Кичево
Редици пред Крнинската икона на Пресвета Богородица во Пречиста поради нејзините чудеса

И оваа година, на празникот Рождество на Пресвета Богородица, кој воедно е манастирска слава на Манастирот Пречиста Кичевска, редици верници чекаа да се поклонат на Чудотворната икона на Мајката Божја, наречена Крнинска, дури и неколку дена по празникот.
Според сведоштвата на многумина, Пречистата Дева Марија, со својата огромна Божествена благодат, твори многу чудеса и исцеленија преку нејзиниот пречистански образ.
Пред три години, древната чудотворна икона на Пречистата Богомајка – Крнинска, го доби својот достоинствен украс – рачно изрезбан и позлатен иконостас. Ова прекрасно ремек-дело е изработено од копаничарот Слободан Димитровски од Штип, а позлатено од рацете на монасите и монахињите од нашите свети обители.
Изработката траеше неколку месеци и со помош на Пресвета Богородица се заврши токму во пресрет на празникот на нејзиното Рождество, којшто, воедно, е наша главна манастирска слава. Резбаната целивална е подарок за Пречистата од нашата монашка заедница, од благодарност за нејзините непрестајни мајчински молитви и грижа кон нас, најмалите и недостојните, како и за нејзината цврста поткрепа во монашкиот подвиг.
Пред чудотворната икона, исто така, пет сребрени кандила поставени на месингова украсна гранка.
Според преданието, Крнинската чудотворна икона се јавила на источникот со вода што денес се наоѓа во самиот храм, означувајќи го местото каде што Пречистата благоволила да ѝ се издигне манастир. За древноста на оваа икона сведочи и натписот што ни го оставил познатиот наш иконописец од времето на Преродбата, Дичо Зограф од с. Тресонче.
Имено, тој 1865 година, во времето на игуменот архимандрит Хаџи-Симеон, ја обновил веќе потемнетата двообразна икона на Спасителот Христос и Мајката Божја и го запишал тоа. Во 2017 година, Крнинската икона беше украсена и со прекрасна сребрена кошула, со позлатени елементи, бисери и драгоцени камења, според праксата во православната Црква иконите да се украсуваат на овој начин, но и да се заштитуваат од надворешните влијанија.
Пресвета Богородица преку оваа своја икона твори многу чуда и исцеленија, за слава Божја, поткрепа на верните и вразумување на неверните.
Кичево
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен

Пред неполни два часа повик за настанат пожар во атарот на с.Туин кичевско добила дежурната екипа на ТППЕ Кичево, која веднаш се упатила на терен и сеуште дејствува.
Апелираме за поголемо внимание додека се движите во шумски предели во овој период од годината.
За нашиот медиум од ТППЕ Кичево известуваат дека дејствуваат врз запалена ниска шума и дива депонија.
Кичево
Утре на стрелиштето во с.Осој ќе се спроведе Боево гаѓање на кичевската Полиција

На ден 18.06.2025 со почеток од 08:00 часот редовниот состав полициски службеници од полициската станица од општа надлежност и од станицата за безбедност во патниот сообраќај при Секторот за внатрешни работи Охрид, на армиското стрелиштето кај селото „Осој“ во близина на Кичево, ќе спроведат вежбовна активност за боево гаѓање. Оваа активност се реализира по претходен договор и известување до стрелиштето, ЈЗУ „Општа Болница” Кичево и урбаната заедница од селото Осој.
– Пред почетокот на боевото гаѓање, полициски екипи преземаат безбесносни мерки, вршат теренска обиколка и обезбедување на поширокото подрачје на стрелиштето со цел, оневозможување влез на граѓани во безбедносните зони. Медицинското обезбедување на боевото гаѓање ќе го вршат стручните медицински екипи од ЈЗУ „Општа болница“ – Кичево.
Апелираме, граѓаните кои се движат кон стрелиштето, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници, за Порта.мк и јавноста истакна портпаролот на СВР Охрид, Стефан Димоски.
Кичево
(ФОТО) Денес по пријава ТППЕ Кичево безбедно отстрани змија од возило

Во рамки на денешниот ден во ТППЕ Кичево бевме сведоци на една спасувачка акција по пријава на приватна компанија до надлежната против пожарна единица.
Имено, по претходна пријава на реномирана приватна компанија дека во нивното возило е приметена змија, веднаш интервенираше ТППЕ Кичево.
– Не е прв пат да добиеме пријава на граѓани за ваков или сличен настан. Пред неполна седмица исто така отстранивме змија. Во денешниот случај за два часа безбедно ја завршивме работата и влекачот кој беше долг околу 120см го пуштивме во природа, онаму каде му е местото, за Порта.мк истакна еден од вработените на дежурната екипа од ТППЕ Кичево.
-
Хороскоп24 часа
Хороскоп за четврток (26 јуни)
-
Хороскоп2 дена
Хороскоп за среда (24 јуни)
-
Кичево1 ден
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Lifestyle1 ден
Дали навистина треба да се плашиме од семките од лубеница? Еве што се случува кога ќе ги проголтате
-
Lifestyle1 ден
Како да го разладите домот без клима: Три едноставни трикови
-
Македонија8 часа
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
Автомобили1 ден
Како да ја надминете летната жештина од 37 степени во автомобил: Трикови што навистина функционираат
-
Македонија1 ден
Во Охрид вчера се случила сообраќајка помеѓу моторџија и велосипедист