Кичево
(ФОТО) Рурална Коалиција во Кичево го одржа завршниот настан каде го презентираше сработеното за унапредување на родовата еднаквост

Рурална Коалиција го одржа завршниот настан во рамките на проектот „Со европско знаење до подобрена родова еднаквост во локалната заедница“ каде што беа презентирани резултатите од 15-месечната работа на процесите за унапредување на родовата еднаквост во локалната заедница во вкупно 6 пилот општини: Кичево, Пласница, Гостивар, Врапчиште, Прилеп и Кривогаштани.
Низ проектните активности имавме можност од блиску да се запознаеме со работата на Комисиите за еднакви можности, но и да утврдиме колку блиску или колку далеку се општините од ЕУ интеграциските процеси кога говориме за родовата еднаквост и нејзиното практикување во локалната заедница. Изработивме родова анализа на шесте општини вклучени во проектот, направивме родови карти, како и 6 мониторинг извештаи за работата на општините и Комисиите за еднакви можности од кои што може да се заклучи дека:
- Oпштините се уште недоволно сериозно ја сфаќаат и работат на темата на родова еднаквост;
- Буџетот е речиси 0 или пак сосема минимални средства за реализација на активности поврзани со практикувањето на родовата еднаквост и рамноправност во заедницата;
- Жените ги нема во процесите на донесување на одлуки во месните заедници, ретко се јавуваат како раководителки на сектори или одделенија во општините, а во Советите на општините се застапени исклучиво исполнувајќи го законскиот минимум од 30%.
Комисиите за еднакви можности не изработуваат програми за родова еднаквост, не одржуваат редовни седници, а координаторите за еднакви можности се лица кои што по систематизација се вработени на други работни места, па задолженијата во делот на родовата еднаквост им се дополнителни обврски.
За ЕУ интеграциските процеси и колку родовата еднаквост е важна како предуслов за напредокот на нашата земја на патот кон ЕУ познавањата се минимални и во општините речиси и воопшто не се сфаќа сериозно нужната потреба од работа на унапредувањето на родовата еднаквост на локално ниво. Она што е клучно да се преземе во периодот кој што ни следува е едукација и јакнење на свеста за практикувањето на родовата еднаквост и рамноправност како кај локалното население, така и кај членовите на Комисиите за еднакви можности и членовите на Советите на општините, редовна изработка на годишни програми за родова еднаквост со буџетски алокации, како и редовна изработка на годишните извештаи за унапредување на еднаквите можности на жените и мажите до Министерството за труд и социјална политика кои што во половина од општините сега не се исполнуваат иако се законска обврска согласно Законот за еднакви можности, како и создавање на институционална меморија за работењето на комисиите, но и воведување на родово-одговорното буџетирање како алатка за креирање на локалните политики.
Зголемувањето на партиципацијата на жените во локалните процеси на донесување на одлуки, како и унапредувањето на транспарентноста и отчетноста на работењето на Комисиите за еднакви можности се исто така дел од клучните препораки кои што ние успеавме да ги извлечеме од имплементацијата на проектот.
Сите материјали и едукативни видеа кои што произлегоа како продукти од проектот се достапни на веб страницата на Рурална Коалиција во делот публикации на официјалниот линк ТУКА
Проектот „Со европско знаење за подобрена родова еднаквост во локалната заедница“ имплементиран од Рурална Коалиција е поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“. Акцијата е финансирана од Европската Унија и кофинансирана од Шведска.
Ова соопштение е создадено со финансиска поддршка на Европската Унија, ко-финансирано од Шведска. Содржината е единствена одговорност на Рурална Коалиција и не ги одразува ставовите на Европската Унија или Шведска, за медиумите истакнаа од Рурална Коалиција.
Во прилог галерија од настанот:
Кичево
Денес се навршуваат 80 години од првото македонско училиште во с.Подвис – кичевско

На денешен ден пред точно 80 години (23-ти септември) 1943 г. во кичевското село Подвис започнало да работи првото училиште на македонски јазик на ослободена територија.
Денес е останата само урнатина, зарастена во трње и грмушки, а дотаму не може да се стигне со возило, иако оваа зграда е оддалечена само еден километар од магистралниот пат Кичево – Охрид
Да не се заборави ова значајно историско место, иако за негова ревитализација одамна културолошки е надвор од плановите на било која гарнитура.
Од тука произлага легендарната:
“Деца, отсега натаму ќе си учите на вашиот мајчин македонски јазик .
И ќе си се поздравуваме на македонски јазик!”
ВАСИЛКО РИСТЕСКИ с.Подвис, кичевско, 23 септември 1943 година.
Кичево
(ФОТО) Најмилите дечиња од градинката „Олга Мицеска“ денес во Кичево по повод „Светскиот ден без автомобили“ дефилираа со „тротинети“

Денес 22-ри септември во еко-календарот е „Светскиот ден без автомобили“, покрај тоа што е гласник и почеток на есента, важно е да се каже дека автомобилите се најголемите загадувачи на воздухот и тие испуштаат чад што е многу штетен за здравјето на луѓето и за целата природа.
Традиционално по тој повод најмилите дечиња од градинката „Олга Мицеска“ облечени во бели маички и капчиња, заедно со клонови групи од 5 до 6 годинки во голем број продефилираа низ кичевските улици со „тротинети“ украсени со најразлични пораки со кои уште еднаш ги потсетија учесниците во сообраќај за важноста на овој ден.
На покана од градинката овој настан го проследивме со големо внимание и истиот Ви го пренесуваме преку фотографија, доколку истата сакате да ја имате, пишете ни на нашата официјална фејсбук фан страна.
Кичево
(ГАЛЕРИЈА) Манастир „Св.Богородица – Пречиста“ во Кичево вчера и денес посетен од рекорден број на верници по повод празникот „Рождество на Мајката Божја“

Започнувајќи со традиционалната празнична богослужба вчера вечер и денес се разбира, кичевскиот манастир „Св.Богородица – Пречиста“ беше посетен од рекорден број на верници, како предвесник на денешниот патрон празник Рождество на Мајката Божја, или кај народот позната како „Мала Богородица“.
Исто така вчерашниот ден беше посебен бидејќи една од искушеничките се замонаши и го доби своето монашко име „Теодосија“, додека денес Манастирскиот кум Горан Стојкоски послужи манастирски ручек и во исто време изврши примопредавање на кумството до новиот кум.
Неколку фотографии преку нашиот објектив, кој го одбележаа овој прекрасен ден
За многу години!
-
Хороскоп2 дена
Хороскоп за сабота (30 септември)
-
Хороскоп16 часа
Месечен Хороскоп (октомври 2023)
-
Временска прогноза2 дена
Месец октомври без дожд, но со посвежи утра, вообичаени за есенскиот дел од годината
-
Скопје1 ден
Посебен режим на сообраќај во недела во град Скопје поради одржување на „Скопски маратон 2023“
-
Македонија1 ден
(ФОТО) Превентивни активности на МВР за безбедна ловна сезона, заштита од пожари и безбедност во сообраќајот
-
Спорт2 дена
Извлечени паровите за воведното коло на новата натпреварувачка сезона во футсал
-
Спорт2 дена
(ВИДЕО) Барселона ја совлада Севиља благодарение на автоголот на Рамоз и се врати на првото место во Примера
-
На денешен ден2 дена
На денешен ден – 30 септември