ОВЕН

Не сте осамени, имате на кого да се потпрете и се обидувате да најдете најдобар можен начин да се вклучите во работата која за вас може да биде многу профитабилна. Имате проблем со некои Близнаци и не можете да најдете заеднички јазик со некоја Водолија. Трепението ќе ви биде повеќе од потребно.

БИК

Нема место за паника, ќе успеете да ги решите сите проблеми. Добрите односи со соработниците се исклучително важни за проектите, бидејќи сами ништо нема да постигнете. Се чувствувате одлично во друштво на некоја Риба, па затоа поминете повеќе време заедно.

БЛИЗНАЦИ

Некои пријатели ќе ве повикаат на заедничко патување, а вие ќе се двоумите. Не се откажувајте од можностите кои ви се нудат, можно е да ви се отворат нови врати за започнување на сопствен бизнис. Досадата лекувајте ја во друштво на саканите. Постапките од минатото ќе ве натераат повторно да размислите за вашите постапки.

РАК

Некој проблем од минатото ќе започне да ви ја разнишува сегашноста која едвај ја одржувате во нормално ниво. Можно е вашиот партнер да ве напушти поради ветените нешта кои никогаш не ги направивте. Имате проблем и со пријателите кои ве сметаат за несериозни. Некоја Девица ќе ви понуди помош, прифатете ја веднаш.

ЛАВ

Ќе се обидете да воспоставите контакт со некои лица кои на вас ви биле многу драги. Ви претстои добра соработка со некој Стрелец или Близнаци. Ќе се залагате за некои важни нешта, можеби нема да успеете, но не се разочарувајте во иднина ќе постојат уште шанси.

ДЕВИЦА

Нека не ве загрижува досегашната неповолна финансиска состојба затоа што таа почнува да се подобрува. Вашето здравје е повеќе од добро. Проблемите во љубовта ќе ви го одвлечат вниманието и ќе ви го одземат времето за извршување на бизнис обврските.

ВАГА

Иако се чувствувате добро во друштво со личноста која ги поттикнуа вашите амбиции, сепак прекумерното залагање можно е да ви пречи. Можни се некои поволни вести од некој кој живее и работи во странство. Ќе ви биде потребен некаков совет од некој Лав.

ШКОРПИЈА

Оптеретени сте со незавршените работи и она што се случило а не знаете како да го решите. Се плашите од загуба на контролата во ситуацијата во која можно е да загубите некој поради однесувањето. Можен е некаков договор со Стрелец или Риби.

СТРЕЛЕЦ

За да го поминете денот онака како што сакате потребно е да се вклучите во некои интересни проекти во кои ќе ви биде потребен странски јазик. Без оглед дали станува збор за краток или долг проект сепак работете максимално на него. Постои можност за голем профит.

ЈАРЕЦ

Премногу сте упорни иако помалку сте и несигурни и се обидувате на сите можни начини да му го наметнете на некој Бик вашиот план за заеднички проект. Бидете малку трпеливи во контактите со борбените знаци, особено со Бикот. Добро се чувствувате во друштво на лице кое е подеднакво амбициозно како и вие.

ВОДОЛИЈА

Еден од подобрите денови, особено за оние кои се подготвени за се да се договорат со соработниците и оние кои се како створени за разни деловни можности, вклучувајќи ја тука и можноста за премин на некое ново работно место или преземање на некои нови обврски. Добро се сложувате со некој Стрелец и со некој Рак кои во се ве поддржуваат.

РИБИ

Мечтаете за голем успех и поинаква работа од онаа која во моментов ја имате. Ова би можело да биде пријатен ден за вас. Енергијата на Марс и Меркур ве прави нервозни и нетрпеливи. Вашата амбиција е во прв план, не се согласувате со лица кој сакаат да доминираат во друштвото.

Еден од најследените Инстаграм профили на Балканот, профилот на Јелена Карлеуша, повеќе не е достапен. Што се крие зад овој ненадеен потег сè уште не е познато. Инстаграм профилот на популарната пејачка Јелена Карлеуша, кој собра над 2,4 милиони следбеници, ненадејно беше затворен. Оваа сметка со години беше платформа на која Карлеуша споделуваше ексклузивни фотографии, нејзини модни изданија, како и отворени ставови за социјалните и актуелните прашања.

Пејачката го искористила профилот и за директна комуникација со обожавателите, што ја направила нејзината содржина особено интересна и привлечна за публиката.

Имено, Јелена Карлеуша се уште не се изјаснила за затворањето на профилот, па останува нејасно дали се работи за техничка грешка, одлука на самата пејачка или евентуални правила на социјалната мрежа.

За потсетување, Карлеуша е позната по активното користење на социјалните мрежи за одржување контакт со фановите и споделување пораки кои често предизвикуваат бурни реакции во јавноста. Дали нејзиниот профил повторно ќе се активира или ова е крај на една ера на социјалните мрежи, останува да видиме.

Инаку да напоменеме во Србија беше покрената „петиција“ за репорт на тој профил, што се чини и влева вистина дека поради тоа е угасен профилот на пејачката. Како што истакнуваат ТУКА , според најновото ажурирање во моментов дури 348,220 луѓе се потпишале за да се угаси профилот на популарната Карлеуша.

Колегите од bizlife.rs веќе истакнаа информација дека токму тоа е причината, прочитајте повеќе на нивниот натпис во продолжение ТУКА

Непријатниот мирис на крпите по перењето е чест проблем, чиј главен виновник се бактериите. Машината за перење лесно може да стане нивно жариште, а резултатот е – свежо испраните крпи не мирисаат пријатно, туку испуштаат непријатен мирис. Но, решението е полесно отколку што изгледа.

Како настанува проблемот?

Бактериите можат да се развијат и во машината за перење и во самата ткаенина. Според експертите, клучот за справување со овој проблем е редовното чистење на уредот и правилното сушење на крпите.

Перење на вистинска температура

Еколошките циклуси со ниски температури не се доволни за целосно уништување на бактериите. Тие преживуваат, што доведува до појава на лош мирис. За да ги елиминирате, потребно е да ги перете крпите на најмалку 60°C. Ова не само што ја чисти ткаенината, туку и го дезинфицира барабанот на машината за перење.

Дополнителни чекори за хигиена на машината

• Оставете ја вратата отворена по перењето за да се проветри машината и да се спречи создавање влага.
• Редовно чистете го садот за детергент, бидејќи тука се акумулираат остатоци кои можат да предизвикаат развој на бактерии и мувла.

Правилно сушење и складирање на крпите

Дури и ако машината е чиста, непријатниот мирис може да се појави ако крпите не се исушени правилно. Влажниот текстил е идеална средина за развој на бактерии, затоа:

• Осигурајте се дека крпите се целосно суви пред да ги ставите во плакарот.
• По употреба, не ги оставајте влажни во корпата за алишта – сушете ги веднаш.

Сода бикарбона – едноставен трик за свежина

Ако крпите сепак имаат непријатен мирис, додајте една лажица сода бикарбона во машината и поставете ја температурата на најмалку 60°C. Оваа едноставна состојка го неутрализира мирисот и ја враќа свежината на текстилот.

Заклучок

Правилната хигиена на машината за перење и темелното сушење на крпите се едноставни, но ефикасни чекори за спречување на непријатните мириси. Редовното чистење на уредот и перењето на високи температури не само што обезбедуваат свежина, туку и помагаат во зачувување на хигиената и здравјето.

Извор: Mondo