Следете не

Спорт

Сејдини со фантастичен интегрален текст посака среќа и успех: „Самоуверена, моќна, храбра, оптимистична. Ваква Македонија сакаме момци!“

Објавено пред

на

А, таква беше годината. Некои ќе кажат неправедна, за македонскиот фудбал историска. Некои ќе кажат тажна, за македонскиот фудбал величествена. За некои ужасна и трагична, за македонскиот фудбал неповторлива. За повеќето од нас, година на борба. За македонскиот фудбал година на гордост и слава. На заедништво.

Некои приказни едноставно подобро се раскажуваат ако започнеме од крајот! Победивме бидејќи си рековме себеси дека сме победници. Македонската фудбалска репрезентација се пласираше на Европското првенство.

Бидете горди. Затоа што ова е време кога македонските фудбалски великани одат по земја. Никогаш досега македонскиот фудбал не доживеал таква експлозија. Тие емоции од Грузија со ништо дотогаш не можат да се споредат. Беа искрени и едноставно доаѓаа од целата наша држава како реакција на сѐ она што во годините наназад ни се случуваше во фудбалот.

Таа колективна екстаза и во време на здравствена епидемија доведе до тоа на скопските улици за прв пат да се скандираат имињата на македонските фудбалери. Во ова наше општество на невозможни институции и Македонци и Албанци и Турци и Роми се обединети кога е во прашање фудбалската репрезентација. Тоа треба да ни биде пример за начинот на кои сите треба да се однесувааме.

Во победа или пораз – таква Македонија сакаме. И не само фудбалска. Никогаш не сме биле Европски прваци. Но, никогаш во своите глави не сме биле поблизу до тоа чувство од овие денови пред Европското првенство.

И што и да се случи, ова чувство и оваа наша моќ никој не може да ни ја одземе. Ниту оваа фудбалска Македонија. Самоуверена. Моќна. Храбра. Оптимистична. Ова е победа за сите кои барем еднаш во животот го облекле дресот на Македонија. И сите имаат заслуга за овој историски момент. Од првиот до последниот.

Како Фудбалска федерација на Македонија сме сигурни дека фудбалерите и на натпреварите од Европското првенство ќе дадат се од себе за да го вивнат македонскиот фудбал во нови височини и одново да покажат дека припаѓаме меѓу најдобрите во Европа.

А, ние ќе бидеме заедно со нив и заедно со многубројните фанови и целокупната јавност и од срце ќе ги бодриме. Истовремено веруваме, се надеваме и посакуваме дека нашите фудбалери со својата игра и залагање ќе не исполнат со радост и гордост.

Ние сме мала држава, но имаме големи соништа.

Столе, Ристе, Дамјан, Висар, Егзон, Кире, Стефан, Дарко, Ѓоко, Езџан, Енис, Аријан, Бобан, Стефан, Елиф, Тихо, Даниел, Марјан, Ферхан, Дарко, Горан, Иван, Милан, Аце, Крсте, Влатко…уживајте, давајте се од себе, па што биде.

Напред Македонија!

Спорт

Судиска анализа од бараж натпреварите одиграни во неделата

Објавено пред

на

Судиска комисија ги разгледа спорните моменти од бараж натпреварите за ПРВА МФЛ 22/23 година и ги донесе следните заклучоци:

На натпреварот ФК Скопје – ФК Беласица, одигран на 22.05.2022 година, анализирани се ситуациите 39, 45+2 и 56 минута.

Главен судија: Стојан Трпчевски; Помошни судии: Драган Трпчевски и Душко Панов;

39. минута: ДОБРА ПРОЦЕНКА НА ГЛАВНИОТ СУДИЈА (не досуден удар од 11 метри)

Во шеснаесетникот на Беласица, играч од нападот на Скопје беше во посед на топката, на него стартуваше играч од одбраната на Беласица и дојде до минимален контакт во пределот на ногата. Исправна одлука на главниот судија играта да продолжи, контактот беше минимален и недоволен за да се досуди удар од 11 метри. Во оваа ситуација  имаше одлична комуникација помеѓу главниот судија и вториот помошен судија

40+2 минута: ДОБРА ПРОЦЕНКА НА ГЛАВНИОТ СУДИЈА (не досуден удар од 11 метри)

Во шеснаесетникот на Беласица и странично од голот, играч од нападот на Скопје ја имаше во посед топката и шутна кон голот, пред него имаше играч од одбраната на Беласица со рацете споени до тело и топката го удри играчот во раката која беше до телото. Исправна одлука на главниот судија играта да продолжи, немаше елементи за да се додуди удар од 11 метри, бидејки раката беше споена до телото во моментот кога го удри топката.

56. минута: ДОБРА ПРОЦЕНКА НА  ПРВИОТ ПОМОШЕН СУДИЈА (досудено офсајд позиција)

Играч на Скопје беше во напад, додаде топка до свој соиграч кој во моментот на додавање беше понапред од претпоследниот играч од одбраната на Беласица и постигна гол. Исправна одлука на првиот помошен судија голот да не го признае и да досуди офсајд позиција, бидејки при примање на топката играчот на Скопје се наоѓаше пред претпоследниот играч од одбраната на Беласица.

На натпреварот ФК Тиквеш – ФК Воска одигран на 22.05.04.2022 година, немаше предизвикувачки ситуации за судиска анализа.

Како судиска комисија сакаме да им честитаме за одличната арбитража на судиските тимови од бараж натпреварите.

Исто така, честитки и до цела судиска четворка за одличното судење на финалето на Купот на Македонија помеѓу ФК Македонија – ФК Силекс кој се одигра на 20.05.2022 година.

Што се однесува до репрезентативните натпревари, нашата репрезентацијата на Македонија до 17 години ќе одигра два контролни меча на гостински терен против селекцијата на Австрија.

Првиот контролен натпревар е закажан на 25. мај со почеток од 18. часот. Два дена подоцна на програмата е втората контролна пресметка со почеток од 11. часот.

Селекторот на младата репрезентација на Македонија до 17 години, Тони Јакимовски, се одлучи да ги повика следните фудбалери:

Петар Јакимов (Работнички), Диел Доко (Њу Старс), Андреј Аризанкоски (Победа), Даниел Марковски (Хелсинборг, Шведска), Даниел Марковски (Вардар), Давид Даилоски (Нец Нијемиген, Холандија), Абиола Бамијоко (ППЈ, Финска), Хадис Таири (Велешта), Касим Јакупи (Вил, Швајцарија), Давор Серафимов (Вардар), Амир Нухија (Шкендија), Мартин Ѓорѓиевски (Академија Пандев), Ѓорги Дошев (Вардар), Дестан Адили (Работнички), Зани Назифи (Шкендија), Лорик Мухтари (Хамбург, Германија), Кире Стојанов (Академија Пандев), Теодор Николовски (Работнички), Никола Стојков (Работнички), Никола Величковски (Вардар), Фикрет Ливарека (Скопје);

Прочитај повеќе...

Спорт

„Сер Боби“ ги објави предводниците за натпреварите против репрезентациите во сегментот „Ц“ од новото издание на Лига на нации

Објавено пред

на

Селекторот на македонската А репрезентација, Благоја Милевски го објави списокот со фудбалери за натпреварите против Бугарија (2. јуни), Гибралтар (5. јуни), Грузија (9. јуни) и Гибралтар (12. јуни) од групата 4 во Ц сегментот од новото издание на Лига на нации.

Двете воведни пресметки ги играме на гостински терен во бугарски Разград и Гибралтар. Домашните натпревари против Грузија и Гибралтар се закажани на Националната арена “Тодор Проески” во Скопје.

На списокот на селекторот Милевски се наоѓаат 28 фудбалери:

ГОЛМАНИ: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Дени ИЛИЕВ (Тренцин, СЛОВАЧКА);

ОДБРАНА: Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ријека, Хрватска), Висар МУСЛИУ (Инглоштат, Германија), Кире РИСТЕВСКИ (АЕЛ Лимасол, Кипар), Езѓан АЛИОСКИ (Ал Ахли, Саудиска Арабија), Тодор ТОДОРОВСКИ (Серед, Словачка), Стефан АШКОВСКИ (Сепси, Романија), Никола СЕРАФИМОВ (Залаегерсег, Унгарија), Ѓоко ЗАЈКОВ (Славија Софија, Бугарија), Бојан ДИМОСКИ (Академија Пандев);

СРЕДЕН РЕД: Елиф ЕЛМАС (Наполи, Италија), Енис БАРДИ (Леванте, Шпанија), Стефан СПИРОВСКИ (МТК, Унгарија), Енис ФАЗЛАГИЌ (Висла Краков, Полска), Томче ГРОЗДАНОВСКИ (Злате Моравце, Словачка), Ердал РАКИП (Малме, Шведска), Бобан НИКОЛОВ (Шериф Тираспол, Молдавија), Давид БАБУНСКИ (Дебрецин, Унгарија);

НАПАД: Милан РИСТОВСКИ (Спартак Трнава, Словачка), Бојан МИОВСКИ (МТК, Унгарија), Дарко ЧУРЛИНОВ (Шалке 04, Германија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија);

Благоја МИЛЕВСКИ – селектор на македонската А репрезентација:

“Базата на тимот веќе ја имаме со фудбалерите кои ги одиграа натпреварите за пласман на Светското првенство, но нашата цел е тројцата нови фудбалери во составот Димоски, Гроздановски и Фазлагиќ да донесат одредено освежување во репрезентацијата.
Шанса за потврда на својот потенцијал и квалитет ќе добијат сите и низ подготовките и натпреварите, помладите фудбалери треба да покажат дека можат да бидат важен дел од репрезентацијата во нашите натпревари од квалификациите за Европското првенство чија ждрепка е закажана во октомври.
Јас се надевам на многу позитивни работи во периодот што ни следува, иако распоредот ни наметнува четири меча, а фудбалерите завршија со клупски активности. Дел од нив како последица од напорната сезона и бројот на одиграни натпревари нама да бидат во комбинација за настап за натпреварите кои ни следуваат, а ќе видиме каква е ситуацијата со дел од играчите кои имаат повреда и дали ќе бидат во можност да настапат”.

Прочитај повеќе...

Спорт

Златниот симбол и оригинален трофеј од FIFA World Cup™ денеска беше официјално презентиран во Скопје

Објавено пред

на

Трофејот пристигна во Скопје како дел од турата на FIFA World Cup™ трофејот организирана од Coca-Cola. Златниот симбол на светското фудбалско единство пристигна заедно со амбасадорот на турнејата на трофејот, бразилската фудбалска икона Жилберто Силва.

Дом на оригиналниот FIFA World Cup™ трофеј денес беше Пивара Скопје, официјалниот претставник на The Coca-Cola Company во нашата земја. Трофејот беше откриен во историски момент од страна на г. Стево Пендаровски – Претседател на Република Македонија и фудбалската легенда Жилберто Силва, во присуство на г. Ламбро Патче – Директор за корпоративни политики и одржливост, г. Муaмед Сејдини – Претседател на ФФМ, г. Лука Сантандреа, генерален менаџер на франшиза на the Coca-Cola Company, како и во присуство на претставници на медиумите од целата земја.

Овогодишната турнеја FIFA World Cup™ трофејот организирана од Coca-Cola досега пропатува повеќе од 750.000 километри и е дел од кампањата на Светското првенство на ФИФА што ќе се одржи во Катар во 2022 година. Овогодишната глобална турнеја на трофејот ќе патува во 51 земја, вклучувајќи го и нашиот главен град – Скопје, овозможувајќи им на македонските фудбалски обожаватели да уживаат во фудбалската магија.

Официјалните изјави може да ги проследите ТУКА

Прочитај повеќе...

Facebook

Последни објави

Кичево1 час

Урбана викенд програма во Република 96250

Петок (27.05.2022) го резервираме за љубителите на електронката музика диригирана од локалниот DJ PUNISHER, почеток во 21:00h (Second floor). Забавата...

Магазин2 часа

DuckDuckGo, прелистувач наводно фокусиран на приватноста на корисниците, фатен во лага: Сè уште има следење

Ова е дел од договорот меѓу двете компании, кој е поврзан со пребарување на Интернет и собирање лични податоци Прелистувачот...

Автомобили2 часа

Што повеќе се исплати: „Eлектричен Golf“ или Golf бензин

Пресметките што ги спроведува ADAC се базираат на просечен период на одржување од пет години, со годишна километража од 15.000...

Свет2 часа

Twitter казнет 150 милиони долари поради лажење и продажба на приватни податоци на корисниците

Американската Федерална трговска комисија го казни Twitter со 150 милиони долари затоа што на огласувачите им обезбедил кориснички информации, вклучително...

Магазин3 часа

Netflix ги проширува своите функции

Netflix воведува дополнителни функции за пристапност за целата своја глобална публика. Прилагодување Netflix ќе ги прошири своите функции за пристапност...

Магазин3 часа

Сè што треба да знаете за Wi-Fi 7

Wi-Fi 6 и 6e сè уште изгледаат како многу нови и сè уште сеприсутни стандарди, а Wi-Fi 7 е речиси...

Култура3 часа

Денес се слави големиот празник „Александрија“, со векови чествуван во кичевска Белица

Кичевска Белица, денес 26 мај го празнува празникот Александрија кој е посветен на светецот-маченик Свети Александар. Празнувањето традиционално започнува најпрво...

Магазин3 часа

Како да спречите апликацијата iOS Photo да го прикажува она што не сакате да го запомните

Замислете го ова: имате убав ден, времето е одлично, уживавте во брилијантен појадок… и одеднаш вашиот iPhone покажува спомен –...

Магазин3 часа

Еве некои од најдобрите начини за справување со е-отпадот

Со рециклирање, можете да избегнете загадување на животната средина и други токсични последици. Електронскиот отпад или е-отпадот се однесува на...

Магазин3 часа

На овие уреди може да инсталирате Android 13 денес

Еве детална листа на сите модели кои можат да ја преземат бета верзијата на Android 13 во моментот и да...

НАЈЧИТАНИ