Познатиот италијански мотоциклист Валентино Роси денеска објави дека ќе ја заврши кариерата на крајот од сезоната.

– „Решив да се пензионирам на крајот на сезоната. Официјално ја започнувам последната полусезона како мото ГП возач. Ова е тежок и многу тажен момент за мене. Следната година мојот живот ќе се промени целосно. Тоа беше едно долго патување, но многу, многу, многу забавно“, рече Роси пред новинарите пред трката на Австриското ГП.

Роси (42), кој беше деветкратен светски шампион во неколку категории, на почетокот на сезоната објави дека ќе одлучи дали ќе продолжи да вози врз основа на резултатите до лето.

Популарниот „Доктор“ оваа сезона заврши само во топ 10, додека се наоѓа на 19 -то место на шампионската табела со 17 бода, по девет трки.

„Резултатите во текот на сезоната не беа такви што ги очекував, па почнав да се преиспитувам“, рече Роси.

Неговиот договор со Јамаха истекува на крајот на сезоната, и имаше опција да продолжи да се натпреварува во 2022 година, кога тимот на ВР46 Дукати, сопственост на Роси, официјално ќе влезе во Мото ГП.

– „Би било убаво да возам за мојот тим, но сепак одлучив да не го сторам тоа, бидејќи тоа би значело промена на моторот (преместување од Јамаха во Дукати). По две или три години, тоа би било добро, но само за една сезона е ризична“, додаде Роси.

Италијанецот следната сезона ќе биде менаџер на тимот ВР46, и според него, би можел да се испроба во автомобилски трки.

Во текот на кариерата, Роси освои шест титули во Мото ГП, последната во 2009 година со Јамаха, како и по една светска титула во категориите за мотори од 500, 250 и 125 кубика. Иако без титула, „Доктор“ заврши на првите три позиции до 2018 година, а последната победа на трката ја оствари во 2017 година.

Во текот на 2019 година, Роси двапати се искачи на подиумот и ја заврши сезоната на седмото место. Тој минатата сезона ја заврши со еден подиум и на 15 -то место, за прв пат надвор од најдобрите 10 откако се натпреваруваше на светско ниво.

Неговиот тим изработи специјално „tribute“ видео по повод неговото пензионирање и може да го погледнете ТУКА

ФОТО: Vinod Thadhani / pixabay.com

Фудбалската федерација на Македонија официјално го промовираше Благоја Милевски за селектор на македонската А репрезентација.

На денешната прес-конференција,претседателот на Фудбалската федерација на Македонија (ФФМ), Мухамед Сејдини во име на „Куќата на фудбалот“ му посака честитки и искрени желби за успех. Првиот човек на македонскиот фудбал истакна дека целите со новиот селектор се пласман на следното Европско првенство 2024 година.

– Вашето знаење, вашата страст и искуство несомнено ќе има важно влијание на развојот на фудбалот во Македонија. Доаѓаш на позицијата селектор на најдобрата наша репрезентација потполно подготвен за нови успеси и нови победи.

Ти си човекот кој го регенерираше македонскиот фудбалски крвоток, создаде неверојатна група на фудбалери кои зад себе веќе имаат настап на две Европски првенства, младинско и сениорско и сигурни сме дека тој пат мора да продолжи.

Македонската репрезентација веќе покажа дека има сила и квалитет. Сега е најважно да покажеме силен карактер и повторно да ги радуваме нашите навивачи.

Ви посакувам среќа и успех во сите предизвици кои се пред вас и трудете се да создадете трајно наследство за иднината на фудбалот во Македонија.

Јас и Управниот одбор на Федерацијата сме убедени во потенцијалот на фудбалерите и можете да сметате на наша целосна поддршка во остварување на целите, истакна претседателот на ФФМ, Муамед Сејдини.

Благоја Милевски во својата изјава истакна дека ветува максимална работа и посветеност, за нови радости и победи на најдобриот национален тим.

– Можам да ветам максимална посветеност во мојата работа и професионалност. Вреднување на човечките вредности на сите нас. Ќе соработувам со голем број на познати личности. Возбуден сум за тоа. Едвај чекам да се видиме повторно. Сето она кое ни следи за новиот циклус, можам да кажам дека заедничка цел на сите ни е ЕП 2024 година, но во тековните квалификации за СП 2022 во Катар ќе дадеме се што умееме и знаеме за да имаме успешни квалификации и да останеме конкурентни до крајот на циклусот, изјави Милевски.

– Ова не е приватен тим. Сите се Македонија. Сите ќе треба да одговорат на предизвикот.  Дека ќе има измени, ќе има, знаете дека Пандев, Тричковски и Велкоски изразија желба да прекинат со настапите за А-тимот. Ја користам оваа прилика да им се заблагодарам за сето она кое го постигнаа. Исто и на мојот претходник Ангеловски за афирмацијата на македонскиот фудбал, дополни Милевски.

Трката во Формула 1 за ГН на Унгарија беше прекината поради инцидент во првиот круг во кој учествуваа неколку возачи. Возачот на Мерцедес, Луис Хамилтон стартуваше од пол -позицијата, го одбрани водството, а потоа следеше инцидент.

Во толпата се откажаа Ботас, Шарл Леклер од Ферари, Серхио Перез од Ред Бул и Ленс Строл од Астон Мартин. Во тие моменти Хамилтон беше прв, пред Естебан Окон од Алпин и Себастијан Фетел од Астон Мартин, така што по нешто помалку од половина час, трката продолжи

Клучните моменти погледнете ги во видеата подолу:

How Leclerc and Stroll dropped out on the opening lap 💥#HungarianGP 🇭🇺 #F1 pic.twitter.com/3jZwAIlw70

— Formula 1 (@F1) August 1, 2021

Max's wounded RB16B is currently being worked on by the @redbullracing mechanics

If anyone can get his car back in shape… 🦸‍♂️#HungarianGP 🇭🇺 #F1 pic.twitter.com/ZV1jZaZ7Cp

— Formula 1 (@F1) August 1, 2021

ФОТО: printscreen / youtube