Магазин
Skype престанува да работи во 2025 година

Крај за популарната комуникациска платформа
Skype, една од најпознатите интернет комуникациски платформи, ќе биде повлечена во мај 2025 година. Иако сè уште е достапен за Windows, macOS, Linux, Android, iOS и како веб-услуга, Microsoft одлучи да ја затвори оваа услуга по повеќе од две децении.
Кратка историја на Skype
Започнат во 2003 година, Skype брзо стана најпопуларната VoIP услуга, овозможувајќи гласовни и видео повици, размена на текстуални пораки и споделување датотеки.
Платформата поддржуваше и повици кон фиксни и мобилни телефони, но тие не беа бесплатни. Некои од дополнителните функции вклучуваа снимање на повици и далечинска компјутерска контрола. Разговорите во реално време беа со висок квалитет, а можеше да се споделуваат датотеки до 300MB.
Благодарение на бесплатните видео повици, Skype стекна огромна популарност. Со текот на времето, претрпе многубројни промени, како проширување на поддршката за различни оперативни системи и интеграција со MS Office.
Платформата беше широко прифатена од индивидуални корисници, мали бизниси и професионалци за техничка поддршка и деловни состаноци.
Зошто Microsoft го исклучува Skype?
Microsoft има историја на затворање на апликации кои ги купил, како што се:
- Zune – дигитална платформа за забава
- TrueSpace – софтвер за 3D анимација
- Wunderlist – апликација за управување со задачи
По купувањето на Skype во 2011 година за 8,5 милијарди долари, Microsoft го замени својот Windows Live Messenger со Skype.
Во 2015 година, Skype беше интегриран во Windows 10, но овој обид траеше само 9 месеци. Со текот на времето, конкуренти како Zoom, WhatsApp и Microsoft Teams ја намалија неговата популарност.
MS Teams го презема приматот
Денес, MS Teams е најкористената комуникациска алатка во екосистемот на Windows. Компанијата инвестира повеќе во оваа платформа, која е подобро интегрирана со MS Office.
Skype остана во сенка поради:
- Комплицираниот кориснички интерфејс
- Големата конкуренција од Zoom, Google Meet, WhatsApp
- Недостатокот на значајни подобрувања во последните години
Skype ќе остане достапен до 5 мај 2025 година, а сите кориснички податоци ќе бидат избришани до крајот на годината, освен ако корисниците не ги мигрираат или извезат своите информации.
MS Teams како замена за Skype
Со исклучувањето на Skype, Microsoft препорачува префрлување на MS Teams, а голем дел од корисниците веќе го направиле тоа.
Но, ако барате алтернатива надвор од Microsoft, размислете за:
- Telegram
- Signal
- Zoom
- Slack
- Discord
- Messenger
Како да ги зачувате вашите податоци?
Microsoft ќе им овозможи на корисниците да се најават во MS Teams со нивните Skype акредитиви. Доколку не сакаат да се префрлат, ќе можат да ги извезат своите податоци, вклучувајќи разговори, контакти и историја на повици.
Со ова, Skype официјално ја завршува својата ера, оставајќи простор за нови платформи кои подобро одговараат на денешните комуникациски потреби.
Извор: BProgrami
Хороскоп
Хороскоп за четврток (18 септември)

ОВЕН
Вашата страст и ентузијазам денес ќе ја истакнат вашата креативност. Ова е одличен период за да започнете некое уметничко хоби. Запишувајте ги вашите мисли и соништа. Следете ги вашите чувства, ќе ве одведат на место на кое не сте очекувале.
БИК
Денес ќе посакате да искажете се што ви лежи на срце. Ќе зборувате со вашите најблиски за вашите чувства. Направете попис на нештата кои долго време не ви користат и треба да се ослободите. Направете простор за нови работи. Тоа ќе ви го разчисти и вашиот ум.
БЛИЗНАЦИ
Вие сте роден мултитаскер но денес ќе морате да ги оставите останатите задачи и да се насочите кон исполнување на една. Немојте да го губите вашето време бесполезно, бидете корисни. Однесувајте се добро кон луѓето околу вас.
РАК
Доколку имате финансиски потешкотии, вашата трпеливост и упорност ќе ве одведат до целта кон нивно надминување. Ќе имате помош од некој верен пријател или ќе ви падне на памет одлична идеа како да ја зголемите добивката.
ЛАВ
Денес ќе брзате во се што ќе правите. Ќе сакате нештата да се одвиваат според вашето темпо и се да се случува одеднаш, но за некои работи е потребно време. Бидете внимателни и рационални, брзањето може да направи да направите погрешни избори.
ДЕВИЦА
Денес е ваш ден, искористете го. Денес ќе бидете спонтани и иако тоа не е типично за вас, тоа е најдобриот начин да остварите се што ќе посакате. Верувајте си на себеси, ќе ги донесете вистинските избори. Бидете практични, ѕвездите се на ваша страна.
ВАГА
Ќе чувствувате потреба да донесете некоја важна одлука во вашиот живот која ќе направи значајна промена во вашето секојдневие. Бидете внимателни при изборот но сепак немојте да одолговлекувате, веќе потрошивте долго време на размислување. Држете ги вашите опции отворени.
ШКОРПИЈА
Денес ќе оставите добар впечаток на некоја важна личност во вашето деловно опкружување и ќе се здобиете со пофалби какви што заслужувате. Ќе се чувствувате самоуверено. Кога се во прашање пријателствата во вашиот живот, верувајте и на вашата интуиција.
СТРЕЛЕЦ
Неодамна започнавте некој проект или работа со голема брзина и сметавте дека досега се ќе биде завршено но нешто го закочи. Немојте да се грижите, неговото довршување е блиску. Вие сте познати по тоа што го зборувате она кое го мислите, но понекогаш треба да внимавате на вашите зборови.
ЈАРЕЦ
Денес ѕвездите ве советуваат да ги закопате воените секири со блиските или некои луѓе од вашата околина со кои долго време сте биле во непријатни односи. Дури и ако чувствувате дека тие се оние кои ви згрешиле, морате да го преземете овој чекор затоа што е клучен за вашиот напредок – бидете први кои ќе пристапите, ќе бидете пријатно пречекани.
ВОДОЛИЈА
Денес ќе бидете поотворени и покомуникативни. Ќе сакате да зборувате за вашите чувства, а можно е да откриете и некоја ваша тајна. Ќе сакате да ги спуштите ѕидовите пред некој кој го освоил вашето срце.
РИБИ
Денес ќе бидете малку неорганизирани затоа што вашиот ум ќе патува на сите страни. Ќе ви биде тешко да се фокусирате и концентрирате на важните нешта наместо тоа вашата енергија ќе ја трошите на непродуктивни работи. Внимавајте, подоцна тоа ќе ви пристигне на наплата па ќе морате да завршувате повеќе обврски одеднаш.
Технологија
(ВИДЕО) „DJI“ официјално го претстави својот нов дрон од серијата „мини“ – DJI Mini 5 PRO

Предмалку реномираната „DJI“ го претстави новиот дрон од серијата „мини“ – DJI Mini 5 Pro кој практично претставува ново ниво во компактните дронови на компанијата, бидејќи за првпат доаѓа со 1-инчен сензор од 50 MP, значително поголем од 1/1,3-инчниот кај претходниот Mini 4 Pro. Со реални димензии од 15,19 x 11,11 mm, тој нуди повеќе од двојно зголемена површина за прием на светлина, а DJI истакнува и 14 стопа динамички опсег, што значи поквалитетни фотографии и видеа во различни услови.
Компанијата тврди дека Mini 5 Pro може да обезбеди дури и подобри резултати од Air 3S (2024), со појасни портрети одблиску, повидливи детали во сенки и поумерена обработка на зеленило. Дополнителен бонус е зголеменото траење на батеријата – 36 минути лет со стандардна батерија (наспроти 34 кај Mini 4 Pro), без зголемување на тежината над клучната граница од 250 g. Со „Intelligent Flight Battery Plus“, која сепак нема да се продава во Европа, траењето достигнува 52 минути, што е рекорд во серијата Mini.
Во делот на безбедноста, Mini 5 Pro ја презема технологијата од Air серијата, вклучувајќи напредно избегнување пречки при слаба светлина со LiDAR, што му овозможува полесна навигација и враќање дури и без GPS сигнал. Брзината на искачување е удвоена – 10 m/s, а хоризонталната максимална брзина е зголемена на 42 mph (во споредба со 36 mph кај Mini 4 Pro).
Камерата добива и нови можности: 4K120 видео, поширок ISO опсег (до 12800), како и 48mm Med-Tele режим, што претставува дигитален зум инспириран од Air. Иако тоа не е вистинска телефото леќа, DJI ветува употребливи резултати. Дронот располага и со 42 GB внатрешна меморија, а новиот Wi-Fi 6 обезбедува брз трансфер до 100 MB/s.
Од Mavic 4 Pro, Mini 5 Pro наследува кардан со ротација до 225°, а од DJI Flip – можност автоматски да се вклучи при отворање на краците. Сепак, QuickShots маневрите остануваат достапни само со контролер.
Она што претставува проблем е достапноста: во САД дронот официјално нема да се продава, иако може да се најде во ограничени серии кај независни трговци, со ризик царината да ги блокира. DJI сепак истакнува дека гаранцијата важи, во зависност од условите на купување.
Цената официјално ќе изнесува: 769 $ во Канада, 689 £ во Велика Британија, 798 € во Европа и 106.700 ¥ во Јапонија. Тоа значи дека DJI ја задржува ценовната политика без поскапувања, а евентуално повисоките цени во Америка ќе бидат резултат на увозни давачки.
DJI Mini 5 Pro ќе биде достапен во пакети со додатоци, контролери со екрани и повеќе батерии. Важно е да се нагласи дека пропелерите, ND филтрите и батериите се нови и некомпатибилни со Mini 4 Pro – иако батериите од постари модели може физички да се вклучат, DJI не го препорачува тоа.
„Content“ креаторите веднаш излегоа со квалификации, тестови и сл:
Магазин
Осум iOS 26 промени што мора да ги пробате

iOS 26 носи свежи можности и визуелни подобрувања за iPhone, но голем дел од нив не се активираат автоматски – корисникот сам мора да ги вклучи. Еве ги осумте најкорисни settings што вреди да ги пробате веднаш по update-от.
1. Adaptive Battery Mode
Достапно на iPhone 15 Pro и понови, овој режим користи Apple Intelligence за динамично управување со потрошувачката. Автоматски го намалува brightness, ги оптимизира background процесите и заштедува енергија без агресивно гасење функции. Активирање: Settings > Battery > Power Mode.
2. Call Screening
Сите модели со iOS 26 добиваат call filtering. Под Settings > Phone можете да изберете: Classic (off), Silence Unknown Callers или Ask Reason, каде iPhone го прашува повикувачот за причината и ви прикажува transcript пред да одлучите дали да одговорите. (Засега не работи добро на локални јазици).
3. Нови Ringtones
Apple додаде неколку нови ringtones, меѓу кои шест варијации на „Reflection“ и новиот „Little Bird“. Лоцирајте ги во Settings > Sounds & Haptics > Ringtone.
4. Disable “Liquid Glass” Effect
Ако не ви се допаѓа новиот transparent UI look, можете да го исклучите. Отидете во Settings > Accessibility > Display & Text Size и вклучете „Reduce Transparency“.
5. Custom iMessage Wallpapers
Сега можете да зададете wallpaper за секој iMessage разговор – од предефинирани (Water, Sky) до ваши сопствени фотографии. Корисниците на iPhone 15 Pro можат да генерираат и AI wallpapers преку Apple Intelligence.
6. Notification Summary за News Apps
Функцијата Notification Summary се врати за news и entertainment апликации (BBC, Netflix). При update ќе ви се појави екран за избор, а подоцна може да се прилагоди во Settings > Notifications > Scheduled Summary.
7. Transparent Icons
Ако ви се допаѓа „Liquid Glass“ стилот, сега можете да имате и transparent icons. На Home Screen притиснете и задржете → Edit > Customize > Delete, каде можете да изберете светол или темен transparency стил.
8. Lock Screen Upgrades
Новиот lock screen е многу пофлексибилен: можете да ја менувате големината на часовникот, да reposition widgets, да додадете Apple Music search, да користите spatial photo scenes за 3D depth ефект и да го адаптирате clock или widget според позадината.
-
Хороскоп1 ден
Хороскоп за среда (17 септември)
-
Македонија2 дена
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Скопје2 дена
(ВИДЕО) Снимка од подметнувањето на пожарот во Пинтија, каде ние човечноста?!
-
Музика19 часа
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Свет2 дена
„Google“ со сериозна инвестиција на центри за податоци и вештачка интелигенција во Велика Британија
-
Временска прогноза2 дена
По ладни утра проследени со ладен воздух од северен правец
-
Македонија2 дена
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила
-
Магазин2 дена
iOS 26 е тука! 10 големи нови функции и три модели на iPhone без поддршка