На 14.04.2025 година во 13 часот, во близина на хотелски комплекс на улицата „Наум Охридски“ во Охрид, полициски службеници од Регионалниот центар за гранични работи „Запад“, приведоа 13 албански државјани кои претходно биле затекнати при изведување градежни активности, без да поседуваат соодветна дозвола за работа.

Од преземените мерки, констатирано е дека тие, на 14.04.2025 година, оствариле легален влез во државата но, не поседувале соодветни одобренија и дозвола за привремен престој по основ на работа, согласно член 80 од Законот за странци.

Тие немале ни сертификати кои биле обврзани да ги поседуваат согласно со предвидените норми за имплементацијата на Законот за ратификација на Договорот за услови за слободен пристап до пазарот на трудот во Западен Балкан.

По целосно документирање на настанот, Регионалниот центар „Запад“, ќе поднесе соодветна пријава, за јавноста информира портпаролот на СВР Охрид, Стефан Димоски

„ТНГ“ за автомобили „плин“ од денес се продава со намалена цена за 2 денари, односно 44 ден/лит.

Имено како што знаеме ова гориво не е под Регулаторна комисија за енергетика, така што истата зависи од малопродажните објекти (бензински станици).

На повеќето малопродажни објекти денес авто-гасот се продава по цена од 44,00 ден/лит, додека во пракса на некои од бензинските станици промената се реализира на полноќ.

Инаку, претходно промена на ова погонско гориво бележиме во месец ноември 2024, каде цената се покачи и истата чинеше 46,00 ден/лит

На 13.04.2025, при контроли во патниот сообраќај извршени на подрачјето на СВР Охрид, полициските службеници затекнале 42 возачи на моторни возила кои, во и надвор од населено место, управувале моторни возила со брзина поголема од дозволената (Охрид-10, Струга-11, Кичево-12, Дебар-09). Против нив, согласно одредбите од Законот за безбедност во патниот сообраќај, поднесени се прекршочни платни налози.

Во наредниот период, контролите во патниот сообраќај ќе бидат интензивирани со цел, подигнување на сообраќајната безбедност и јакнење на сообраќајната култура кај возачите на моторни возила како учесници во сообраќајот, за Порта.мк и медумите известува портпаралот на СВР Охрид, Стефан Димоски