Автомобили
Rimac најавува нов хиперавтомобил Bugatti со SUS мотор?
Rimac ветува дека ќе бидеме „изненадени“ од новиот хиперавтомобил, кој ќе има невидени карактеристики на сериски автомобил.
Уште во август 2021 година, на неделата на автомобили во Монтереј, Мате Римац зборуваше за плановите за нов хиперавтомобил. Тогаш не навлегуваше во детали, само рече дека целосно нов модел е во развој и дека би можел да пристигне во 2024 година.
Според Motor1, сега овој извршен директор на новооснованата компанија Bugatti Rimac откри неколку работи за новиот модел. 33-годишниот хрватски претприемач вети дека се уште има иднина за стариот мотор со внатрешно согорување. Тој ветува дека ќе бидеме „изненадени“ од новиот хиперавтомобил кој ќе има невидени карактеристики на сериски автомобил.
„И јас сум за мотор со внатрешно согорување. Од оваа изјава произлегува едно прашање – дали наследникот на Chiron ќе го задржи моќниот W16 мотор? Ако Lamborghini може да го одржи жив V12 за наследник на Aventador, можеме само да се надеваме дека Bugatti ќе стори сé за 8.0-литарскиот мотор да ги исполнува построгите прописи за емисија на издувни гасови.
Се разбира, задржувањето на SUS моторот не значи дека следниот Bugatti ќе избегне електрификација. Масивен W16 мотор во центарот на хибридната поставка би создал лудо моќен (и тежок) автомобил имајќи предвид дека Super Sport 300+ веќе има неверојатни 1.577 КС, пишува порталот Autoblog.
Врз основа на претходните изјави, Мате Римац е со отворен ум за иднината на Bugatti. Минатата година тој рече дека може „да направи нешто лудо“ или „нешто сосема лудо за што никој не размислува“. Се смета за купе со долга хауба или дури и SUV, додека чисто електричен автомобил што ја користи технологијата на Nevera веројатно е прашање кога, а не дали.
Сепак, Bugatti Rimac вети дека ќе вложи многу напор за потенцијално EV наместо едноставно да го смени името на Nevera.
/Autoblog.rs/
Автомобили
(ВИДЕО) „Tuning Car Show“ во Прилеп доби нова димензија со видеата на тимот од „Autodonia“
Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври традиционално се одржа и овогоднинешното издание под покровителство на Општина Прилеп и останатите спонзори.
Вообичаено забележителни се многу видеографи, доста компании кои овој настан знаат и умеат да го пренесат, но токму нас, впечатлив пренос на овој настан ни остави „Autodonia“. Неуморните дечки на чело со Nenad Kaevik. Дечкото е специјализиран за изработка на визуелно импресивни и високо функционални дигитални решенија. Вистински љубеник на автомобилизмот кој успева на секој битен настан да биде прв.
Во оваа прилика од нашиот медиум упатуваме честитка за успешна работа, а вие не чекате уште веднаш посетете го неговиот бизнис инстаграм профил ТУКА – верувајте има што да видите, за повеќе информации за неговата работа и портфолио погледнете ТУКА
Промо видео од „Tuning Car Show“ – Прилеп:
Автомобили
Volvo го прекинува производството на моделот V90 — последниот примерок оди во музеј
По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.
Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.
Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.
Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.
Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.
Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.
Извор: BUG
Автомобили
(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври
Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)
Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.
И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!
Мал дел фотографии:
-
Хороскоп2 денаХороскоп за среда (29 октомври)
-
Хороскоп15 часаХороскоп за четврток (30 октомври)
-
Македонија1 денМВР: Кривична пријава против поранешен директор, заменик директор и вработени во Агенцијата за храна и ветеринарство за „проневера во службата“
-
Македонија1 денДополнете гориво, ноќеска дизелот солидно поскапува, додека бензините остануваат со непроменета цена за литар
-
Временска прогноза1 денНа утро ладно, но врнежи од дожд во почетокот на месец ноември нема да имаме, вели Попоски
-
Спорт24 часаВисоки признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
-
Скопје1 денСкопје: Поради протест на вработени во „ЈП Паркови и Зеленило“ затворен сообраќај во два правци
-
Спорт16 часаЈувентус сигурен против Торино, Влаховиќ го отвори резултатот уште во петтата минута од натпреварот










