Денес 14.10.2023 во с.Кленоец кичевско мештаните и граѓаните на град Кичево присуствуваа на еден убав настан во храмот „Успение на Пресвета Богородица“ кој со градба е започнат во 1911 година, додека истиот бил завршен во далечната 1917 год. Неговото осветување во историјата на ова прекрасно село е запишано во 1924 година.

За неговата автентична градба се погрижиле самите мештани од с.Кленоец, како и за негова реобнова и секојдневно одржување. Карактеристично за ова место е исто така дека како прв питроп на црквата низ историјата се забележува член од фамилијата Наумоски.

Денес исто така свештените лица од кичевската парохија чествувајќи го споменот на чудото на Пресвета Богородица во Влахерна, отслужија Света божествена Литургија која е за првпат по период од околу 50 години на ова место.

Нека Пресветата, Пречиста, Преблагословена, Славна Владичица наша Богородица нѐ заштити под својот покров во овие немирни времиња и го запази овој град, селото и цела наша држава Македонија од сите непријатности, а нас да нѐ обедини и да нѐ спаси по нејзините молитви.