Магазин
Проверете го телефонот: Веднаш избришете ги овие апликации, тие можат да бидат опасни

Некои апликации може да бидат доста опасни за вашиот мобилен телефон, па затоа треба да бидете многу внимателни кога преземате нови апликации на вашиот уред.
„Komando“ вели дека повеќе од 60 корејски апликации се отстранети од Play Store и ONE Store (најголемата продавница за апликации во Кореја), а тие апликации веќе се преземени повеќе од 100 милиони пати.
Тие апликации може да го содржат опасниот малициозен софтвер Goldoson, кој беше откриен од McAfee, кој ги пријави своите наоди на Google. Се препорачува да ги отстраните таквите апликации од вашиот уред.
Колку се опасни?
Откако ќе преземат опасни апликации, измамниците ги користат за да ја видат вашата историја на локација, активноста на Wi-Fi, кои уреди со Bluetooth се поврзани со вашиот телефон и други апликации што ги користите.
Но, тоа не е се. Всушност, можете дури и да заработувате пари за тие измамници бидејќи таквите апликации комуницираат со скриените реклами во позадина. Компаниите што ги објавуваат тие реклами им плаќаат на хакерите за кликовите што доаѓаат од вашиот телефон.
Покрај сето ова, ваквите злонамерни активности ги трошат и вашите мобилни податоци и ресурси и го забавуваат вашиот уред.
Список на опасни апликации
Половина од овие апликации се веќе отстранети од Play Store, но други се ажурирани за да се усогласат со правилата на Google.
Komando советува дека доколку сте ги презеле, веднаш да ги избришете од вашиот уред:
– L.POINT with L.PAY
– Swipe Brick Breaker
– Money Manager Expense & Budget
– TMAP
– GOM Player
– Megabox
– LIVE Score, Real-Time Score
– Pikicast
– Compass 9: Smart Compass
– GOM Audio – Music, Sync lyrics
– TV – All About Video
– LOTTE WORLD Magicpass
– Bounce Brick Breaker
– Infinite Slice
– SomNote – Beautiful note app
– Korea Subway Info : Metroid
– GOODTV
– UBhind: Mobile Tracker Manager
– Snake Ball Lover
– Money Manager (Remove Ads)
– Inssaticon – Cute Emoticons, K
– T map for KT, LGU+
– GOM Audio Plus – Music, Sync l
– Swipe Brick Breaker 2
– TNT
– InfinitySolitaire
– TDI News
– TingSearch
– Fantastic
Како да избришете апликации од Андроид?
Можете да избришете апликација од вашиот уред со Android држејќи го прстот малку подолго на апликацијата што сакате да ја избришете и потоа само кликнете на опцијата Uninstall.
Друг начин за отстранување апликации е да отидете до Settings на вашиот уред и да изберете Apps & Notifications. Во списокот со апликации, пронајдете ја онаа што сакате да ја отстраните и кликнете Uninstall.
Хороскоп
Хороскоп за вторник (24 јуни)

ОВЕН
Може да очекувате полека, чекор по чекор, успех на деловно поле. Може да се надевате на средба со личноста која ви се допаѓа. Ако сте во врска, задоволни сте. Избегнувајте цигари.
Хороскоп
Хороскоп за понеделник (23 јуни)

ОВЕН
Целото ваше внимание е насочено кон некој семеен проблем. Денес ќе се случи конечната кулминација на сето тоа а добрата вест е дека решението е едноставно и поволно за вас. После големите турбуленции ви пристигнува големо олеснување.
БИК
Ве обзема идеа да започнете некоја приватна работа. Затегнатите односи со шефовите и лошата атмосфера во опкружувањето може да издвои екипа на луѓе со кои е возможно остварување на самостоен бизнис. Не заборавајте дека онаму каде што владее интересот, љубовта и сочувството спијат.
БЛИЗНАЦИ
Конечно ги привршувате заостанатите работи со кои сте се мачеле долго време. Конечно се назира епилог на нешто на кое долго сте работетел. После долго чекање ќе ви годи чувството на мала победа па имате право да си дозволите краткотраен одмор.
РАК
Денот ќе го започнете стресно и со големо незадоволство. Доколку не избегнете непотребни трошоци, можете да западнете во голема финансиска криза. Од попладнето можете да рачунате на позитивни вести и интензивна комунилација со странство.
ЛАВ
Свесни сте дека пред вас е напоред период на речиси сите полиња. Полни сте со енергија и волја а вродениот борбен дух и оптимизам ќе ве направи уште посилни. Иако ќе вложите многу труд, на крајот ќе бидете задоволни со постигнатите резултати.
ДЕВИЦА
Брзи сте но и невнимателни. Поради претераното брзање сте приморани да направите селекција што е важно а што не е. Сепак, со оглед на тоа колку сте се залетале, шансите да направите опасна грешка се минимални. Бидете внимателни особено во сообраќајот.
ВАГА
Чувствувате дека сте професионално доста ценети, а денес ви стигнува и мала потврда за тоа. Паралелно со тоа ќе имате позитивен напредок во семејните односи и тоа додатно ќе ве орасположи. Добрата атмосфера создава миг кога ќе сакате да изнесете се што ви лежи на срце.
ШКОРПИЈА
Внимателно испланирајте го денот и ќе имате прилика да изградите нова деловна стратегија која долгорочно ќе ви донесе резултати на кои ќе бидете доста горди. Насочете се кон работата и семејните односи оставете ги настрана.
СТРЕЛЕЦ
Не се обидувајте да ги спроведете своите замисли во дело, сте избрале погрешен ден. Наместо тоа, прочитајте ја омилената книга и посетете кино или театар. Чувајте се од инфекции и овој ден поминете го во изолација од другите луѓе.
ЈАРЕЦ
Полни сте со енергија толку што не знаете што да правите со неа. Кога немате каде да ја трошите почнете да ја пренесувате тензијата на околината. На удар е саканата личност а знаете дека немате причина за тоа. Со своето однесување можете непотребно да ја нарушите стабилноста на врската.
ВОДОЛИЈА
Пронајдете баланс помеѓу деловниот и семејниот живот. Премногу зборувате за она кое треба да биде ваша интима а тоа може да биде сигнал дека ве мачи некаква грижа на совест. Размислете за тоа пред околината да почне да ве избегнува.
РИБИ
Математички сте го израчунале својот љубовен живот па по ваше мислење не постои шанса нештата да бидат онакви какви што сте ги замислиле. Сфаќате дека не е лесно да го предвидите развојот на случувањата особено ако во односите се вклучени и емоции.
Lifestyle
Што навистина се случува кога кожата ќе изгори од сонце?

Изгорениците од сонце не се само моментално црвенило – тие се знак за длабоко оштетување на кожата. Под површината се случуваат сериозни процеси: воспаление, оштетување на ДНК и зголемен ризик од долгорочни здравствени последици, вклучувајќи и рак на кожа.
Што предизвикува изгореница?
Кога кожата е изложена на силно ултравиолетово (UV) зрачење, особено UVB-зраците, клетките во најгорниот слој (епидермис) доживуваат оштетување. Како реакција, телото започнува воспалителен процес: крвните садови се шират, протекува течност, се јавува црвенило и болка. Ова е природен начин на организмот да сигнализира штета и да започне процес на обновување.
Визуелни и физички симптоми
Лицата со посветла кожа најчесто добиваат јасно црвени изгореници, додека кај оние со потемна кожа, реакцијата може да биде посуптилна – нијанси на кафеава, сива или црна боја. Во потешки случаи се јавуваат плускавци, кои укажуваат на сериозно оштетување на кожните клетки.
Процесот на закрепнување започнува кога имунолошкиот систем испраќа сигнали за обновување: создавање нови клетки и отфрлање на мртвите. Овој процес може да трае неколку дена, зависно од интензитетот на оштетувањето.
Долгорочни последици
Дури и кога симптомите ќе исчезнат, оштетувањето на ДНК може да остане. Ако клетката не ја поправи грешката правилно, може да настанат мутации кои со текот на времето го зголемуваат ризикот од рак на кожа, особено меланом.
Некои истражувања укажуваат дека неколку сериозни изгореници од сонце во текот на животот можат значително да го зголемат овој ризик.
Превенција и заштита
-
Користете крема за сончање со висок заштитен фактор (најмалку SPF 30 или SPF 50), особено кога UV индексот е над 3.
-
Избегнувајте директно сонце во периодот меѓу 10:00 и 17:00 часот.
-
Носете заштитна облека, капа и очила за сонце.
-
Следете го UV индексот преку мобилни апликации за да знаете кога сте во ризик.
-
Нанесувајте доволна количина крема за сончање – повеќето луѓе користат премалку, што значи дека заштитата не е ефективна.
Што помага при изгореници?
Додека многумина користат лосиони за после сончање или алое вера, нивниот ефект е главно во ублажување на непријатноста, не во забрзување на закрепнувањето. Корисни се и ладни облоги, како и аналгетици (ибупрофен, парацетамол) за намалување на болката и воспалението.
Изгореницата од сонце не е нешто минливо – тоа е предупредување од телото. Заштитата започнува со информираност, внимателно однесување и грижа за кожата секој ден кога сте на сонце.
-
Хороскоп2 дена
Хороскоп за понеделник (23 јуни)
-
Македонија22 часа
Ново поскапување на сите горива од ноќеска, ова е новата цена за литар
-
Хороскоп12 часа
Хороскоп за вторник (24 јуни)
-
Македонија2 дена
Полицијата за граничен надзор на „Охридско езеро“ со полни раце работа, приведен охриѓанец и албански државјанин поради незаконит риболов и влез во државата
-
Временска прогноза1 ден
Попоски: Од денес па натаму висок УВ индекс и температури до 40°C
-
Lifestyle2 дена
Што навистина се случува кога кожата ќе изгори од сонце?