Спорт
Репрезентација до 15 години: Пораз од Белорусија во првиот натпревар на меѓународниот турнир „Влатко Марковиќ“

Младата репрезентација на Македонија загуби од соодветната селекција на Белорусија во рамките на првиот меч од силниот меѓународен турнир за фудбалери до 15 години што се одржува во Хрватска.
Во еден интересен натпревар, полн со возбудувања, отворена игра и шест погодоци, избраниците на селекторот Незат Шабани загубија со 4 : 2.
Селекцијата на Белорусија одлично го започна натпреварот, ги искористи своите можности и постигна два гола во почетната фаза од средбата. Стрелци на головите беа Захар Баранок и Раџинов Млаџеџев во 14’ и 21’. Нашите фудбалери ги консолидираа своите редови, и до крајот на првиот дел успеаа да го изедначат резултатот. Најпрвин Максимилијан Димитриевски успеа да го намали резултатот на 2:1 во 24’. На 2:2 израмни Алтин Алиу во 29’.
Во продолжението од средбата, противникот успеа да постигне уште два гола. Во 46’ Руслан Миалковски погоди за предност на Белорусија од 3:2. Раџинов Млаџаџев ги постави конечните 4:2 на средбата, воедно ова беше втор погодок за фудбалерот на Белорусија на денешната средба. Нашите фудбалери можат да жалат за пропуштените прилики кои не ги искористија во второто полувреме.
БЕЛОРУСИЈА – МАКЕДОНИЈА 4 :2
МАКЕДОНИЈА ДО 15 ГОДИНИ: 1. Славе Вргов, 3. Андреј Велков, 4. Кристијан Галевски, 5. Анес Малиќи, 7. Максимилијан Димитриевски, 9. Никола Манојлов, 11. Флакрон Мелиши, 16. Алтин Алиу, 17. Хисар Али, 19. Андреј Величковски, 23. Димитар Порчу;
Селектор: Незат Шабани;
Вториот натпревар од силниот меѓународен турнир „ Влатко Марковиќ “, нашата репрезентација ќе го игра утре против домаќинот, селекцијата на Хрватска во Карловац, со почеток од 12:15.
Спорт
Македонската гордост блесна на USA Open

На едно од најголемите интернационални карате натпреварувања што некогаш се одржале во САД – УСА Опен 2025, со над 2600 натпреварувачи од 40 земји, македонското знаме се развиори високо, благодарение на тимот на Miloshevski Martial Arts.
Нашата млада надеж Бони освои бронзен медал на Интернационалниот јуниорски куп, што претставува огромен успех за тимот и историски прв настап на глобалната сцена. Девојките, Меган и Сиена, им требаше и малку среќа за да се закитат со медали ама дадоа сè од себе, настапувајќи со срце и гордост – на што сум исклучително горд како нивни сенсеи.
– Во сениорската категорија, по години на предизвици, повреди и тивка, неуморна подготовка, нашиот карате амбасадор, Дејан Милошевски, реши повторно да застане на татамито. Со работа во тишина и со сон во срцето, успеа да го освои златниот медал во дисциплината кати за сите стилови.
Ова злато не е само медал – тоа е приказна за истрајност, вера и љубов кон спортот и татковината. По бронзите во 2018 и 2021 година, како и златото во дисциплината кати – шотокан, оваа победа е симбол на тоа дека кога не се откажуваш, успесите се само прашање на време.
Покрај натпреварувањето, имав чест да бидам дел и од судискиот тим, работејќи три дена без пауза и учествувајќи во селекцијата на тимот за државното првенство што ќе се одржи во јули. На овој настан добив признанија и честитки лично од Претседателот на Американската карате федерација, како и од многу тренери, судии и натпреварувачи кои ја препознаа мојата одлична форма и успехот во изведувањето на катите.
Во овој свет каде зборовите лесно се изговараат, јас верувам дека вистинската почит се добива со дела, а не со приказни.
Овој успех го посветувам на сите Македонци во САД и ширум светот, зашто мојата мисија како сенсеи не е само да тренирам натпреварувачи, туку да бидам **глас на Македонија**, амбасадор на македонската култура, дух и истрајност.
Историјата се повторува, но само за оние што секој ден ја надградуваат со својата работа, визија и љубов кон корените.
/ПР
Спорт
(ФОТО) Денес кичевските ривали „ФК Кичево“ и „ФК Напредок“ одиграа одличен меч од регионалната лига

Во рамки на денешниот ден во Кичево се одигра редовно коло од регионалната пелагониска-езерска лига 2010/2011 каде се сретнаа кичевските екипи на „ФК Кичево“ и „ФК Напредок“. Мечот заврши во полза на домаќините со резултат од 2:1. Стрелци на головите беа Борис Матески 25′, 70′ и Стефан Данилоски 80′.
Игор Николаевски – тренер на „ФК Кичево“: Рутинска победа на нашата екипа, натпревар во кој пропуштивме многу шанси за гол, дел беа по заслуга на гостинскиот голман кој одлично го бранеше својот гол. Им честитам на моите фубалери и на играчите на „ФК Напредок“ за фер и коректната игра. Продолжуваме во уште појако темпо до крај на сезоната.
– Ново-печениот репрезентативец Борис Матески доминираше на теренот, постигнувајќи два погодоци, а шанса дополнително за игра добија и момчињата од генерација 2012 кои во право светло ја искористија минутажата дадена од тренерот – се вели во соопштението за медиумскиот покровител.
Фото-галерија во продолжение од денешниот меч:
Спорт
ФФМ со експресно соопштение ја извести јавноста во врска со случајот ФК Гостивар

На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и организирано напуштање на теренот од страна на екипата на ФК Гостивар.
ФК Гостивар грубо ја изневерија фудбалската јавност и фер-плејот.
Наместо спортски да се борат до последниот свиреж, ФК Гостивар реши да избега од реалноста и вината за својата очајна постапка да ја префрли врз судиите.
Вистината е документирана: во официјалниот записник е наведено дека уште предвреме претставник на ФК Гостивар ги известил судиите дека екипата ќе се повлече доколку резултатот не биде во нивна корист, истакнаа за јавноста од ФФМ, во продолжение погледнете го целото соопштение на официјалниот натпис ТУКА
-
Хороскоп2 дена
Хороскоп за понеделник (28 април)
-
Хороскоп21 час
Хороскоп за вторник (29 април)
-
Спорт4 часа
(ФОТО) Денес кичевските ривали „ФК Кичево“ и „ФК Напредок“ одиграа одличен меч од регионалната лига
-
Македонија1 ден
Од ноќеска поскапуваат нафтените деривати, ова е новата цена!
-
Спорт2 дена
ФФМ со експресно соопштение ја извести јавноста во врска со случајот ФК Гостивар
-
Скопје2 дена
СВР Скопје изрече 96 санкции, 41 од нив биле за возење со брзина поголема од дозволената
-
Магазин1 ден
„Сите за Кочани – Трчаме заедно!“ – „Денот на Европа“ со хуманитарна трка во седум македонски градови, наменета за погодените од трагедијата во Кочани
-
Занимливости1 ден
Светскиот гигант „Google“ ќе ги враќа вработените во своите канцеларии, работењето од дома ќе стане минато