Спорт
Претставници на Фудбалската федерација на Македонија во посета на Палермо пред мечот со Италија

Претставници на Фудбалската федерација на Македонија се наоѓаат во работна посета на Палермо, градот домаќин на бараж натпреварот меѓу Италија и Македонија за пласман на Светското првенство во Катар 2022.
Нашата најдобра репрезентација на 24. март гостува на стадионот “Ренцо Барбара” во Палермо за мечот против европскиот првак, Италија.
Претставници од администрацијата на ФФМ, посетата на Палермо ја користат за увид на условите на стадионот, детално се запознаваат со условите на теренот и надвор од него, како и градот домаќин на еден од бараж дуелите за место на миндијалот во Катар.
Исто така, со претставници на италијанската федерација се разговара и за распределбата на билети за мечот на 24. март во согласност со правилата на УЕФА, како и за мерките кои важат за влез во Италија поради Ковид-19 ограничувањата.
Намерата на нашата федерација е во најбрзо можно време да добиеме официјална информација за добивање билети за мечот, а потоа да ја споделиме со заинтересираните наши поддржувачи за следење на натпреварот во Палермо.
Исто така, постојано ги следиме промените во ограничувањата за влез во Италија поради епидемиолошката состојба.
Претставници на ФФМ во следниот период ќе бидат во официјална посета и на Порто во Португалија и градот Коња во Турција, како едни од можните домаќини на финалниот меч за пласман на Светското првенство.
Спорт
Просинечки најверојатно ќе биде сменет од селектор на Црна Гора, своето деби го започна со победи над Македонија и Белорусија

Роберт Просинечки повеќе нема да ја извршува функцијата селектор на фудбалската репрезентација на Црна Гора. На седницата на Извршниот одбор што ќе се одржи во петок, се очекува претседателот Дејан Савиќевиќ и раководството на Фудбалскиот сојуз официјално да ја потврдат одлуката за негова смена.
До завршување на квалификацискиот циклус, улогата на главен тренер ќе ја преземе Мирко Вучиниќ – првиот капитен во историјата на националниот тим, кој веќе подолг период е дел од стручниот штаб.
Просинечки беше седмиот селектор на Црна Гора по обновувањето на независноста, наследувајќи имиња како Зоран Филиповиќ, Златко Крањчар, Бранко Брновиќ, Љубиша Тумбаковиќ, Фарук Хаџибегиќ и Миодраг Радуловиќ.
Своето деби го имаше во март 2024 година со две победи во пријателски средби против Белорусија и Македонија во Анталија. Но, потоа следеше серија од седум порази – два во пријателски натпревари и пет во официјални – и само победата против Турција во Лигата на нации му го продолжи мандатот.
Во март оваа година Црна Гора запиша две тешки победи дома во квалификациите за Светското првенство, против Гибралтар и Фарските Острови. Сепак, новите порази – два од Чешка и еден од Хрватска – го запечатија неговото заминување.
Во вкупно 16 натпревари на клупата на Црна Гора, Просинечки оствари биланс од пет победи, едно реми и десет порази, пренесува српски „Журнал“
Спорт
(ФОТО) Кичевски „ФК Напредок“ ги наполни трибините со љубители на фудбалот, а играчите им возвратија со победа за почеток на сезоната

Недела, некогаш претпознатлив ден за фудбал на градскиот стадион во Кичево. Но денес за момент се чинеше дека токму го живееме тоа време, а зошто и да не го вратиме сјајот на тоа време?! Денес кичевчани покажаа дека љубовта кон фудбалот полека се враќа, а нашите момчиња тоа го крунисаа со одлично прикажана игра и победа од 3:1 против „ФК Вардар Брвеница“.
Речиси 80% полн капацитет на едната трибина и дел на другата со љубители на фудбалот уживаа во еден прекрасен ден со идеални услови за игра.
Серијата голови ја отвори Котески од 22м со еден маестрален шут уште во 33-та минута, веднаш потоа од далечина Калевски го искористи невниманието на гостинскиот голман и зголеми на 2:0. Третиот гол беше дело на Даутоски во 49-тата минута. За конечните 3:1 Спироски намали во финишот на мечот.
Натпреварот го водеа искусната тројка Марјан Стојаноски, Осман Зеќири и Никола Ѓорѓиевски.
– Можам да бидам задоволен од денешната игра на нашите момци. Активните тренинзи покажуваат резултати како на физичката подготвеност така и останатите битни работи кај фудбалерите. Ова е одличен резултат за почеток на првенството. Ја користам оваа прилика да им се заблагодарам на кичевчани кои дојдоа навистина во голем број и не бодреа до самиот финиш на мечот. Ве уверувам дека ќе ги искористиме сите можности за нашиот сон да се исполни – „Влез во елитната лига“ – за Порта.мк истакна Бобан Дујковиќ, тренер на „ФК Напредок“
Спорт
„ФК Напредок“ денес на домашен терен го игра првиот натпревар од новата сезона, ве повикуваме сите на градски како во старите добри времиња

Стартот во новата сезона во рамките на Трета лига Запад „Фудбалскиот Клуб НАПРЕДОК“ ќе ја започне на домашен терен,а за противник во првото коло ќе гостува екипата на „ФК Вардар Брвеница“.
Натпреварот ќе се одигра денес на Градскиот стадион во Кичево 14.09.2025 г.(недела) со почеток во 16:30 часот.
На сосема новиот и уреден изглед на трибините, ве повикуваме да му дадете максимална поддршка на „ФК Напредок“ како во старите добри времиња и заедно да уживаме во прикажаната игра.
-
Кичево6 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп2 дена
Хороскоп за среда (17 септември)
-
Хороскоп20 часа
Хороскоп за четврток (18 септември)
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Временска прогноза1 ден
Брз продор на ладен воздух од север, додека само утре услови за слаб локален дожд
-
Скопје8 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза10 часа
Следната седмица вистинска промена на времето
-
Магазин1 ден
Осум iOS 26 промени што мора да ги пробате