Временска прогноза
Сончево и топло, локално можна дестабилизација на времето проследена со краткотраен пороен дожд

Во остатокот од оваа недела во Македонија ќе имаме многу топло време, тоа значи дека остануваме под влијание на многу топлата воздушна маса од југ, односно од Африка. Времето ќе биде сончево со умерена облачност, а ќе дува и слаб до умерен ветер претежно од источен и од североисточен правец.
Сепак поради продор на малку поладен воздух од север на висина, во Македонија ќе имаме делумно дестабилизирање на атмосферата и попладневен развој на конвективни грмотевични облачни јадра од кои очекувам појава на пороен дожд, грмежи и засилен ветер, претежно во планинските предели каде е можна и појава на краткотрајно невреме.
Во понеделник пак (18 август) во попладневните часови на повеќе места во Македонија ќе биде нестабилно со пороен дожд, грмежи, засилен ветер и со услови за појава на невреме со силен ветер и со појава на град. Во Скопје и околината исто така во понеделник попладне (18 август) ќе биде нестабилно и во делови од котлината ќе има појава на пороен дожд, грмежи и засилен ветер, а можна е и појава на краткотрајно невреме со силен ветер и со појава на град.
Температурите како што кажав остануваат многу високи и насекаде ќе надминуваат 30 степени, а на повеќе места тие ќе се искачат и до околу 35 степени, во Повардарието пак температурите локално ќе се искачат до околу 40 степени. И во Скопје и околината температурата исто така ќе надминува 35 степени.
Поради топлиот бран од Африка и многу високите температури на воздухот апелирам граѓаните да не излегуваат во најтоплиот дел од денот (од 11 до 17 часот) како и да пијат повеќе течности.
Временска прогноза
Почеток на месец октомври ќе се соочиме со ладен зимски бран од исток, проследен со врнежи од дожд, а на високите места снег

Во четврток и во петок (2 и 3 октомври) Македонија но и целиот регион ќе биде зафатен од зимски ладен бран од исток и од североисток, односно од Русија. Ќе дојде до формирање на секундарен циклон над Медитеранот и тој ќе услови да имаме многу обилни врнежи од дожд кои полека ќе преминуваат во снег на повисоките места и на планините каде ќе дојде до формирање на првата и посериозна снежна покривка за оваа сезона.
Според она што можам да го кажам во моментов и според најновите излези на прогностичките материјали, на 2 и на 3 октомври снежната граница во Македонија ќе се спушти дури и на помала надморска височина (локално под 1000 метри).
– Снег на 2 и на 3 октомври можеме да очекуваме и во повисоките населени места, па дури и во дел од градовите во западните и во северните предели од Република Македонија.
Следува целосна и детална метео анализа токму околу овој зимски бран во првите денови од месец октомври, утрово истакна Славчо Попоски.
Временска прогноза
Толку од топлото време, вистинската есен доаѓа, викендов на највисоските места не е исклучена можноста и за првиот снег за оваа сезона, ова се најновите метео вести

Под влијание на циклонска активност со центар над Џенова, во Македонија следува променливо време со повремени врнежи од дожд кои повремено ќе бидат обилни и поројни и проследени со локална појава на грмежи. Повеќе врнежи ќе имаме за време на викендот како и во почетокот на следната седмица кога во исто време од исток и од североисток кон Македонија ќе продира значително поладен воздух кој ќе ги спушти температурите дури и за повеќе од 10 степени во споредба од оние температури кои ги имаме сега.
И во Скопје и околината исто така особено во петок, како и за време на викендот и во почетокот на следната седмица ќе има повремени врнежи од дожд кои повремено ќе бидат обилни и поројни. За време на овој период ќе дува умерен, повремено засилен ветер од југоисточен правец, најизразен долж Повардарието.
– За време на оваа серија на влажни воздушни бранови поврзани со циклонот од Џенова, локално ќе наврне позначително количество на воден талог (над 25/30 литри дожд на метар квадратен. Температурите особено од викендот како и во текот на следната седмица ќе бидат потпросечни за самиот крај на септември и за почетокот на октомври и тие ќе се искачуваат во интервалот само од 13 до 20 степени.
Наутро пак температурите ќе се спуштаат во интервалот од 5 до 14 степени.
– Да напоменам, вистинската есен доаѓа во Македонија која ќе ни донесе многу пониски температури на воздухот и чести, повремено и обилни врнежи од дожд. Што се однесува до викендов како и во текот на следната седмица не се искалучува можноста на највисоките планински места во нашата Македонија (над 2000 метри надморска височина) да ги имаме и првите врнежи од снег за оваа сезона – потенцираше Славчо Попоски, еден од најдобрите метеоролози во државата.
Временска прогноза
Ведро и сончево, од четврток следи промена на времето, каде ќе биде застапено поголемо наоблачување

Во Македонија и понатаму останува да биде под влијание на Антициклон (Поле на висок воздушен притисок). Токму ова услови денешното утро (понеделник 22 септември) на наша територија да биде ведро и сончево без никаква облачност. Претежно е тивко и без некој изразен ветер.
Денешното утро и понатаму е посвежо, но со повисоки минимални температури за разлика од изминатите утрини.
Имено, до 25 септември (четврток) во Македонија времето ќе биде без промени, односно останува стабилно и сончево со постепено зголемување на облачноста од среда попладне и навечер (24 септември). Наутро останува малку посвежо времето а преку ден ќе биде топло со температури кои на повеќе места ќе надминуваат 25 степени или ќе се искачуваат близу 30 степени, а во Повардарието и во Скопскиот регион температурите ќе надминуваат 30 степени.
За време на овој период ќе дува слаб до умерен ветер претежно од јужен и од југоисточен правец.
Промена на времето со зголемена облачност, поголем пад на температурите и локални врнежи од дожд ќе имаме од четврток (25 септември) попладне и навечер, за Порта.мк информираше Славчо Попоски
-
Спорт2 дена
(ФОТО) Денес кичевски „ФК Напредок“ оствари нова важна победа на домашен терен
-
Хороскоп2 дена
Хороскоп за недела (28 септември)
-
Хороскоп14 часа
Хороскоп за понеделник (29 септември)
-
Временска прогноза4 часа
Почеток на месец октомври ќе се соочиме со ладен зимски бран од исток, проследен со врнежи од дожд, а на високите места снег
-
Македонија21 час
Жители од струшко неовластено го прекинале доводниот кабел кој водел до електричното броило и противправно поврзале бакарни жици
-
Кичево7 минути
(ВИДЕО) Караванот „Македонијо во срце те носиме“ вчера го исполни кичевскиот плоштад до последно место, незапаметена македонска атмосфера во срцето на градот
-
Магазин2 часа
ChatGPT Pulse ви ги носи утринските вести врз основа на вашите разговори
-
Магазин2 часа
Facebook воведува асистент со вештачка интелигенција за запознавање