Автомобили
ROLS-ROYCE ВЛЕГУВА НА ПАЗАРОТ НА ЕЛЕКТРИЧНА ЕНЕРГИЈА Се чека одобрение за изградба на мини нуклеарен реактор

Rols-Royce сака да изгради мал модуларен нуклеарен реактор (SMR) и очекува одобрение од британските регулатори до средината на 2024 година, што ќе му овозможи да произведува електрична енергија до 2029 година.
Ова за Ројтерс го потврди Пол Стајн, извршен директор на Rolls-Royce Small Modular Reactors.
Британската влада побара од својот нуклеарен регулатор да го започне процесот на одобрување во март, откако во ноември го поддржа планот за финансирање на Rols-Royce вреден 546 милиони долари за развој на првиот SMR реактор во земјата, објави Investitor.me.
Креаторите на политиката се надеваат дека SMR ќе помогне да се намали зависноста од фосилни горива и да се намалат емисиите.
Стајн рече дека регулаторниот процес е започнат и најверојатно ќе биде завршен кон средината на 2024 година.
„Се обидуваме да работиме со владата на ОК и другите за да почнеме да нарачуваме и добиваме електрична енергија до 2029 година“, додаде Стајн во онлајн интервју за британската агенција.
Секоја единица SMR од 470 мегавати (MW) чини 2,34 милијарди долари и ќе биде изградена на 10 хектари земјиште, со големина на околу 10 фудбалски игралишта.
За разлика од традиционалните реактори, SMR се поевтини и побрзи за изградба и можат да се инсталираат на бродови и авиони. Нивниот модуларен формат значи дека тие можат да бидат испорачани во контејнери од фабриката и релативно брзо инсталирани на која било предложена локација.
/blic.rs/
Автомобили
Генијален трик за заштеда на гориво: Сè зависи од едно копче во автомобилот

Во деновите кога температурите достигнуваат и над 40 степени, клима уредите во автомобилите работат со полна моќност. Ова, за жал, значи и значително зголемување на потрошувачката на гориво, што се одразува на вашиот буџет.
Но, постои едноставен и генијален трик кој може да ви помогне да заштедите гориво додека уживате во пријатно разладена кабина.
Клучот е во рециркулацијата на воздухот – еве како функционира
Клима уредот во автомобилот може да лади на два начина: внесувајќи воздух однадвор или рециркулирајќи го воздухот кој веќе е во кабината. Кога климата зема топол воздух однадвор, троши повеќе енергија за да го излади. Од друга страна, со рециркулација, системот го користи веќе изладениот воздух, што значи дека се потребни многу помалку ресурси за одржување на пријатна температура.
Рециркулацијата заштедува гориво до 15%
Со притискање на копчето за рециркулација на воздухот, климата работи поефикасно, бидејќи воздухот во кабината е веќе постуден. Ова може да ја намали потрошувачката на гориво за 10 до 15 проценти, што значи реална заштеда на месечно ниво.
Совет од експертите е оваа функција да ја активирате веднаш штом ќе влезете во автомобилот, особено во најжешките делови од денот. На подолги патувања повремено вклучете свеж воздух однадвор за подобра циркулација, но најголем дел од времето оставете ја рециркулацијата вклучена.
Извор: Telegraf
Автомобили
Најдобрите и најлошите автомобили за 2025 според корисниците

Работата на моторот, квалитетот на системот, дизајнот на ентериерот и карактеристиките на возилото се само дел од аспектите кои ги оценија сопствениците на новите сериски автомобили од 2025 година. Истражувањето за почетниот квалитет на возилата откри кои модели се најдобри, а кои најчесто разочараа.
Модерните автомобили – повеќе од превоз
Денес автомобилите не се купуваат само поради моторот, перформансите или цената. Тие се симбол на статус, исполнување на соништата и награда за успехот. Но и покрај тоа што од новите автомобили се очекува беспрекорно функционирање, истражувањето на JD Power покажа дека дефекти се појавуваат уште во првите месеци од користење.
Автомобилите со највисок квалитет
• На врвот е Lexus – 166 дефекти на 100 возила.
• Следи Nissan – 169 дефекти.
• Во топ 5 се и Hyundai (173 дефекти), Jaguar (175 дефекти) и Chevrolet (178 дефекти).
J.D. Power released its annual Initial Quality Study brand ranking today, and I’m going to present it to you without comment. pic.twitter.com/OeRciJHv8H
— Zerin Dube (@SpeedSportLife) June 26, 2025
Интересно, германските марки, кои важат за најсигурни, не се најдоа на врвот.
Просекот и годинава подобрен
Во истражувањето учествувале 92.694 испитаници од САД и Европа. Просекот за возилата од 2025 година е 192 дефекти на 100 автомобили, што е подобрување во однос на лани (194 дефекти). Блиску до просекот се Porsche (188 дефекти) и Ford (193 дефекти).
Германските автомобили под очекувањата
• BMW – 196 дефекти (најдобар меѓу „германците“).
• Mercedes – 210 дефекти.
• Audi – на дното со 269 дефекти на 100 возила.
Овие резултати изненадија многумина кои германските автомобили ги сметаат за синоним за квалитет.
Автомобили
Дали би направиле место за резервно тркало?

Сè почесто се поставува прашањето: зошто новите автомобили речиси и да немаат резервно тркало и дали треба да се вратиме на старата добра навика да го носиме во багажникот?
Производителите на автомобили се одлучуваат да го отстранат резервното тркало за да заштедат простор и трошоци. Ова, секако, често разочарува кога ќе се најдете со дупната гума, а комплетот за поправка не помага.
Дупната гума – стара мака во ново време
Нема ништо полошо од тоа да дупнете гума токму кога брзате. Без разлика дали сте пред куќа или на автопат среде ноќ, проблемот е ист. Иако живееме во 2025 година, ваквите ситуации не исчезнаа.
Еден сопственик на Tesla го сподели своето искуство на Reddit, откако неколкупати за кратко време му дупнаа гумите. Откако сфати дека комплетот за поправка е практично за еднократна употреба, реши да носи вистинско резервно тркало во багажникот. Иако му одзема простор, мирот и сигурноста му се поважни.
Зошто резервните тркала исчезнаа?
Сè повеќе производители се решаваат да понудат само комплети за поправка – шише со заптивна смеса и мал компресор. Тие заштедуваат тежина и простор, но се ефикасни само во ограничени ситуации.
• Ако дупката е преголема, смесата не помага.
• Ако оштетувањето е на страничниот ѕид на гумата, решенија нема.
• Ако гумата се одвои од бандажот – заборавете.
Без резервно тркало, многумина мораат да чекаат влечна служба, наместо за неколку минути повторно да бидат на пат.
Дали вреди да се жртвува просторот?
Од друга страна, возењето без резервно тркало носи предности:
• помалку тежина
• повеќе простор
• побрзо решение, ако заптивната смеса заврши работа
Па што велите вие? Би оставиле дел од багажникот за резервно тркало или се чувствувате безбедно со комплет за поправка и услуга за влечење?
Споделете го вашето мислење – дали некогаш немањето резервна гума ви донело нервози или непланирани трошоци?
Извор: B92
-
Временска прогноза2 дена
Сепак следува промена на времето во Македонија, ова се метео информациите според Попоски
-
Хороскоп1 ден
Хороскоп за сабота (5 јули)
-
Спорт2 дена
Во недела започнува традиционалниот турнир во мал фудбал во с.Староец кичевско
-
Скопје10 часа
Лишен од слобода „бајач“ од скопско, измамил брачен пар од Берово за 400.000 евра, сè претставувал истерувач на духови и магии
-
Автомобили2 дена
Генијален трик за заштеда на гориво: Сè зависи од едно копче во автомобилот
-
Lifestyle2 дена
Цезар салата: Диететска, заситувачка и вкусна – нема да бидете гладни со часови
-
Временска прогноза18 часа
Денес многу топло, додека утре краткотрајна дестабилизација и услови за дожд
-
Хороскоп2 часа
Хороскоп за недела (6 јули)