Свет
Рекорден број на заразени со Ковид во Европа, најкритично во Франција, Италија, Грција, Португалија и Англија

Полска денеска пријави 794 смртни случаи од корона вирусот, што е највисоко во еден ден за време на четвртиот бран на пандемијата, изјави за Sent News заменик-министерот за здравство Валдемар Краска.
Полска со денови има постојано голем број новозаразени, поради што властите ги заострија епидемиолошките мерки, пренесува Ројтерс. Според последните податоци, во Полска се регистрирани 15.571 нови случаи.
Организирана измама во Виенскиот центар за вакцинација
Во виенскиот „Австриски центар“, каде што илјадници луѓе секојдневно доаѓаат да ја примат вакцината против коронавирусот, полицијата откри организирана измама.
На противниците на вакцинацијата им беше дозволено да вадат пасоши за вакцинација во овој центар без да примаат вакцини.
„Неколку црни овци“ се обиделе да се збогатат со фалсификувани потврди за вакцинација, а на противниците на вакцинацијата им биле издавани лажни пасоши за вакцинација. Тоа била организирана акција. Прво земале пари од луѓето, а подоцна, без вакцината, ги внесувале во системот како имунизирани, тврдат од „Австрискиот центар“.
Според организацијата „Samariterbund“, во оваа измама биле вмешани повеќе лица, кои работеле на различни станици од процесот на вакцинација.
Во посебни штандови во пасошите за вакцинација се внесуваа печати со потврдата за вакцинација. Случајот е откриен бидејќи кај еден администратор биле откриени невообичаено голем број вакцини.
Меѓу осомничените нема лекари, а откриените измамници се отпуштени и против нив е поднесена пријава.
Во „Австрискиот центар“ се преземени дополнителни безбедносни мерки за да не се повторат слични работи. Докторката Ивет Закаријан за виенскиот дневен весник „Кронен цајтунг“ изјавила дека и самата била сведок на печат и вакцинирање во пасошот за вакцинација.
Таа пренесе и дека имало проблеми со кражбата на лекарските печати, кои исчезнале кога лекарите излегле на пауза за ручек. Поради овој проблем воведен е нов систем според кој печатите се бројат секојдневно и се издаваат на лекар со потпис и мора да се враќаат при секоја пауза.
Рекорден број на заразени со Ковид во Европа
Неколку европски земји пријавија најголем дневен пораст на случаи на ковид од почетокот на пандемијата, поради ширењето на омикорн сој.
Франција, Италија, Грција, Португалија и Англија пријавија рекорден број дневни инфекции.
Официјалните лица, сепак, велат дека високите бројки може делумно да се должат на доцнењето во известувањето за време на божиќниот период.
Полска денеска забележа 794 смртни случаи од Ковид, што е најголем број во четвртиот бран на пандемијата, со повеќе од три четвртини од починатите биле невакцинирани.
Во исто време, портпаролката на ЦДЦ за „Политико“ изјави дека најновите бројки на заразени може да бидат преценети поради доцнењето на тестирањето и затворањето на центрите за тестирање за време на Божиќ, а бројот на заболени ќе се стабилизира по новата година. .
Според извештајот на СЗО објавен вчера, бројот на нови инфекции со Ковид се зголемил за 57 отсто во Европа во неделата што завршува на 26 декември, а за 30 отсто во САД.
Франција вчера пријави 179.807 нови инфекции, што е најголем број дневни случаи во Европа досега.
Француската министерка за здравство Оливија Веран предупреди дека „сè сугерира“ дека Франција може да има дури 250.000 случаи на ден до почетокот на јануари, додека Француската федерација на болници објави дека „најтешките недели допрва доаѓаат“.
Францускиот премиер Жан Кастекс најави нови ограничувања претходно оваа недела, а давањето на засилена доза во земјата е забрзано.
И бројни други европски земји вчера пријавија рекорден број дневни случаи.
На пример, во Италија, бројот на заразени надмина 78.000 случаи, што е нов рекорд од почетокот на пандемијата. Регистрирани се и 202 смртни случаи, со што вкупниот број на починати во земјава се искачи на 136.753.
Португалија забележа 17.172 нови случаи.
Грчкиот министер за здравство Танос Плеврис повика на смиреност откако земјата пријави 21.657 случаи, додека здравствените власти во Англија пријавија рекордни 117.093 случаи.
Студиите сугерираат дека омикронот е поблаг од сојот делта, но сè уште постојат стравувања дека голем број случаи предизвикани од омикрон би можеле да ги „преземат“ болниците.
Сепак, Светската здравствена организација (СЗО) предупредува дека ризикот од омикрон „се уште е многу висок“.
Русија: Најмал број новозаразени од крајот на септември, 21.119
Во изминатите 24 часа во Русија се регистрирани 21.119 случаи на коронавирус, што е најмал дневен број на новозаразени од 22 септември, соопшти денеска Кризниот центар за борба против коронавирусот.
Според Кризниот центар, во земјава се регистрирани вкупно 10.458.271 случаи на заболени од Ковид-19, јавува агенцијата ТАС С.
Како што се наведува, релативниот пораст на новозаразените е на ниво од 0,2 отсто.
Бројот на починати од последиците од заразата Ковид-19 во Русија во изминатите 24 часа е 932, наспроти 935 смртни случаи претходниот ден.
Вкупно 307.022 пациенти починале во Русија од почетокот на пандемијата, според Кризниот центар.
/RTV/
Свет
Гигантската ракета „Старшип“ на SpaceX во вторник навечер успешно го изведе својот десетти пробен лет

Колосот висок околу 120 метри тргна од космодромот „Старбејс“ во Тексас, заедно со новооснованиот град што расте околу него, точно во 19:30 часот по источна временска зона. Полетувањето беше поддржано од 33 „Раптор“ мотори на метан, а по приближно три минути лет беше извршено раздвојувањето на засилувачот и горниот степен.
При враќањето, бустерот „Суперхеви“ првпат изведе специјален маневар – наместо да слета со истите мотори, намерно ги исклучи и се префрли на резервните. Овој експеримент треба да им даде на инженерите увид во тоа како системот реагира при евентуален дефект. Маневарот се одвиваше како што беше планирано, а 75-метарскиот бустер прецизно заврши во Мексиканскиот Залив.
Горниот степен – исто така наречен „Старшип“ – стигна во орбитата и таму за првпат го отвори товарниот отсек, сличен на дозерка за „Пез“ бонбони, од каде беа ослободени осум тест сателити што имитираат маса на „Старлинк“. Тоа е демонстрација што SpaceX долго ја планираше, но не успеваше да ја реализира во претходните летови. Дополнително, еден „Раптор“ мотор беше повторно запален во вселенски услови, пред леталото да биде насочено кон Индискиот Океан, каде што по ударот се преврте и експлодираше.
За време на повторното влегување во атмосферата, надворешноста на леталото беше изложена на екстремни температури, што овозможи значајно тестирање на надградениот термички штит. Инженерите намерно отстранија дел од плочките и поставија нови метални и активнo ладени елементи, за да ја оценат издржливоста на обвивката.
Најголемото достигнување сепак беше тоа што „Старшип“ ја заврши целата мисија и се спушти во Индискиот Океан без губење на врската со контролниот центар – нешто што SpaceX го смета за клучна пресвртница во развојот на ракетата.
Извор: spaceflightnow.com
Свет
„Етериумот“ бележи значителен раст, ентузијазмот на инвеститорите се зголемува

„Етериум“, втората најголема криптовалута според пазарната капитализација, забележа раст од 6% и се тргува над 4.680 долари по токен — многу блиску до рекордното ниво достигнато во 2021 година.
Според аналитичарот Том Ли, голем дел од крипто-проектите и стабилните дигитални токени на Вол Стрит, кои се поддржани од средства како американскиот долар, се градат врз инфраструктурата на Ethereum.
Матичниот токен на оваа платформа, етер (ETH), порасна за над 50% откако беше донесен Законот GENIUS минатиот месец. Овој закон обезбедува регулаторна поддршка за индустријата на стабилни токени, што придонесе за зголемена доверба кај инвеститорите.
Дополнително, Комисијата за хартии од вредност неодамна го најави „Проектот Крипто“ — иницијатива за модернизација на агенцијата и воведување појасни регулативи за дигиталните средства. Овој чекор исто така одигра важна улога во поддршката на растот на „Етериум“
Аналитичката куќа Fundstrat предвидува дека цената на ETH може да достигне и до 15.000 долари до крајот на годината.
Во изминатите пет трговски денови, вредноста на етерот порасна за 16%, наспроти 4% раст на биткоинот. Зголемениот интерес доаѓа и од компании што собираат капитал за купување етер, слично на стратегијата што ја користи MicroStrategy со биткоинот. Според Спенсер Халарн од крипто-платформата GSR, токму овие приливи од институционални инвеститори придонеле за дополнителен раст на цената.
„Овој позитивен тренд дополнително го зголемува интересот на инвеститорите“, изјави Халарн за Yahoo Finance.
Еден од најактивните играчи е BitMine Immersion Technologies (BMNR), каде претседател е Том Ли од Fundstrat. Компанијата најави планови за продажба на нови акции во вредност од 20 милијарди долари, со цел да го зголеми својот удел во Ethereum и на крај да поседува 5% од вкупниот број на ETH токени во оптек. Акциите на BitMine се зголемија за околу 80% во последните пет дена.
Сличен раст бележат и други компании како SharpLink Gaming (SBET) и BTCS (BTCS), кои следат стратегии за интегрирање на Ethereum во своите деловни модели, забележувајќи пораст од 8% во последните пет сесии.
Извор: CNBC
Свет
Најголемото парче од планетата Марс на Земјата продадено преку аукција за рекордни 5,3 милиони долари!

Најголемиот досега познат марсовски метеорит што стигнал до Земјата е продаден на аукција во Њујорк за импресивни 5,3 милиони долари. Оваа вонземска карпа, тешка 25 килограми, била откриена минатата година во пустината Сахара во Нигер. Научниците сметаат дека парчето било исфрлено од Марс по силен удар со астероид.
Метеоритот, означен како NWA 16788, е околу 70% поголем од кој било друг познат метеорит од Марс. Неговите димензии изнесуваат приближно 38 x 28 x 15 сантиметри, а пред да биде продаден, бил изложен во Италијанската вселенска агенција во Рим.
Иако почетната проценка на вредноста се движела помеѓу 2 и 4 милиони долари, интересот кај купувачите нагло пораснал, па по неколку понуди, цената достигнала 5,3 милиони долари. Името на купувачот останува непознато.
На Земјата постојат помалку од 400 потврдени примероци од Марс, а овој метеорит самостојно претставува околу 7% од вкупниот познат марсовски материјал. Ваквите примероци се од огромна научна и културна вредност и служат како потсетник за поврзаноста на нашата планета со останатите небески тела – дури и кога тие доаѓаат од 225 милиони километри далечина.
Извор: kosmickiglasnik.rs
-
Кичево13 часа
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп24 часа
Хороскоп за четврток (28 август)
-
Временска прогноза2 дена
Прекрасна вест, топлото време продолжува, додека на утро останува да биде посвежо
-
Македонија2 дена
Регионалниот пат Нова Брезница – Македонски Брод преку НП „Јасен“ нормализиран за сообраќај во термините од МВР
-
Спорт2 дена
Составот на македонската фудбалска репрезентација за мечевите против Саудиска Арабија и Лихтенштајн
-
Свет2 дена
Гигантската ракета „Старшип“ на SpaceX во вторник навечер успешно го изведе својот десетти пробен лет
-
Автомобили1 ден
Nissan GT-R се пензионира по 18 години – крај на една ера
-
Магазин1 ден
Apple ќе ги открие новите модели на iPhone на 9 септември