Магазин
Samsung потврди дека Galaxy AI доаѓа на Z Fold6 и Z Flip6

Samsung денес го потврди воведувањето на технологијата Galaxy AI во својата нова генерација на преклопливи уреди, поточно во моделите Galaxy Z Fold6 и Galaxy Z Flip6. Се очекува овие уреди официјално да бидат претставени на почетокот на јули.
Вон-Џун Чои, извршен потпретседател на Samsung и раководител за истражување и развој на мобилни телефони, на веб-страницата на Samsung ги објави плановите на компанијата за понатамошно оптимизирање на искуството со Galaxy AI за претстојните преклопливи уреди.
[Editorial] Human-Centric, Hybrid AI Opens Up New Possibilitieshttps://t.co/0GGgVTxMzQ
— Samsung Electronics (@Samsung) June 7, 2024
„Воведувањето на Galaxy AI во серијата Galaxy S24 беше само првиот чекор. За да обезбедиме целосно ново и уникатно искуство со вештачка интелигенција, ќе продолжиме да ја оптимизираме Galaxy AI за нашите уреди што се преклопуваат. Нашите телефони што се преклопуваат се најразновидните и најфлексибилните уреди во линијата Samsung Galaxy, а во комбинација со Galaxy AI ќе отвори нови можности“.
Samsung исто така планира да го прошири искуството со Galaxy AI низ целиот екосистем на Galaxy. „Како што напредува ерата на мобилна вештачка интелигенција, Samsung ги забрзува иновациите во мобилната вештачка интелигенција за да ги задоволи потребите не само на денешницата, туку и на иднината“.
Хибриден пристап со вештачка интелигенција и проширување на одликата за вештачка интелигенција за преведување во живо
Покрај тоа, Samsung сака да го подобри искуството на мобилните уреди со примена на хибриден пристап кон вештачката интелигенција. Тврди дека овој пристап на корисниците им го нуди најдоброто од двата света: брз одговор и дополнителна безбедност обезбедена од вештачката интелигенција на самиот уред, со флексибилност и разновидност овозможени од вештачката интелигенција базирана на cloud.
Samsung планира да ја прошири својата функција Live Translate AI за да работи со апликации за пораки од трети страни и да поддржува гласовни повици во тие апликации. Ова значи дека корисниците ќе можат да користат Live Translate за автоматски да преведуваат разговори во реално време додека остваруваат гласовни повици преку апликации како WhatsApp, Viber, Messenger и други.
На овој начин корисниците ќе можат да разговараат со луѓе кои зборуваат различни јазици, а технологијата на Samsung ќе ги преведува разговорите за да ја направи комуникацијата поедноставна и појасна. Таа функционалност ќе биде интегрирана во технологијата за вештачка интелигенција на уредот, овозможувајќи им на корисниците да ја користат без да се грижат за приватноста и да споделуваат лични податоци надвор од нивниот телефон.
/index
Храна
Совет од експерти: Како правилно да складирате компири во текот на есента

Есента е сезона на вкусни, топли јадења – чорби, супи, печено месо и разни гарнитури – а компирите се неизбежна состојка во речиси секој од нив. Сепак, многу луѓе несвесно прават грешка кога ги оставаат компирите на кујнскиот пулт, не знаејќи дека тоа може значително да го забрза нивното расипување.
Кујните се често влажни и топли средини, а токму влагата и светлината го поттикнуваат процесот на гниење и ’ртење на компирите. Според експертите од компанијата „Алберт Бартлет“, најдобар начин за да ги зачувате компирите свежи подолго време е да ги чувате во фрижидер.
Иако долго време се сметаше дека ниските температури во фрижидерот го претвораат скробот во шеќер – што може да влијае на вкусот при готвење – новите истражувања ја побиваат оваа теорија. Според најновите упатства од Агенцијата за стандарди за храна (FSA), чувањето компири во фрижидер не го зголемува ризикот од создавање штетни материи како акриламидот.
Во ладна и сува средина, компирите може да останат свежи и до три недели. Сепак, доколку немате место во фрижидерот, можете да ги чувате и надвор од него – важно е просторијата да биде ладна, темна и без влага. Најпогодни места се оставата, подрумот или затворените кујнски ормари подалеку од прозорците и изворите на топлина.
Избегнувајте да ги чувате компирите под мијалникот или покрај шпоретот, бидејќи тоа се највлажните делови во кујната, каде што се создаваат идеални услови за брзо расипување. Исто така, изложеноста на светлина може да предизвика создавање хлорофил, што ги прави компирите зелени и потенцијално токсични за јадење.
Со правилно складирање, не само што ќе ја задржите свежината на компирите, туку и ќе го намалите отпадот од храна, ќе заштедите пари и секогаш ќе имате подготвена состојка за вашите омилени есенски јадења.
Извор: RadioSA
Магазин
Instagram тестира нов изглед на апликацијата со нови табови за Reels и пораки

Instagram започна тестирање на нов изглед на својата апликација, кој веќе е достапен за дел од корисниците. Промената засега е опционална, но се спроведува во согласност со новите приоритети на компанијата Meta, која е сопственик на платформата.
Новата лента со менија во апликацијата има изменет распоред на табовите и донесува посебни јазичиња за Reels и директни пораки (DM) — две од најпопуларните функции на Instagram. Целта на ова редизајнирање е да се олесни пристапот до функциите што корисниците ги користат најчесто и да се направи искуството поинтуитивно.
Според информациите, оние што се вклучени во тестирањето ќе забележат дека досегашните табови — Home (фид), Search (пребарување), Create (нова објава), Reels и Profile (профил) — се заменети со нов распоред. Наместо досегашното копче за пребарување и Reels, се додаваат нови табови за Reels и DM, а копчето за создавање објава добива нова позиција. Дополнително, новиот дизајн овозможува лизгање меѓу табовите, што го прави навигацискиот дел уште пофлуиден.
Шефот на Instagram, Адам Мосери, изјави дека корисниците ќе имаат можност сами да изберат дали сакаат да го активираат новиот изглед или да останат на стариот. Тој додаде дека е потребно извесно време за публиката да се навикне на редизајнот, па затоа променава ќе се воведува постепено, со цел да се соберат повратни информации и да се направат дополнителни подобрувања.
Instagram продолжува со постојани тестирања на нови визуелни и функционални решенија, а ова ажурирање е дел од стратегијата на Meta за подобрување на корисничкото искуство и интерактивноста во апликацијата.
Извор: PCPress
Хороскоп
Хороскоп за среда (15 октомври)

ОВЕН
Оние од вас кои планираат пократко патување денес можеби ќе бидат задоволни, особено ако се работи за семејна посета. Не дозволувајте парите премногу брзо да излезат од контрола, обидете се максимално да ги контролирате вашите трошоци, како и вашите навики поврзани со секојдневниот шопинг. Нема да ја спасите ситуацијата ако понудите пари, наместо тоа да понудите време.
БИК
Разговарајте со оние луѓе кои имаат искуство во нешто поврзано со инвестиции, медицина или право. Информациите што ќе ги соберете денес ќе ви помогнат да се ослободите од стресот и да решите добар дел од проблемите со одење на патот. Љубовната врска ќе страда ако не и покажете на другата страна колку ја цените. Потрудете се и бидете благодарни денес.
БЛИЗНАЦИ
Обидете се да им посветите целосно внимание на вашите најблиски, особено ако тие започнат разговор за нешто што не ви изгледа интересно, но претставува нешто важно за другата страна. Доколку во последно време сте биле под преголем стрес, испланирајте попладне во природа или барем во друштво на драги пријатели. Ќе добиете совет од членовите на семејството.
РАК
Врската со личност што ја сакате и мислевте дека можете да и верувате, веројатно ќе биде главен извор на фрустрација денес. Колку и да сте разочарани, не се вклучувајте премногу во анализата бидејќи само ќе губите време. Не потпирајте се на други и не давајте ветувања кои не сте сигурни дека ќе можете или ќе сакате да ги исполните подоцна.
ЛАВ
Внимавајте што зборувате денес. Ако претерате со критиките или со толкувањето на неодамнешните негативни настани, може да започнете војна или да извадите на површина проблеми кои подоцна ќе ве доведат во непријатна положба. Во љубовта ќе ви биде тешко да ги контролирате емоциите што може да ве доведе до емоционални проблеми.
ДЕВИЦА
Слободно дружете се и забавувајте се, но обидете се да посветите доволно внимание и време на постарите и послабите членови на заедницата. Доколку сте во ново деловно опкружување, покажете како ги почитувате колегите кои имаат поголемо искуство. Во љубовта може да очекувате позитивен развој на ситуацијата откако на прво место ќе го ставите хуморот.
ВАГА
Не дозволувајте денот да ви го уништат луѓе кои сакаат да се чувствувате мали, безначајни или неспособни. Држете се настрана од оние кои се секогаш подготвени за неправедна критика и озборувања од другите. Емоционалните промени ќе се покажат како поволни. Немојте да ги криете или избегнувате луѓето кои се гласни, сакаат да претеруваат со хумор и да се фалат.
ШКОРПИЈА
Ако се чувствувате осамено или фрустрирано, обидете се да поминувате повеќе време во друштво на луѓе со кои секогаш можете да споделувате идеи. Патувањето би било идеално, но ако не сте во позиција да направите нешто такво, обидете се барем да промените нешто во вашата дневна рутина. Не се разочарувајте ако саканата личност не е дарежлива како што очекувавте.
СТРЕЛЕЦ
Не разговарајте премногу за вашите планови за иднината со луѓе на кои им е тешко да разберат што ве мотивира и како функционирате. Ако треба да се доверите некому, изберете блиски пријатели и членови на семејството. Во принцип, денес намалете ги деловните активности, особено ако некој врши притисок и постојано бара информации.
ЈАРЕЦ
Не секој ќе има разбирање за тоа што се обидувате да го направите, затоа обидете се да ги поедноставите работите. Ако видите дека нешто не оди добро, бидете трпеливи и почекајте подобар момент. Патувањето ќе си го земе данокот, најдобро би било да го избегнете. Обидете се да организирате дружење со важната личност со тоа што ќе ги контролирате емоциите, како и времето.
ВОДОЛИЈА
Денес ќе бидете доста емотивни, но во смисла дека лесно ќе се нервирате и најчесто ќе делувате дефанзивно. Не сфаќајте ништо премногу лично, но и не дозволувајте некој да ги извади вашите зборови од контекст или упорно да ве убедува да се карате со трето лице. Претерувањето ќе доведе до проблеми, па дури и до недостаток на поддршка.
РИБИ
Бидете искрени со себе и со оние што ги сакате. За сите останати, слободно постапете поладно и не откривајте што мислите дека не треба. На работа ќе ги изненадите колегите и претпоставените доколку направите повеќе отколку што се очекува. Токму така ќе ги импресионирате оние луѓе кои вообичаено не ве поддржувале во минатото.
-
Lifestyle1 ден
Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher
-
Хроника1 ден
ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“
-
Хороскоп2 дена
Хороскоп за вторник (14 октомври)
-
Спорт2 дена
(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!
-
Хороскоп12 часа
Хороскоп за среда (15 октомври)
-
Спорт2 дена
Македонија одигра „реми“ со Казахстан на „Тодор Проески“, Барди нè спаси од сигурен пораз
-
Временска прогноза13 часа
Доаѓа нов бран на дождови на планините снег, и тоа над 2000 нмв – ова се најновите метео вести
-
Технологија1 ден
Денес по десет години завршуваат безбедносните надградби за „Windows 10“