Следете не

Магазин

Skype престанува да работи во 2025 година

Објавено пред

на

Крај за популарната комуникациска платформа

Skype, една од најпознатите интернет комуникациски платформи, ќе биде повлечена во мај 2025 година. Иако сè уште е достапен за Windows, macOS, Linux, Android, iOS и како веб-услуга, Microsoft одлучи да ја затвори оваа услуга по повеќе од две децении.

Кратка историја на Skype

Започнат во 2003 година, Skype брзо стана најпопуларната VoIP услуга, овозможувајќи гласовни и видео повици, размена на текстуални пораки и споделување датотеки.

Платформата поддржуваше и повици кон фиксни и мобилни телефони, но тие не беа бесплатни. Некои од дополнителните функции вклучуваа снимање на повици и далечинска компјутерска контрола. Разговорите во реално време беа со висок квалитет, а можеше да се споделуваат датотеки до 300MB.

Благодарение на бесплатните видео повици, Skype стекна огромна популарност. Со текот на времето, претрпе многубројни промени, како проширување на поддршката за различни оперативни системи и интеграција со MS Office.

Платформата беше широко прифатена од индивидуални корисници, мали бизниси и професионалци за техничка поддршка и деловни состаноци.

Зошто Microsoft го исклучува Skype?

Microsoft има историја на затворање на апликации кои ги купил, како што се:

  • Zune – дигитална платформа за забава
  • TrueSpace – софтвер за 3D анимација
  • Wunderlist – апликација за управување со задачи

По купувањето на Skype во 2011 година за 8,5 милијарди долари, Microsoft го замени својот Windows Live Messenger со Skype.

Во 2015 година, Skype беше интегриран во Windows 10, но овој обид траеше само 9 месеци. Со текот на времето, конкуренти како Zoom, WhatsApp и Microsoft Teams ја намалија неговата популарност.

MS Teams го презема приматот

Денес, MS Teams е најкористената комуникациска алатка во екосистемот на Windows. Компанијата инвестира повеќе во оваа платформа, која е подобро интегрирана со MS Office.

Skype остана во сенка поради:

  • Комплицираниот кориснички интерфејс
  • Големата конкуренција од Zoom, Google Meet, WhatsApp
  • Недостатокот на значајни подобрувања во последните години

Skype ќе остане достапен до 5 мај 2025 година, а сите кориснички податоци ќе бидат избришани до крајот на годината, освен ако корисниците не ги мигрираат или извезат своите информации.

MS Teams како замена за Skype

Со исклучувањето на Skype, Microsoft препорачува префрлување на MS Teams, а голем дел од корисниците веќе го направиле тоа.

Но, ако барате алтернатива надвор од Microsoft, размислете за:

  • Telegram
  • WhatsApp
  • Signal
  • Zoom
  • Slack
  • WeChat
  • Discord
  • Messenger

Како да ги зачувате вашите податоци?

Microsoft ќе им овозможи на корисниците да се најават во MS Teams со нивните Skype акредитиви. Доколку не сакаат да се префрлат, ќе можат да ги извезат своите податоци, вклучувајќи разговори, контакти и историја на повици.

Со ова, Skype официјално ја завршува својата ера, оставајќи простор за нови платформи кои подобро одговараат на денешните комуникациски потреби.

Извор: BProgrami

Хороскоп

Хороскоп за сабота (31 мај)

Објавено пред

на

ОВЕН
Денот е идеален за решавање на сите незавршени работи како и за дискусии поврзани со финансиски проблеми со личност која ја познавате подолго време. Слободно бидете искрени и директни, не треба да се плашите од недоразбирања или раскинувања. Згора на тоа, штом ќе се ослободите од се што е нејасно, ќе ви биде јасно дека иднината е сепак добра.

БИК
Денес лесно ќе можете да ги убедите другите дека ги гледаат или прават работите онака како што вие мислите дека е најпаметно. Ако имате шанса да направите нешто посебно со некој што го сакате, не одложувајте. Ако не сте сигурни како да ги завршите преговорите фокусирани на деловната иднина, размислете за патување кое ќе го комбинира удобното со корисното.

БЛИЗНАЦИ
Денес речиси сè ќе зависи од тоа како се однесувате кон другите луѓе. Доколку покажете дека сте лојални и не реагирате премногу бурно, се ќе биде во ред. Ако дозволите вашите емоции да ве совладаат или да покажете љубомора или сомнеж, нема да можете да го имате она што го сакате. Измерете ги внимателно вашите зборови во секое време.

РАК
Вложувајте малку повеќе време и труд во односите со колегите, соработниците и клиентите, бидејќи така најбрзо ќе ги постигнете посакуваните цели. Денес генерално ќе добиете нешто и на крајот од денот бидете горди на себе, барем кога е работата во прашање. Меѓутоа, кога станува збор за приватниот живот, ќе треба да покажете дека сте спремни да направите отстапки и да се приспособите.

ЛАВ
Денес ќе бидете доста субјективни, па склони сте да погрешно проценувате ситуации и луѓе. За да држите се под контрола, ќе треба да се потпрете на советите на луѓето на кои им верувате. Во попладневните часови можни се проблеми поврзани со семејството. Колку и да сте загрижени, понекогаш навистина е потребна промена за да можете да го добиете она што го сакате.

ДЕВИЦА
Излезете и забавувајте се. Денес ќе оставите одличен впечаток на личност која може да ви помогне во иднина. Дел од вас случајно ќе запознае личност од далечното минато, а тоа ќе доведе до интересен разговор и идеја вредна за оживување. Не оставајте ги вашите работи недовршени. Потрудете се, особено ако веќе сте ветиле нешто.

ВАГА
Ќе бидете многу продуктивни и ментално силни. Слободно извршувајте повеќе работи одеднаш, без страв дека ќе направите грешка или ќе се изморите премногу. Денот е поволен за сите оние разговори со кои планирате да им дадете до знаење на другите дека сте се одлучиле за поголеми промени. Ако сметате дека има нова можност, потрудете се и истражете ги информациите.

ШКОРПИЈА
Оние од вас кои неодамна ја промениле работната средина и сте во нов тим, треба да обрнат повеќе внимание на неформалните односи со колегите. Тие подоцна ќе ви бидат најголемата поддршка. Денот е одличен за дефинирање на планови поврзани со семејството, пријателите и пошироката заедница. Патувањето ќе ви донесе задоволство.

СТРЕЛЕЦ
Без разлика дали се работи за приватен или деловен живот, денес ќе привлечете интересни потенцијални партнери. Пред да изберете нешто или некого, прво проверете каква била ситуацијата во минатото. Нема сите да ви кажат сè, затоа обидете се сами да откриете што ве интересира или што прави да се чувствувате несигурни. Потпрете се на минатите искуства.

ЈАРЕЦ
Ќе имате одлични идеи и ќе бидете расположени поголемиот дел од денот, што ќе им се допадне на луѓето околу вас. Тоа ќе ви се исплати за вашето службено патување, затоа не избегнувајте состаноци лице в лице. Со вашиот хумор ќе можете да ги промените исходите од различни ситуации, но само ако добро го оцените вашиот соговорник. Ќе бидете изненадени од нечија промена на ставот.

ВОДОЛИЈА
Внимавајте како се однесувате со другите луѓе, особено во ситуации кога некој ги изразува своите желби за иднината или ви кажува за љубовни проблеми. Ако премногу се опуштите, може да навредите некого и да останете погрешно разбрани. Држете се до она што го знаете и не убедувајте ги другите за работи што не се реални.

РИБИ
Нема да погрешите ако денес ја пуштите вашата фантазија. Ќе бидете умерени и ќе ги фасцинирате другите луѓе со вашата визија за иднината. Некој ќе ви понуди пари или навидум добра деловна можност. Доколку сте заинтересирани, известете ме но и нагласете дека не треба да брзате. Ќе почувствувате конкретни подобрувања во приватниот живот.

Прочитај повеќе...

Мобилни уреди

Компанијата „Realme“ спрема мобилен уред со „џиновска“ батерија?

Објавено пред

на

ФОТО: Andrey Matveev @ Unsplash.com

Компанијата Realme неодамна ја претстави својата напредна батериска технологија, но на промоцијата на моделот GT 7 во Париз сепак не изведе јавна демонстрација. И покрај тоа, потпретседателот и маркетинг директорот на Realme потврди дека се работи на нов телефон со огромна батерија од 10.000 mAh.

Во изјава за Android Headlines, тој откри дека засега нема точен датум за пуштање на уредот, бидејќи се соочуваат со сериозни технички предизвици. Сепак, тој најави дека наскоро ќе биде лансиран телефон со батерија од 7.500 mAh – што е за 1.000 mAh повеќе од GT 7 Pro.

Главниот проблем што ја спречува компанијата да претстави уред со батерија од 10.000 mAh е просторот. Иако силициум-јаглеродните батерии се потенки и погусти, батерија со толкав капацитет бара многу повеќе место во внатрешноста на телефонот. Тоа значи потешкотии во вградување покрај други компоненти како телефото камерата, но и проблеми со ладењето, бидејќи поголемата батерија создава и повеќе топлина – а никој не сака гломазен и прегреан уред.

Realme веќе поднесе патенти поврзани со оваа технологија, па доколку развојот продолжи со сегашното темпо, телефон со батерија од 10.000 mAh би можел да се појави во блиска иднина.

Извор: phandroid.com

Прочитај повеќе...

Хороскоп

Хороскоп за петок (30 мај)

Објавено пред

на

ОВЕН
Морате да научите дека не можете да имате контрола врз се околу вас. Да се биде одговорен е добро но не можете да превземете одговорност за секое нешто. Внимавајте некоја одлука да не го комплицира вашиот живот.

БИК
Денес е среќата на вашата страна кога се во прашање финансиите, ви претстои пријатно изненадување кое ќе ве расположи. Морате да му верувате на вашиот партнер повеќе, ќе откриете некоја информација која ќе ви користи.

БЛИЗНАЦИ
Можно е да одите на кратко патување во врска со вашиот бизнис. Ќе добиете поддршка од некој член од семејството. На работното место може да почувствувате стрес. Избегнувајте да давате позајмица и немојте да влегувате во конфликт со пријателите.

РАК
Денес ќе добиете добри вести. Оние кои работат во секторот на финансиите ќе напредуваат. Доколку сте имале проблем со дете конечно ќе биде разрешен. Финансиската состојба е солидна.

ЛАВ
Внимавајте на вашите зборови, во текот на наредните неколку дена можно е да зборувате нешта кои ќе ги повредат другите. Ако не сте сигурни што да кажете подобро премолчете. Исто така можно е да имате некој погрешен заклучок во врска со некоја блиска личност.

ДЕВИЦА
Денес ќе биде интересен ден за вас. Ќе бидете креативни и расположени да направите некоја промена во ентериерот на домот или работното место. Ќе чувствувате страст и ќе сакате смирена атмосфера. Ќе започнете да работите на некој нов проект.

ВАГА
Можно е да се чувствувате збунето, ќе мислите дека ништо не ви поаѓа од рака и постојано се вртите во круг. Не грижете се, со почетокот на викендот сето тоа ќе помине. Ќе се чувствувате смирено. Доколку сте имале расправија со партнерот, време е да направите нешто за да се искупите. Ако сте сингл, внимавајте кога влетувате во нова врска, другата страна нема исти намери како и вас.

ШКОРПИЈА
Денес ќе ви биде здодевно. Чувствителни сте и емоциите владеат со вас па можно е лесно да направите некоја грешка. Сакате премногу нешта одеднаш и тоа ве спречува да бидете спокојни. Подобро е да бидете во мало опкружување затоа што преголемата галама ќе ви смета.

СТРЕЛЕЦ
На повидок е разделба со партнерот, не успевате да ги надминете разликите и тоа ве мачи. Ќе морате да зборувате отворено и на смирен начин да ја решите ситуацијата. Очекувајте понуда за нова работа. Ноември ви донесува чувства спрема нова личност.

ЈАРЕЦ
Денес ќе се чувствувате изморено и исцрпено. Преку целата недела сте работеле напорно а тоа ја одзема целата ваша енергија. Време е да се посветите на себеси и да ги наполните своите батерии. Избегнувајте конфликт со семејството.

ВОДОЛИЈА
Можно е да ве вознемират некои зборови упатени од некоја блиска личност. Премногу сте осетливи на туѓото мислење, не морате да се земате се толку при срце. Успешно ќе завршите некоја работа која се одолговлекува. Гледајте напред!

РИБИ
Денес е позитивен ден за вас. Месечината е на ваша страна, ќе бидете во добро расположение и полни со енергија. Ќе правите планови за иднина. Ќе почнете да верувате во нешто за кое сте сметале дека не било вистина. Ноември ви донесува нова љубов.

Прочитај повеќе...

Facebook

Последни објави

Хороскоп4 часа

Хороскоп за сабота (31 мај)

ОВЕН Денот е идеален за решавање на сите незавршени работи како и за дискусии поврзани со финансиски проблеми со личност...

Спорт7 часа

Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација

Дејан Милошевски од Кичево, Македонија доби највисока судиска лиценца од Панамериканската Карате Федерација и практично се здоби со најголемиот историски...

Кичево7 часа

Предмалку на „11-ти септември“ во Кичево се случила сообраќајка помеѓу две патнички моторни возила, причинета е само материјална штета

Предмалку на ул. „11-ти септември“ во Кичево се случила сообраќајна несреќа помеѓу патничко моторно возило „бмв“ и „голф“ со кичевски...

Мобилни уреди11 часа

Компанијата „Realme“ спрема мобилен уред со „џиновска“ батерија?

Компанијата Realme неодамна ја претстави својата напредна батериска технологија, но на промоцијата на моделот GT 7 во Париз сепак не...

Македонија13 часа

Граѓани најавија протест за изборот на митрополит на Дебарско-кичевската епархија, велат: „МПЦ-ОА има Устав, со критериуми“

Во сабота на 31 мај, со почеток во 12 часот, закажан мирен народен собир на плоштад Македонија во Скопје. Настанот...

Македонија14 часа

Пронајдено товарното возило од АРМ кое пред еден месец беше пријавено за одземено од авто сервис

На 29.05.2025 во 11.14 часот во СВР Скопје од АРМ е пријавено дека на паркинг простор на подрачјето на Кисела...

Временска прогноза22 часа

Конечно убави вести за временската прогноза, еве кога доаѓаат летните температури

Територијата на Република Македонија во периодот од 2 јуни (понеделник) па се до 8 јуни (недела) ќе биде зафатена од...

Хороскоп1 ден

Хороскоп за петок (30 мај)

ОВЕН Морате да научите дека не можете да имате контрола врз се околу вас. Да се биде одговорен е добро...

Спорт1 ден

Новак Ѓоковиќ го победи Корентин Муте во третото коло на „Ролан Гарос“

Новак Ѓоковиќ обезбеди место во третото коло на Ролан Гарос со сигурна победа против домашниот играч Корентен Муте, совладувајќи го...

Мобилни уреди1 ден

Дали „Apple“ спрема два различни модели за новата генерација на „iPhone 17“

Apple се чини подготвува два сосема различни модели за новата генерација на iPhone 17, кои ќе одат во спротивни насоки...

НАЈЧИТАНИ