓа во Кичево, овој петок на градскиот плоштад граѓаните ќе се сретнат со различни активности во борба против корупцијата

Граѓаните против корупцијата во рамките на програмата овој петок на 29-ти март во Кичево потточно пред Музеј на „НОБ Запад“ на градскиот плоштад со почеток од 14:00 часот ќе продолжи со караванот со настани насловени „Преку глава ми е од корупцијата“ што се организираат и во Штип, Гостивар и Крива Паланка.
Граѓаните на овие средби ќе имаат можност да се информираат како активно да се вклучат во борбата против корупцијата преку различни активности. На настаните граѓаните ќе можат да разговараат и да се едуцираат за препознавање на злоупотреби и можностите за пријавување на корупција. Покрај претставниците од граѓанските организации МЦМС, ИДСЦС и ЦГК ќе присуствуваат и медиумските партнери од ИРЛ, 360 степени и БИРН Македонија.
За младите ќе бидат организирани отворени дискусии на тема корупција, а дел од нив ќе можат да го проследат форум театарот посветен на истата тема. Медиумските партнери од програмата исто така ќе ги информираат граѓаните за важноста на споделувањето информации и пријавувањето на потенцијалните случаи на корупција со цел да помогнат во медиумските истражувања, додека
Стопанската комора на Македонија ќе организира средби со локалните претставници од приватниот сектор.
/ПР
Кичево
Викендов во Кичево СВР Охрид и ОВР Кичево реализираа „Соседска патрола“

Викендов во Кичево, Секторот за внатрешни работи Охрид и ОВР Кичево, ја реализираа превентивната кампања „Соседска патрола“.
Мешаните патроли составени од полициски службеници од Одделението за превенција, од Советот на родители, новинари/медиуми и други претставници, во рамките на оперативниот план „Безбедно лето 2025“, во Кичево, извршија превентивна обиколка на угостителските објекти, како и местата на отворен простор каде, во ноќните часови најчесто се собираат и задржуваат младите.
Целта на кампањата е, родителите да видат каде и како младите се забавуваат во ноќните часови, какви се условите каде што излегуваат, кои угостителски и други јавни места најчесто ги посетуваат, кои се можните проблеми со кои се соочуваат и како полициските службеници, практично ги применуваат своите полициски овластувања.

СВР Охрид / ОВР Кичево и претставници на медиумите
Практично мотивот е преку широка општествен аакција да се зацврсти партнерскиот однос меѓу полицијата и граѓаните, да се придонесе кон зголемување на степенот на безбедноста, да се намалат можните инциденти на местата каде што се забавуваат младите, да се подигне нивната општествена свест и совест за одговорно однесување во угостителските објекти и на јавните места како и доследно да се почитуваат законските одредби, пред се од Законот за прекршоци против јавниот ред и мир, за угостителска дејност и сл, за Порта.мк извести портпаролот на СВР Охрид, Стефан Димоски
Кичево
(ФОТО) Вчера официјално заврши дводневниот музички настан во Кичево, каде домашните музички имиња беа дел од одличните гала вечери!

Вчера и официјално се реализира и завршната гала концертна вечер во Кичево. „Addicted“ и Бојан Трајкоски, Алексо Тришоски, Бранислав Стојаноски, Бојан Дамјаноски & „The Twins“, Тоше Анѓелески, Распеани Кичевчани и Дарко Танески „Трубачко“ повторно ја разгорија сцената.
Упатуваме благодарност до сите посетители, да се надеваме дека традицијата ќе продолжи!
Мал дел фотогалерија преку објективот на Александар Тасески „Ace Records“
Кичево
(ГАЛЕРИЈА) Музичките имиња од Кичево го исполнија плоштадот до последно место, во првата музичка манифестација, вечерва финале од дводневниот спектакл „Кичевчани пеат за Кичево“

Денес посетителите со своето присуство го потврдија она што почесто му треба на град Кичево, а со тоа испишаа историја и најавија дека даваат поддршка за ваков тип на музички манифестации за една нова традиција во очи на големиот семакедонски празник „Илинден“
– Одличната атмосфера, пропратена со уште подобра организација, кичевските музички имиња ја исполнија душата на сите присутни кичевчани но и гости, во срцето на градот. Од најмладо до најстаро, до последен тон беа присутни и во еден глас ги пееја најголемите македонски хитови и се разбира хитовите на мега ѕвездата од нашите простори – Лозано, кој не дека е наш, дефинитивно го држи врвот на музичката сцена во Македонија и пошироко.
Ве повикуваме и вечерва со почеток од 20:00ч да присуствувате на втората гала вечер и заедно да ги пееме најголемите хитови заедно со „Addicted“ и Бојан Трајкоски, Алексо Тришоски, Бранислав Стојаноски, Бојан Дамјаноски & „The Twins“, Тоше Анѓелески, Распеани Кичевчани и Дарко Танески „Трубачко“
Во прилог, ви презентираме фото-галерија преку нашиот објектив & објективот на нашиот соработник spixels, доколку сакате да превземете фотографија, направете го тоа ТУКА
- default
- default
-
Хроника19 часа
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Хороскоп2 дена
Хороскоп за недела (3 август)
-
Хороскоп17 часа
Хороскоп за недела (4 август)
-
Кичево2 дена
(ФОТО) Вчера официјално заврши дводневниот музички настан во Кичево, каде домашните музички имиња беа дел од одличните гала вечери!
-
Македонија1 ден
СВР Охрид истакна детали за приведувањето на српскиот пејач
-
Македонија7 часа
Кичево, 122 година од битката на „Ѓурѓејца“, 4-ти август 1903 година, симбол на храброст и пожртвуваност
-
Кичево50 минути
Викендов во Кичево СВР Охрид и ОВР Кичево реализираа „Соседска патрола“
-
Спорт1 ден
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер