Спорт
Со „петардата“ против Ерменија, во недела супер мотивирани ги пречекуваме Исланд за пласман на СП 2023!

Македонската А репрезентација одигра перфектен натпревар против Ерменија на гостински терен. Славевме со 5:0 и во последното коло од квалификациите за СП 2022 против Исланд сами решаваме за место во баражот за мундијалот во Катар. Исланд остана непоразен во Романија и по 9. кола, Македонија е на второто место во групата.
Енис Барди одигра прекрасен натпревар во Ереван. Нашиот капитен постигна хет-трик. Александар Трајковски го отвори резултатот, а на погодок се радуваше и Милан Ристовски.
Нашата селекција целосно доминираше против Ерменија. Во 22. минута, Стефан Ашковски брилијантно мина низ неколку противнички фудбалери, асистираше до Трајковски за водство на Македонија.
До полувреме ја удвоивме предноста со голот на Барди. Фудбалерот на Леванте прекрасно шутираше од дваесетина метри за 2:0.
Во 66. минута, Хамбаѕумјан направи фаул над Барди во шеснаесетникот, судијата досуди пенал, а Барди беше непогрешлив за 3:0.
Милан Ристовски во 79. минута донесе убедливи 4:0, а во последната минута, Барди реализираше втор пенал за конечни 5:0.
Во селекцијата на Македонија дебитираа Јани Атанасов и Тодор Тодоровски.
Исланд вчера вечер извади реми, што значи може да се рече и дека „ни го врати тоа што го зеде“ во Рејкјавик, а не го заслужи.
Сега Македонија сама решава в недела за својата судбина и пласманот во мундијалскиот бараж против Исланѓаните.
ОДИМЕ НА ПОБЕДА!
Спорт
Најдобриот српски тенисер Ѓоковиќ утре на Вимблдон ќе се сретне со Тим ван Ритовен

Најдобриот српски тенисер Новак Ѓоковиќ и Холанѓанецот Тим ван Ритовен утре ќе се сретнат во осминафиналето на Вимблдон, а нивниот меч е поставен како трет во низа на „Централниот терен“.
Тоа практично значи дека сигурно нема да започне пред 18:00 часот, бидејќи во 14:30 часот програмата ќе ја отворат Британката Хедер Вотсон и Германката Жил Нимаер.
Зад нив околу 16 часот на терен ќе бидат Италијанецот Јаник Синер и Шпанецот Карлос Алкараз.
Спорт
Само Сејдини од ФФМ не ги заборави спортските новинари за 2-ри јули

Денешниот ден, 2 јули е ден на спортските новинари, кај нас во Македонија, станува професија која е сè повеќе потценета, прекрасна е, но спортските новинари кај нас се во „изумирање“ …
Спортското новинарство е „жртва“ на политиката, кај нас во Македонија има над 30 специјализирани спортски канали, Аренаспорт, Спортклуб и Еуроспорт се емитуваат преку разни ТВ платформи, и ниту еден не е на македонски јазик …
Посебна приказна се националните ТВ куќи, МКРТВ се бори за место „под сонцето“, но ги губи битките со големите и специјализирани спортски канали во конкуренција обезбедување на ТВ права
На претседателот на ФФМ му благодариме што еден од ретките кои се сети на спортските новинари, предводникот на „куќата на фудбалот“ е еден од ретките кои со посебно внимание се однесува кон „седмата сила“, ти БЛАГОДАРИМЕ, пишуваат нашите пријатели од Makfudbal.mk, еден од најдобрите спортски портали во земјава.
Спорт
Заштитата од местење на натпревари е една од важните обврски во македонскиот фудбал. ФФМ преку Комисијата за безбедност и интегритет ќе се справува со проблемот

Фудбалската Федерација на Македонија преку Комисијата за безбедност и интегритет целосно е насочена кон откривање и заштита на еден од најголемите проблеми во модерниот фудбал – местењето на натпревари. Ризик кој влијае негативно, а зазема се поголема сила во светот на фудбалската игра. Оттука, ФФМ преку Комисијата за безбедност и интегритет преку низа кампањи, семинари и предавања ги охрабрува луѓето кои се вклучени фудбалот да зборуваат против местење на натпревари и да ја подигнат свеста преку доверливите платформи за известување на ФФМ, УЕФА и ФИФА.
Во однос на ова прашање, нашата федерација презема конкретни чекори, односно учествува и организира едукативни предавања во координација со УЕФА и ФИФА за рано препознавање и спречување на местењето на фудбалски натпревари.
Целта е единствена, а тоа е да се заштити интегритетот на самата фудбалска игра.
Сите во фудбалот кои на било каков начин доаѓаат во ситуација поврзана со местењето на натпревари треба да се спротивстават и да пријават каков било пристап со можност да се „намести” натпревар преку доверливи платформи за известување.
Во 2021/2022, Комисијата за безбедност и интегритете при ФФМ организираше десетина едукативни семинари, обуки и предавања за заштита од местење на натпревари. Беа опфатени сите национални репрезентации, како и судиите и контролори во МФЛ.
Целта на предавањата е да им се даде важна информација на фудбалерите, судиите и останатите учесници во фудбалската игра за начинот на кој функционира целиот систем и процес на местење на натпревари, големото негативно влијание врз фудбалот, како и откривањето и превенцијата од него.
– Активностите кои ги реализиравме во оваа насока, ни даваат за право да веруваме дека заедно и конструктивно можеме да ги решаваме предизвиците и дека нашите заеднички предлози и насоките кои ги добиваме од УЕФА и ФИФА во однос на ова прашање, фудбалерите, судиите, но и сите останати кои се поврзани со фудбалската игра, ќе ги пренесат во своите клубови, тела и организации. Верувам дека со спроведувањето на низата семинари помогнавме разменувајќи искуство и знаење и дека пронајдовме најдобри методи за заштита од местење на натпревари. Сето тоа заради нашиот фудбал, но првенствено заради нашето општество, изјави Роберт Марковиќ од одделот за безбедност и интегритет при ФФМ.
-
Кичево1 ден
Ноќеска на магистралниот пат во Кичево се случила страшна сообраќајна несреќа со жртва
-
Хороскоп2 дена
Хороскоп за недела (3 јули)
-
Хороскоп23 часа
Дневен Хороскоп (4 јули) – понеделник
-
Кичево1 ден
Вчера во Кичево била пријавена физичка пресметка помеѓу малолетници, додека едно лице настрадало од куче скитник
-
На денешен ден21 час
4 јули – На денешен ден
-
Временска прогноза1 ден
Многу топло цела седмица, додека во попладневните часови ќе има активна дестабилизација
-
Без категорија11 часа
Во 2022 година исчезнаа 80.000 Bitcoin милионери
-
Магазин1 ден
WhatsApp ќе ви овозможи да ги скриете статусите „Last seen“ и „Online“.