Возилата за кои станува збор се опремени со покривна шина која може да се оштети при тежок судар, што ќе предизвика тој дел да се одвои од каросеријата

BMW најави повлекување на повеќе од 291.000 возила во САД поради проблем со дел од автомобилот што може да се откачи по оштетување при судар, зголемувајќи го ризикот од повреда, се вели во поднесеното барање до регулаторите во средата.

Производителот претходно „повлече“ стотици илјади автомобили поради воздушните перничиња кои можат да експлодираат.

Повлекувањето влијае на одредени автомобили X3 sDrive30i и X3 M40i произведени помеѓу 2018 и 2023 година, според американската Национална администрација за безбедност на сообраќајот на патиштата (NHTSA), пренесува Индекс.

Возилата се опремени со покривна шина која може да се оштети при сериозен судар, што ќе предизвика нејзино откачување од каросеријата, велат регулаторите.

BMW стана свесен за сериозна несреќа во која учествуваше еден од наведените модели во август 2022 година, соопшти компанијата, иако сопственикот повикал правен совет и детали за несреќата не беа достапни.

Канцелариите на BMW во Германија и Северна Америка беа известени во октомври и јануари, овозможувајќи им да ги анализираат возилата во март и април. Анализата вклучуваше тестови за несреќа и преглед на производството.

Од BMW велат дека од 30 август ќе бидат известени сопствениците на автомобили зафатени со овој проблем, а дилерите на автомобили ќе понудат бесплатна замена на спорниот дел.

/B92

Најдобро продаваниот модел на Škoda неодамна доби надградба. Ова видео ќе покаже што е уште подобро за новата верзија на Octavia. Octavia доби уште подинамичен изглед, со нови LED фарови со целосно нова графика кои му даваат на автомобилот посвеж и спортски изглед. Matrix-LED фаровите од втората генерација нудат помоќен Bi-LED модул со 36 светлосни сегменти во два реда или со елемент на дизајнот Crystallinium. Надградени се и LED задните светла и браникот.

Внатрешноста сè уште ги нагласува просторот и практичноста, но модернизираната Octavia добива и нови одржливи материјали и нов инфозабавен систем со 13-инчен екран. Дополнително, ќе нуди комбинација од гласовниот асистент Laura и напредната алатка за вештачка интелигенција ChatGPT, па сега Лаура ќе биде уште подобра во одговарање на прашања од општа култура.

Автомобилот е опремен и со нови функции за помош при возење. Сè уште има широк опсег на погонски единици: достапни се и бензински и дизел мотори, вклучувајќи благи хибридни верзии и спортска верзија RS.

Покрај караван верзијата, која е најпродаваниот автомобил во својата класа на многу пазари, Octavia секако е достапна и како хечбек.

Извор: autoblog.rs

Вo Калифорнија, бројот на нови регистрации на Tesla падна за 24% во текот на вториот квартал, покажуваат податоците на дилерите, што укажува дека проблемите за производителите на електрични возила растат. Високите каматни стапки и силната конкуренција доведоа до намалена побарувачка за електрични автомобили бидејќи купувачите се одлучуваат за поевтини хибридни автомобили.

„Се чини дека клиентите повеќе не се толку привлечени кон Tesla“

Моделот Y на Tesla сè уште е најпродаваниот модел во земјата, но пазарниот удел на производителот на автомобили во првата половина од годината падна на 53,4% од 64,6% во истиот период минатата година.

„Се чини дека клиентите повеќе не се толку привлечени од Tesla“, се вели во извештајот на Здружението на дилери на нови автомобили во Калифорнија. Од друга страна, пазарниот удел на хибридните возила се зголеми на 13,4% во последните три месеци од 10,8% лани. Електричните возила со батерии држат 21,9% од пазарот, што е нешто повеќе од 21,8% од пред една година.