Следете не

Култура

Промоција на прирачник за логомоторика, фина и груба моторика

Објавено пред

на

На 13.11.2021 во Кинотека на Република Македонија се оддржа промоција на стручно
дело во областа на логопедијата и специјалната едукација и рехабилитација, прво од
ваков вид во Македонија – “Прирачник за логомоторика, фина и груба моторика”.

“Прирачник за логомоторика, фина и груба моторика” е прирачник чии автори се
клинички логопед специјалист и Марте Мео практичар Викторија Сиљаноска, клинички
логопед специјалист Бојан Богдановски и дипломиран дефектолог Стојанка Коцева.

Прирачникот е наменет за:
– Деца со типичен и специфичен развој;
– Родители;
– За возрасни со потешкотии во моториката и говорот;
– За студенти по логопедија и специјална едукација и рехабилитација;
– За стручни лица – логопеди, специјални едукатори и рехабилитатори, психолози,
педагози, воспитувачи…

Рецензенти на прирачникот се проф.д-р Гордана Китева Тренчевска, клинички логопед
специјалист Марија Стефановска и специјален едукатор и рехабилитатоr Татјана
Митковска. На промоцијата покрај авторите и рецензентите, излегување имаше и
проф.д-р Велибор Тасиќ. Прирачникот е составен од три дела: – Дел за логомоторика,
каде се обработени вежби за подвижност на говорниот апарат; Дел за фина моторика –
сложени и прецизни движења со рацете; Дел за груба моторика – способност за движење
на рацете, нозете и целокупното тело со одредена контрола; Покрај описите како да се
изведуваат вежбите и зошто истите се важни, авторите ни спремиле и визуелен приказ
како истите вежби правилно да се изведуваат.

“Реализацијата на овој проект беше подолго патување, чија цел сега си го дочека своето
време. Сметаме дека овој прирачник ќе биде од огромна помош за многу родители, деца,
возрасни, студенти и стручни лица.” – изјавија авторите Викторија и Бојан.

Култура

Доаѓа еден од најголемите христијански празници „Пречиста“

Објавено пред

на

Доаѓа големиот празник Воведение на Пресвета Богородица во храмот што народот го вика „Света Пречиста“ или само „Пречиста“, овој празник, исто така, спаѓа и во дванаесетте големи христијански празници.

Во нашиот регион спаѓа еден од деновите кои најмногу се чекало гости после големиот празник Св.Никола кој најмногу се слави.

Се смета за женски празник и повеќе го празнуваат младите жени, особено оние што уште немаат деца и е еден од поголемите есенски празници што се празнуваат и со домашни служби.

Сведоштва за овој празник (како и за некои други моменти од животот на Богородица) се среќаваат само во црковните песни и кај некои писатели на дела со црковна содржина. Праведните Јоаким и Ана, се вели во овие сведоштва, долго немале деца. Го молеле Бога да им даде рожба ветувајќи му дека ќе му ја посветат нему, односно ќе ја дадат да му служи во храмот. Така им се родила Марија. Светото предание натаму сведочи дека бидејќи Марија била измолена со солзи и ветена да му служи на Бога нејзините родители уште кога наполнила една година сакале да ја одведат во храмот. Но се плашеле дека малото девојче може да плаче за нив, па се одлучиле тој чин да го направат кога таа ќе наполни три години. И така кога наполнила три години останувајќи доследни на ветувањето, а и исполнувајќи го долгот кон Бога ја повеле во храмот.

Во свечената поворка што три дена патувала од Назарет до Ерусалим најнапред оделе девојчиња променети во бела облека, со запалени свеќи во рацете, по нив Јоаким и Ана за рака ја воделе малата Марија, а по нив оделе многу роднини и пријатели. Со нив, невидливи за човечкото око, патувале и многу ангели. Беше се собрал и многу народ за да го гледа овој чуден и впечатлив настан. Малата Марија била облечена во свечена облека, со многу украси, како што ѝ приличи на царска ќерка и Божја невеста. Од Назарет до Ерусалим имало три дена пат, но овој пат, бидејќи се работело за патување иницирано со Божја промисла, или со Божји благослов, поворката со леснотија го изодела ова растојание.

Пред храмот свечената поворка ја пречекале свештеници на чело со првосвештеникот Захарие, пеејќи црковни песни. Храмот бил на поиздигнато место и во него се влегувало по скали со 15 степеници. Родителите ја оставиле малата Марија на почетокот на скалите и таа самата, со сила и сигурност на многу поголема возраст, се искачила по скалите весело гледајќи во храмот и не свртувајќи се кон своите родители и кон народот што ја придружувал. Таму ја пречекал првосвештеникот Захарие, (таткото на свети Јован Крстител), кој на општо изненадување на насобраниот народ, а по божја повелба, ја внесол во најсветото место во храмот, еден одделен олтар наречен „Свјатаја свјатих”, (или Светиња на светиите). Тука никој не смеел да влезе, особено не жена, не влегувале ниту обичните свештеници, а и првосвештеникот влегувал само еднаш во годината и тоа на празникот на очистувањето, кога принесувал жртва. На ова се чуделе не само луѓето туку и ангелите, но и ова е направено со Божја промисла и е поврзано со идната улога на Богородица, мајката на Исус Христос. Св. Теофилакт Охридски за овој чин вели дека во тој момент првосвештеникот Захариј бил исполнет со Божји Дух, инаку оваа негова постапка не би можела да се објасни. Потоа Јоаким и Ана како што било ред принесле дарови и жртви за Бога и откако добиле благослов од свештениците се простиле со Марија и заедно со роднините и пријателите се вратиле во Назарет. Подоцна тие честопати го посетувале храмот во кој живеела Марија, особено тоа го правела мајката Ана.

Овде во храмот, освен млади девојчиња кои се воспитувале во вистински Божји дух и се подготвувале за идната служба, во посебни простории живееле вдовици кои служеле во храмот, како што била и пророчицата Ана, што светиот апостол и евангелист Лука ја споменува во своето Евангелие. (Лука, 2: 36-38) По смртта на својот маж Јоаким, таму се преселила и Ана, мајката на Марија, но и таа малку време живеела со својата ќерка бидејќи наскоро и таа починала.

Во храмот Богородица останала до 12-тата година. Тука живеела заедно со други девојчиња, заедно се молеле, принесувале жртви, пееле црковни песни, го читале Светото писмо и учеле некои домашни работи како везење, плетење и сл. Храна примала од раката на ангелот, кој ја штител од секакво зло. Била послушна кон сите и затоа сите ја сакале и почитувале. Така во овој храм Пресвета Дева Марија се подготвувала за идната слава што ја очекувала. Црквата ја нарекува прекрасна зора од којашто изгреало сонцето на правдата. Црковната песна пее дека Светиот Дух ја осветил таа што живеела во храмот и се хранела со небесна храна.

Светото предание уште сведочи дека кога Марија стигнала до возраста кога девојките го напуштале храмот и се омажувале, свештениците побарале и таа тоа да го направи. Но Марија тогаш им ја соопштила својата решеност да не стапува во брак туку до крајот на животот да остане во храмот и да му служи на својот Бог. Но тоа не го дозволувале законите, поради што се барало компромис. По Божја промисла таа била дадена на чување кај еден постар човек по име Јосиф, роднина на нејзините родители. Поради тоа во сведоштвата праведниот Јосиф се среќава и како нејзин старател, но и како нејзин свршеник. Така биле задоволени тогашните еврејски закони, а на Марија ѝ била исполнета желбата засекогаш да остане девица и да му служи на Бога. Дотогаш меѓу Евреите не било познато доживотно заветување на Бога, така што Марија е првата девојка што се решила и што успеала до крајот на животот да биде заветена или посветена на Бога. По нејзиниот пример подоцна тргнале илјадници девојки и момчиња.

Во спомен на воведението или воведувањето на тригодишната Марија во храмот Светата црква го востановила празникот Воведение што се празнува на 21 ноември по стариот (или на 4 декември по новиот) календар. Црковното предание за воведувањето на Богородица во храмот започнало да се запишува уште во вториот век, во текстови познати под името апокрифи. Во четвртиот и петтиот век ова предание било познато во целиот христијански свет. Преданието раскажува дека царицата Елена подигнала црква посветена на Воведението.

Празникот Воведение почнал да се празнува многу касно. Се претпоставува дека се празнува од четвртиот век, но во пишаните документи се среќава од осмиот век. Во почетокот немал елементи на голем празник туку само како обичен спомен. Подоцна го среќаваме со претпразненство и попразненство. На иконите овој настан е насликан така што од едната страна стои првосвештеникот на старозаветната црква кој ја пречекува малата Марија на вратата од храмот, придружувана од група девојчиња со запалени свеќи, а тука се и родителите на Марија и другата придружба.

Во Гевгелиско овој ден се сметал за тежок празник, особено за тие што имале деца. Народот верувал дека цело лето немало да има болести ако тој ден дувал ветер или ако имлоа мраз. Но ако врнело тогаш ќе имало многу болести. Многумина тој ден се причестувале.

Празникот Воведение на Пресвета Богородица во храмот ни го истакнува за углед односот на праведните Јоаким и Ана, нивното исполнување на ветеното, но и нивната грижа за правилно воспитување на нивното дете. Но овој празник и денес е актуелен со тоа што укажува на потребата родителите да се заложат за правилно воспитување на своите деца, за осознавање на вредностите на својата вера, но и за одбрана од негативните пороци коишто денес ја уништуваат нашата младина.

На овој ден не се работат тешки работи, не се пере и не се шие.

Прочитај повеќе...

Култура

Од денеска започнуваат Божиќните пости кои траат 40 денови, пред големиот празник Рождеството Христово

Објавено пред

на

Од денес 28-ми ноември започнуваат Божиќните пости кои траат 40 денови, пред големиот празник Рождеството Христово Божик, на 7-ми јануари. Денешниот ден 28 ноември, се нарекува уште божикни поклади. Овој ден е и денот на споменот на Апостол Филип.

Светата Православна Црква постојано се грижела за душите на своите верни чеда, па изнаоѓала начини за тоа според зборовите и делата на Спасителот Господ Исус Христос. Така таа се потсетува на зборовите од Господа кој вели: „Овој, пак, род се истерува само со молитва и пост“ (Матеј 17,21; спореди: Марко 9,29), мислејќи на демонскиот род, па токму пред Божик, како и за поголемите празници, востановила пост кој е познат како Божикен пост кој трае 40 дена и има за цел да го подготви верниот човек за дочек на Христовото раѓање со чиста совест и мисла, исто онака како што се подготвуваме ние за дочек на дете во овој свет (чистиме, купуваме добри предмети и среќни сме).

Најпрво имаме еден претходен ден за простување со ближните (Божикни поклади) и со мир во душата и мир со сите луѓе на светот да отпочнеме подвиг за пост, бидејќи навистина е голема работа да се пости и да се моли, а за тоа имаме сведоштва од светите отци на Црквата.

Свети Јован Златоуст вели: „Кога ќе слушнете за постот не плашете се од него како од страшен војвода: тој не е страшен за нас, туку за лошите духови“, односно ги потврдува Христовите зборови и тежината за секого, оти не е секој моќен за тоа, ама е потребна победа врз демоните, а тоа го правиме и телесно и духовно (психофизички).

Историјата за овој пост се следи некаде околу V и VI век, но тоа не значи дека порано го немало, туку има историска основа за сето тоа, бидејќи Богојавление и Божик се славеле во ист ден и претходел некој помалкудневен пост. Секогаш започнува на 28/15 ноември, а завршува на 6 јануари, односно 24 декември според Јулијанскиот календар, на Бадник.

Имајте лесен, благословен и богоугоден пост во овие предрождествени денови, па во овој предбожикен период посоветувајте се со свештените лица и вашите духовни Отци за напредокот во личниот живот…

Прочитај повеќе...

Култура

Реткиот ракопис на Ајнштајн кој преживеал „речиси чудесно“ се очекува да достигне милиони на аукција во Париз

Објавено пред

на

Алберт Ајнштајн обично фрлаше нацрти на неговата работа за менување на парадигмата.

Но, благодарение на пријателот и соработник на научникот кој е добитник на Нобеловата награда, редок, работен ракопис „речиси чудесно“ преживеал до денес – и се очекува да достигне милиони на аукција во Париз во вторник, според Кристи, која ја одржува продажбата. за аукциската куќа Aguttes.

Документот од 54 страници, рачно напишан од Ајнштајн и швајцарскиот инженер Микеле Бесо – негов доживотен пријател и единствен познат соработник – ја документира подготвителната работа за општата теорија на релативноста на Ајнштајн, идеја која ги промени човечкото разбирање за универзумот и е опишана како нај убава теорија во физиката.

„Како еден од двата преживеани ракописи кои ја документираат генезата на општата релативност, тој дава извонреден увид во работата на Ајнштајн и фасцинантен поглед во умот на најголемиот научник на 20 век“, објави Кристи на својата веб-страница.

Со проценета вредност од 2,4 до 3,5 милиони долари, тој е највредниот ракопис на Ајнштајн што е понуден на аукција. Кристи го опиша во соопштението за вести како „еден од најважните научни автограми што некогаш биле излезени на аукција“.

Поголемиот дел од документот е составен во јуни 1913 година, кога Ајнштајн живеел во Цирих. Се состои од пресметки врежани главно со мастило на пожолтени листови и квадрат хартија, со 26 страници со ракопис на Ајнштајн, 25 страници со Бесо и три со записи од двајцата научници.

Ракописот на Ајнштајн-Бесо, кој содржи подготвителна работа за Ајнштајновата теорија на општата релативност, ќе биде продаден на аукција во Париз на 23 ноември. (Christie’s Images Limited 2021)

Познатиот германски научник работеше со Бесо за да ја тестира неговата теорија за врската помеѓу гравитацијата и закривеноста на простор-времето со испитување на аномалијата на орбитата на планетата Меркур.

Полни со грешки, прецртани равенки и поправени пресметки, страниците предвидени за аукцискиот блок во вторник го прикажуваат она што Кристи го нарече „клучна фаза“ во развојот на теоријата на релативност.

Пресметките на научниците во ракописот беа неточни, а Ајнштајн и Бесо ја прекинаа својата работа во јуни 1913 година кога Бесо мораше да се врати дома во денешна Италија. Бесо се обидел да продолжи самостојно на почетокот на 1914 година, но на крајот се откажал од проектот.

Благодарение на Бесо документот преживеал, велат од Кристи, бидејќи Ајнштајн бил познат по тоа што ги отфрлил своите работни нацрти. Француската аукциска куќа Aguttes го купи ракописот на јавната аукција на Кристи во 2002 година.

Ракописот „го крева превезот на мислата што се создава“, рече Етиен Клајн, истражувачки директор во Француската комисија за алтернативни енергии и атомска енергија, во каталогот на аукцијата. „Поглед зад завесата на волшебникот, така да се каже, со неговите обиди, неговите грешки, неговите двоумење, неговата сигурност“.

Ајнштајн подоцна ги преработил пресметките и ја објавил теоријата на општата релативност само под негово име во ноември 1915 година. Придонесот го нарушил разбирањето на гравитацијата, просторот и времето, отворајќи ги истражувањата на гравитациското временско проширување, отклонувањето на светлината и гравитационите бранови. Тоа беше едно од откритијата што помогнаа името на Ајнштајн да стане синоним за гениј во популарната култура.

Ајнштајн ја доби Нобеловата награда за физика за 1921 година. Почина во 1955 година на 76-годишна возраст.

/WPost/
Фото: Unsplash

Прочитај повеќе...

Facebook

Последни објави

ХороскопПред 3 часа

Денешен Хороскоп (5 декември) – недела

ОВЕН Расположението ви е нестабилно, ова е еден од оние денови кога е подобро да се повлечите и да поминете...

КичевоПред 9 часа

Кичево вчера: Нападнати полицајци, нападната невенчана сопруга и тепачка помеѓу две жени

На 04.12.2021 година во ОВР Кичево лишени се од слобода А.М.(38) и П.М.(38), двајцата од селото Лазаровци. Тие, на улицата...

МакедонијаПред 9 часа

Денешен Ковид-19 биланс, нови 342 случаи..

Во последните 24 часа направени се 2.349 тестирања, а регистрирани се 342 нови случаи на КОВИД-19: • Скопје – 135...

КичевоПред 12 часа

Ноќеска во Кичево пријавен неуспешен обид за опожарување на стан

На 04.12.2021 година околу 02:00 часот, во ОВР Кичево било пријавено дека пред влезна врата од стан на ул.„11 септември“...

ТехнологијаПред 13 часа

Сигурно ве интересира која земја е рангирана со најспор интернет на планетата?

Туркменистан е рангирана како земја со најбавен интернет во светот, а на корисниците им треба речиси цел ден да го...

На денешен денПред 19 часа

На денешен ден: 4 декември

1154.- Николас Брекспеир, првиот и единствен Англичанец што бил избран за папа, бил устоличен за поглавар на Римокатоличката црква како...

СпортПред 1 ден

(ВИДЕО) Поим за фер плеј, им дозволија на противникот да постигнат гол

И тоа се случува во фудбалот. Во третолигашки меч домашната екипа постигна гол на среќа во истиот момент кога фудбалерот...

ХороскопПред 1 ден

Дневен Хороскоп [4 декември] – сабота

ОВЕН Може да очекувате парична награда или унапредување за трудот кој сте го покажале во претходниот период. Една личност се...

МакедонијаПред 1 ден

Тешка сообраќајка кај с.Лескоец на патот Охрид-Ресен

Тешка сообраќајна несреќа се случи вечерва на патот Охрид – Ресен, кај селото Лескоец. Настанот го потврди и портпаролот на...

Временска прогнозаПред 1 ден

Променливо облачно, во вечерните часови повремени локални врнежи од дожд, утре кратка сталибизација, од недела нови врнежи од дожд и снег

Моментално променливо облачно со умерен, а повремено и засилен ветер од јужен и од југоисточен правец, во вечерните часови покасно...

НАЈЧИТАНИ