Во „Куќа на фудбалот“ со извлекување беа одредени 1/8 парови во Купот на Македонија. Актуелниот освојувач на Купот на Македонија, екипата на Силекс ќе игра против струмичка Беласица. Во локално дерби, Вардар ќе го пречека тимот на Скопје, додека Шкендија ќе игра против Ренова. 

СТРУГА ТРИМ ЉУМ – БОРЕЦ 1919

АКАДЕМИЈА ПАНДЕВ – МАКЕДОНИЈА Ѓ.П.

ШКЕНДИЈА – РЕНОВА

ВАРДАР – СКОПЈЕ

БРЕГАЛНИЦА – ОХРИД ЛИХНИДОС

БЕЛАСИЦА – СИЛЕКС

ПЕЛИСТЕР – РАБОТНИЧКИ

ШКУПИ 1927 – ТИКВЕШ 1930

Еден натпревар одлучува за место на екипите во 1/4 финалето од Купот на Македонија. Натпреварите од 1/8 финалната фаза ќе се одиграат на 20. октомври 2021. со почеток  во 14:00 часот. 

Европската фудбалска унија (УЕФА) ја отфрли тужбата против Реал Мадрид, Барселона и Јувентус, три клуба кои се уште се во проектот за Суперлига на Европа.

Судот во Мадрид донесе одлука УЕФА да ја прекине постапката против трите клуба, а европската фудбалска организација одлучи да го стори тоа во понеделникот.

По одложувањето на судењето против Барселона, Јувентус и Реал Мадрид, поврзано со евентуално кршење на правилата на УЕФА во врска со таканаречената „Супер лига“, жалбеното тело на Европската фудбалска унија ја отфрли тужбата, се наведува во објавувањето.

Доколку клубовите повторно се обидат да го започнат проектот за Супер лига, УЕФА повторно ќе ја активира тужбата.

Извор: Dnevnik
Фото: Unsplash

Македонската репрезентација до 21 година на 7. октомври против Фарски Острови во Клаксвик и на 12. октомври против Ерманија во Ереван ги продолжува квалификациските натпревари за пласман на Европското првенство 2023 година. Селекторот на младата репрезентација, Драги Канатларовски за двете гостински пресметки ќе смета на следните фудбалери:

Голмани: Давид Денковски (Брегалница 2008), Марко Алчевски (Академија Пандев), Дамјан Серафимив (Кадино);

Одбрана: Филип Антовски (Австрија Виена, Австрија), Блертон Шеји (Шкупи), Бесир Исени (Струга Трим Љум), Марио Младеновски (Македонија Ѓ.П.), Александар Ѓурковски (Тиквеш 1930), Адриан Хајдари (Рапид Виена, Австрија), Ѓорѓе Јанкулов (Борец), Јован Манев (Брегалница);

Средина: Бесник Ферати (Академија Пандев), Енис Фазлагиќ (Жилина, Словачка), Али Адем (Шкупи), Томче Гроздановски (Дуго Поље, Хрватска), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Емир Скендери (Струга Трим Љум), Методи Максимов (Работнички), Лука Трајковски (Борец);

Напад: Давид Тошевски (Горник, Полска) Марко Ѓорѓиевски (Шкупи), Марио Илиевски (Септември Софија, Бугарија);

Драги Канатларовски – селектор на Македонија до 21 година:

–  „За овие два квалификациски натпревари едноставно сме принудени да правиме промени во тимот. Се соочуваме со проблеми бидејќи отсуствуваат неколкумина стандардни фудбалери. Метју Божиновски и Стефан Чолаковски поради задолжителниот карантин во Австралија не се во можност да патуваат. Агон Елези поради повреда на коленото ќе биде надвор од тренажен процес во периодот што следува, а исто така поради повреда неизвесен е настапот, посебно за првиот натпревар на Енис Фазлагиќ“.

–  „Отсуството на четворица стандардни првотимци реално е проблем за нас, но мораме да се соочиме со ситуацијата. Одиме на победа на двата натпревари. Извлековме многу позитивни работи од дуелите со фаворитите во групата, Франција и Србија и се надевам дека резултатски ќе минеме многу подобро на октомвриските мечеви. Фарски Oстрови со нерешениот резултат против Франција потврди дека е сериозна селекција, играат тимски, со многу борба и трчање во текот на сите 90. минути, но верувам дека ние ќе бидеме на максимално ниво и од нас ќе зависи победата на мечот“.

Македонија до 21 година на воведните два натпревари од тековните квалификации освои бод против Србија на домашен терен, а загуби од фаворитот во групата Франција на отворањето од циклусот квалификации за ЕП 2023.

Собирот на репрезентацијата е закажан за 3. октомври во хотел „Александар Палас“ во Скопје.