СОСТОЈБА: Сообраќајот на државните патишта се одвива по влажни коловози, на некои повисоки места наместа со мали остатоци од кашест снег на коловозот по интервенција на екипите на ЈП Македонијапат. Врнежи од снег со променлив интензитет се бележат на Попова Шапка, Маврово и на планинскиот превој Стража. Намалена видливост поради појава на магла од 10 – 30 метри има на патниот правец Тетово – Попова Шапка.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Извор: АМСМ