Магазин
Сега можете да поништите праќање порака и на iPhone

iMessage за iPhone доби можност за враќање на испраќањето, како и за уредување пораки – еве како можете и вие да ги користите.
Без разлика дали сте испратиле порака на погрешна личност или сте станале жртва на автоматска корекција, сигурни сме дека сте сакале барем еднаш да избришете или уредите порака во iMessage. Со доаѓањето на iOS 16, можете да го направите тоа, но мора да се грижите за неколку ситници.
Ако сакате да го откажете испраќањето, мора да внимавате да имате само две минути да го сторите тоа по испраќањето. За да избришете порака, само притиснете долго на неа, изберете „Undo Send“ и готово. Ќе видите анимација каде пораката експлодира во куп пиксели, пишува Wired.
Додека другата личност повеќе нема да го гледа текстот, двете страни ќе знаат дека сте ја избришале пораката. Оние кои испратиле порака ќе видат „You unsent a message“. Оние кои ја примиле пораката во меѓувреме ќе видат предупредување што вели „(вашето име во контактите) unsent a message“.
Конечно, имајте предвид дека оваа опција работи само ако двете страни го имаат најновиот оперативен систем. Ако телефонот на примачот има iOS 15 или порано, тоа значи дека бришењето пораки нема да работи. Ако е така, системот ќе ве предупреди дека пораката не е избришана поради разликата во верзиите на системот.
Како да уредите порака?
Ако сакате да уредите порака во iMessage, долго притиснете на неа и изберете „Edit“. После тоа, ќе видите мало поле каде што можете да ја преработите целата порака или да поправите печатна грешка.
Откако ќе завршите, кликнете на сината ознака за проверка на десната страна и изменетата порака ќе се појави во разговорот. Секогаш кога ќе направите нешто такво, ќе видите етикета „Изменето“ или „Edited“, а ако допрете на неа со прстот, ќе ги видите сите ревизии на пораката – по хронолошки редослед.
Како и со unsend, оваа функција работи само ако и двајцата корисници се на iOS 16. Ако некој е на iOS 15, на пример, ќе добие порака „Променето во (содржина на нова порака)“. За крај, внимавајте и уредувањето на пораките да има свој „рок на истекување“, кој во овој случај е 15 минути.
Хороскоп
Хороскоп за четврток (26 јуни)

Овен
Вашата загриженост може негативно да се одрази на ситуацијата на работа бидејќи на колегите им правите притисок без потреба.
Заладување меѓу вас и саканата личност. Тоа може да потрае подолго време, а овој период се јавува и трета личност.
Внимавајте на уринарниот тракт.
Бик
Во работата сте сериозни и посветени максимално. Подготвени сте да направите што е потребно за да ја сочувате добрата состојба на ова поле.
Немојте да очекувате нова врска, бидејќи хороскопот ви е лошо поставен.
Болки во бубрезите.
Близнаци
Работните обврски ве притискаат, а имате и потреба да побегнете на крајот на светот. Пробајте да најдете некаков компромис.
Не сте задоволни со емоционалната ситуација и подготвени сте да го прекинете односот со партнерот.
Проблеми со варењето.
Рак
Денес можете да се опуштите бидејќи конечно немате веќе многу обврски. Посветете се на семејството и пријателите.
Заљубени сте во личност која е подготвена за сериозна врска, можно е да ја најдовте вистинската љубов.
Немате проблеми со здравјето.
Лав
Можете да ги надминете проблемите кои се појавија на полето на работата, но ќе морате да бидете трпеливи и упорни.
Не сте задоволни со брачната состојба, а не сакате ни промени. Неодлучни сте.
Внимавајте на здравјето.
Девица
Можете да очекувате денес да ја потврдите својата позиција на работа.
Во комуникација со саканата личност отворено го покажувате своето незадоволство.
Внимавајте на чувствителните синуси.
Вага
Стабилизацијата на полето на финансии конечно доаѓа. Доаѓа време да ги соберете плодовите од својот труд.
Покрај саканата личност имате се што ви е потребно. Мислите на брак и семејство.
Поволен период за почеток на диета.
Шкорпија
Не е лесен ден за вас бидејќи ве очекуваат проблеми на полето на работата. Ќе ви биде потребно многу смиреност и концентрација.
Доаѓате до своите граници и не сакате да ги преминувате. Можно е да ве очекува прекин на врската.
Проблеми со видот.
Стрелец
Она што планиравте да го направите нема да се оствари денес. Ве следи негативно влијание и сите работи се одвиваат во погрешна насока.
Се сомневате во искреноста на партнерот и ви се чини дека крие нешто од вас.
Ве мачи депресија.
Јарец
Пробувате да им помогнете на колегите, но за тоа време се насобираат вашите проблеми и обврски на полето на работата.
Не сте расположени за почеток на нова врска иако имате додворувач кој е упорен во своите намери да биде со вас.
Проблеми со зглобовите.
Водолија
Пред вас е ден во кој ќе успеете да решите многу од своите задачи.
Имате впечаток дека конечно навлегувате во стабилна фаза на врската. Прашање е дали саканата личност размислува исто како вас.
Можни се проблеми со главата.
Риби
Ве очекува опуштен ден. Се занимавате со своите идеи и креации отколку со конкретна работа. Поволен ден за уметност.
Не сакате моногамија.
Немате проблеми на полето на здравјето.
Lifestyle
Како да го разладите домот без клима: Три едноставни трикови

Температурите се зголемуваат, а престојот во затворен простор сè повеќе наликува на престој на директно сонце. Ако немате клима уред, не грижете се – постојат неколку едноставни начини да го разладите просторот дома и да ја подобрите удобноста.
Во продолжение ви ги претставуваме трите најделотворни трикови:
1. Создадете страничен ветер
Експертите од Good Housekeeping Institute препорачуваат создавање на таканаречен страничен ветер – ефективен начин за извлекување на жешкиот воздух надвор и внесување свеж воздух внатре.
-
Во текот на денот: држете ги прозорците, вратите и ролетните затворени за да спречите влез на топлина.
-
Навечер: отворете ги прозорците, поставете еден вентилатор свртен надвор (за да ја исфрлува топлината) и втор вентилатор свртен внатре (за да внесува свеж воздух).
2. Замрзнете шишиња со солена вода
Овој метод е едноставен и ефективен:
-
Замрзнете едно големо или три мали пластични шишиња со вода, на која ќе додадете три мали лажички сол.
-
Поставете ги пред вентилатор – солта помага водата побрзо да се замрзне и подолго да остане ладна.
-
Вентилаторот ќе го разнесува студениот воздух низ просторијата.
3. Сад со мраз пред вентилатор
Слично како со шишињата, поставете сад со мраз пред вентилатор. Додека воздухот поминува над мразот, ќе се излади и ќе создаде пријатна циркулација на свежина низ собата.
Овие трикови не само што се лесни и ефтини, туку и навистина функционираат. Ако немате клима уред, ова се вашите најдобри сојузници во борбата против летната жега.
Извор: BizPortal
Lifestyle
Дали навистина треба да се плашиме од семките од лубеница? Еве што се случува кога ќе ги проголтате

Со генерации наназад кружи митот: „Ако проголташ семка од лубеница, ќе ти порасне лубеница во стомакот!“ Иако ова е само шега од детството, многумина и денес ги избегнуваат семките кога уживаат во ова популарно летно овошје.
Но, што навистина се случува ако ги голтнеме? Дали се штетни или, спротивно на очекувањата, дури и здрави?
Семките од лубеница се безбедни – и хранливи
За разлика од семките на цреши или кајсии, кои може да содржат опасни супстанции, семките од лубеница се потполно безбедни за јадење. Според нутриционистите Саманта Касети и Селин Бејхман од Институтот за кулинарско образование во Њујорк, овие мали семки кријат вистинско богатство од хранливи материи.
Во само 28 грама семки има:
-
7–8 грама протеини – приближно колку едно јајце
-
4 грама јаглехидрати
-
Повеќе од 25% од препорачаниот дневен внес на растителни влакна
Минерална моќ во секоја семка
Семките од лубеница се посебно вредни поради високата содржина на железо и магнезиум:
-
28 грама семки обезбедуваат околу 2 мг железо – што е 25% од дневните потреби за мажи и 10% за жени
-
Магнезиумот, од друга страна, е клучен за над 300 телесни функции – од регулирање на срцевиот ритам до поддршка на имунолошкиот и нервниот систем
Одличен избор за растителна исхрана и бременост
Семките од лубеница се особено корисни за оние што практикуваат вегетаријанска или веганска исхрана, поради железото од растително потекло. Исто така, нутриционистите ги препорачуваат и за бремени жени, бидејќи содржат минерали што се клучни за здравиот развој на бебето.
Како да ги јадете семките?
Најлесниот начин е едноставно да не ги плукате кога јадете лубеница. Но, ако сакате дополнително да уживате, можете да ги изпечете и зачините – исто како семки од тиква или сончоглед. Во некои земји веќе се продаваат како здрава ужина, но многу лесно можете да ги подготвите и дома.
Печени, тие можат да се јадат самостојно или да се додаваат во салати и смути.
Умереноста е клучна
Иако се здрави, треба да се внимава со количината. Во 28 грама има околу 13 грама масти (главно здрави), но прекумерниот внес – особено кај луѓе со чувствителен желудник – може да предизвика дигестивни тегоби. Затоа, ако првпат ги воведувате во исхраната, направете го тоа постепено.
Заклучок: Митот е разрушен, семките се сојузник на здравјето
Не, лубеница нема да ви порасне во стомакот ако проголтате семка. Напротив, семките се нутритивно вредни и можат да бидат вкусен и здрав додаток во вашата секојдневна исхрана. Следниот пат кога ќе јадете лубеница – можеби вреди да размислите пред да ги фрлите семките.
Извор: Espreso
-
Хороскоп2 дена
Хороскоп за среда (24 јуни)
-
Хороскоп17 часа
Хороскоп за четврток (26 јуни)
-
Кичево22 часа
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Lifestyle1 ден
Дали навистина треба да се плашиме од семките од лубеница? Еве што се случува кога ќе ги проголтате
-
Lifestyle1 ден
Како да го разладите домот без клима: Три едноставни трикови
-
Спорт2 дена
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден2 дена
Времеплов: На денешен ден – 25 јуни
-
Автомобили1 ден
Како да ја надминете летната жештина од 37 степени во автомобил: Трикови што навистина функционираат