Спорт
Според судиската анализа за спорните моменти регуларен е голот за Силекс и правилно досуден бил пеналот за Пелистер
Судиска комисија ги разгледа спорните моменти од 32 коло на ПРВА МФЛ, и ги донесе следните заклучоци:
На натпреварот ФК Силекс – ФК Работнички одигран на 10.05.2023 година, анализирани се ситуациите од 18 и 75 минута.
Главен судија: Стојанче Стојанов. Помошни судии:Петар Новачев и Ристе Ѓорѓиев.
18 минута: ДОБРА ПРОЦЕНКА НА ГЛАВНИОТ СУДИЈА (Гол регуларен-нема прекршок)
Играч од екипата на домаќините упати удар кон голот на гостите, играч од одбраната на гостите кратко ја одби топката во својот шеснаесетник и сакајки да ја загради топката за голманот да ја фати, во тој момент играч од нападот на домаќините направи минимален контакт од позади грб над играчот од одбраната на домаќините кој потоа неспретно ја удри топката и си постигна авто-гол.
Исправна одлука на главниот судија, голот е регуларен , бидејки контактот што го направи играчот од екипата на домаќините над играчот на гостите беше минимален и недоволен за да се досуди слободен удар.
75 минута: ДОБРА ПРОЦЕНКА НА ГЛАВНИОТ СУДИЈА (Досуден слободен удар)
Играч на екипата на гостите беше во посед на топка во шеснаесетникот на домаќините, топката му ја изблокира играч на домаќините и се одби на линијата од шеснаесетникот, истиот играч од домаќините ја удри топката и потоа со коленото направи прекршок над играчот на гостите (50см) надвор од шеснаесетникот.
Исправна одлука на главниот судија, досуден слободен удар за екипата на гостите, прекршокот беше направен надвор од шеснаесетникот на домаќините.
На натпреварот ФК Шкендија-ФК Струга одигран на 10.05.2023 година, анализирани се ситуациите од 50 и 69 минута.
Главен судија: Александар Грујоски. Помошни судии: Даниел Василевски и Бранко Путилин.
50 минута: ДОБРА ПРОЦЕНКА НА ГЛАВНИОТ СУДИЈА (недосуден пенал)
Играч од екипата на гостите беше во посед на топката странично во шеснаесетникот на домаќините, пред него на едно метро растојание (кратка дистанца) имаше противнички играч и во моментот кога играчот на гостите сакаше да го помине противничкиот играч префрлувајки ја топката таа го удри во рака која беше во нормална положба и природно движење.
Добра одлука на главниот судија што дозволи играта да продолжи, бидејки во моментот кога топката удри во раката на домашниот играч таа му беше во нормална положба за тоа движење на играчот и растојанието помеѓу играчите беше многу кратко.
69 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт-ЦРВЕН картон)
Играч од екипата на гостите беше во посед на топката на средина на теренот, над него од позади грб со недозволен лизгачки старт на ногата прекршок направи играч од екипата на домаќините.
Добра одлука на главниот судија, досуден слободен удар за екипата на гостите и доделен жолт картон за играчот од екипата на домаќините поради недозволен старт (од позади грб) на ногата на противникот, бидејки тоа беше втор жолт картон за играчот, автоматски му беше доделен ЦРВЕН картон.
На останатите натпревари од ПРВА МФЛ , немаше спорни ситуации за судиска анализа.
Судиска анализа за 29 коло од ВТОРА МФЛ за сезона 22/23
Судиска комисија ги разгледа спорните моменти од 29 коло на ВТОРА МФЛ, и ги донесе следните заклучоци:
На натпреварот ФК Вардар – ФК Пелистер одигран на 09.05.2023 година, анализирана е ситуацијата од 51 минута.
Главен судија: Игор Иванов. Помошни судии: Роберт Црвенов и Андреј Ќамилов.
51 минута: ДОБРА ПРОЦЕНКА НА ГЛАВНИОТ СУДИЈА (Досуден пенал)
Играч на гостите беше во посед на топката и помеѓу двајца противнички играчи,централно во шеснаесетникот на домаќините и близу просторот од 5,5 метри, пред да упати удар кон голот на домаќините на недозволен начин беше повлечен за рака (рамо) со интензитет од играч на екипата на домаќините.
Исправна одлука на главниот судија, досуден пенал за екипата на гостите и доделен жолт картон на играчот на домаќините поради недозволен старт (влечење) на противник.
На натпреварот ФК Беса – ФК Караорман одигран на 09.05.2023 година, анализирана е ситуацијата од 60 минута.
Главен судија: Јордан Јовановски. Помошни судии: Иван Танев и Кирил Манчев.
60 минута: ДОБРА ПРОЦЕНКА НА ГЛАВНИОТ СУДИЈА (Досуден пенал)
Играч од екипата на домаЌините беше во посед на топката странично во шеснаесетникот на гостите, во тој момент играч од екипата на гостите стартуваше непрописно со лизгачки старт и со интензитет правејки очигледен прекршок на ногата на противникот.
Исправна одлука на главниот судија, досуден пенал за екипата на домаќините поради недозволен лизгачки старт на ногата на противникот.
На натпреварот Фк.Слога Виница – Фк.Охрид одигран на 09.05.2023 година, анализирани се ситуациите од 16 и 28 минута.
Главен судија: Кирил Смоквоски. Помошни судии: Иле Мишески и Кирил Манчев.
16 минута: ДОБРА ПРОЦЕНКА НА ПРВИОТ ПОМОШЕН СУДИЈА (Досуден гол)
Играч од екипата на домаќините во шеснаесетникот на гостите упати удар кон празниот гол на гостите и во моментот кога топката со целиот свој обем ја помина гол линијата (по земја) играч од екипата на гостите ја изби топката во поле.
Исправна одлука на првиот помошен судија што го призна голот за екипата на домаќините, бидејки топката со целиот свој обем ја помина гол линијата (по земја).
28 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт-ЦРВЕН картон)
Играч од екипата на домаќините додаде топка до свој соиграч, соиграчот се наведна со телото за да ја удри топката со глава и во тој момент од позади грб играч на гостите невнимателно и на недозволен начин стартуваше удирајки ја топката со нога и потоа го закачи играчот на гостите во главата (без голем интензитет).
Исправна одлука на главниот судија, досуден слободен удар за домаќините и доделен жолт картон за играчот на гостите поради недозволен и невнимателен старт (избиена топка и потоа контакт со нога во глава на противник) бидејки тоа беше втор жолт картон за играчот, автоматски му беше доделен ЦРВЕН картон.
На останатите натпревари од ВТОРА МФЛ , немаше спорни ситуации за судиска анализа.
На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и организирано напуштање на теренот од страна на екипата на ФК Гостивар.
ФК Гостивар грубо ја изневерија фудбалската јавност и фер-плејот.
Наместо спортски да се борат до последниот свиреж, ФК Гостивар реши да избега од реалноста и вината за својата очајна постапка да ја префрли врз судиите.
Вистината е документирана: во официјалниот записник е наведено дека уште предвреме претставник на ФК Гостивар ги известил судиите дека екипата ќе се повлече доколку резултатот не биде во нивна корист, истакнаа за јавноста од ФФМ, во продолжение погледнете го целото соопштение на официјалниот натпис ТУКА
На денешната седница на Управниот одбор на Фудбалската федерација на Македонија (ФФМ) беа донесени следните одлуки:
Управниот одбор на ФФМ донесе одлука ОФС ОХРИД поради грубо кршење на одредбите од Статутот и актите на ФФМ да добие суспензија.
У.О. на ФФМ по темелна постапка и по претходни сознанија од Одделот за интегритет, а во врска со нарушување на интегритетот во целост од страна на овластени службени лица од ОФС Охрид, едногласно одлучи да го суспендира Општинскиот фудбалски сојуз Охрид (ОФС Охрид).
Во продолжение прочитајте повеќе на официјалниот натпис од ФФМ, ТУКА
Спорт
ФФМ со официјална судиска анализа на 28-то коло во првата македонска фудбалска лига, упатуваат апел за почитување поддржувајќи ги напорите за подобрување на судењето преку конструктивен дијалог
Одборот на судии во рамки на Фудбалската федерација на Македонија остануваат цврсто посветени на транспарентноста и отчетноста како основни вредности во работењето со единствена цел – развој на фудбалски систем базиран на фер-плеј, објективност и професионалност.
Интегралното соопштение од Фудбалската федерација на Македонија ви го пренесуваме во целост и гласи:
– Потврдивме дека секој натпревар од Прва МФЛ се анализира со највисоко ниво на внимание од страна на контролорите на судење, како и од стручните тела на ФФМ, со што се обезбедува квалитетна и фер евалуација на судиските перформанси.
Во врска со натпреварот од 28. коло помеѓу ФК Шкупи и ФК Силекс истакнуваме дека при израмнувачкиот погодок за гостинската екипа во 62. минута постои прекршување на Правилата, иако ситуацијата е технички исклучително комплексна за проценка, но видео анализата укажува дека голот не требало да биде признаен поради офсајд прекршок од напаѓачот кој со минимален дел од телото е понапред од топката. Одговорноста за ваквата погрешна проценка на вториот помошен судија е препознаена и од контролорот на натпреварот Горан Спирковски од Прилеп со негативна оцена од 7.9.
Истовремено, на натпреварот меѓу ФК Воска и ФК Вардар, кој беше прекинат во 76. минута поради напуштање на теренот од страна на домашната екипа, посочуваме дека реакцијата беше заснована врз субјективно доживеан момент.
Видео материјалите од посочениот момент при постигнување на израмнувачкиот погодок за гостинската екипа не потврдуваат никакво прекршување на Правилата на фудбалската игра, ниту нивна погрешна интерпретација и оттука одлуката на судијата не може да биде оценета како погрешна проценка. Одлуката на ФК Воска да го напушти теренот претставува сериозен преседан, непрофесионален и крајно неодговорен чин, кој е во спротивност со духот на спортот, основните фудбалски принципи и фер-плеј вредностите кои ги застапуваме. Фудбалската игра подразбира почитување на процесите, институциите и правилата на играта, дури и во моменти на несогласување. Со самоволно прекинување на натпревар во професионално натпреварување како Прва МФЛ се испраќа порака која не е добредојдена, ниту на теренот, ниту надвор од него. Ваквиот однос мора јасно и недвосмислено да биде санкциониран.
Контролорскиот извештај за овој натпревар од страна на контролорот Џенан Хајдари од Скопје е со оценка 8.4 за целиот судиски тим.
Изминатиот викенд бевме сведоци и на реакција од страна на ФК Гостивар за дуелот со Струга Трим Љум. Станува збор за момент во 85. минута при резултат 0:1 за Гостивар. Во споменатиот момент не е направена никаква материјална повреда на натпреварот од страна на судиската четворка.
Контролорскиот извештај на контролорот Илиевски Зоранчо од Битола е со највисока оценка 8.5 за главниот судија и вториот асистент, а првиот асистент и четвртиот се оценети со 8.4 кои без ниту една грешка го водеа натпреварот.
Судиските одлуки како и секаде во светот се подложни на човечки фактор и можни ненамерни грешки. Она што е клучно е дека тие се предмет на системска анализа и се третираат со максимална сериозност. Исто така, не смееме да го игнорираме бројот на прецизни и исклучително тешки одлуки кои судиите ги носат успешно, што директно придонесува за регуларноста на натпреварите.
– Апелираме до сите фудбалски чинители, клубовите, играчите, навивачите и медиумите, да го почитуваат процесот и да ги поддржат напорите за подобрување на судењето преку конструктивен дијалог, а не преку избрзани заклучоци и јавен притисок.
Одборот на судии во рамки на Фудбалската федерација на Македонија ќе продолжи да работи транспарентно и одговорно, а секоја погрешна судиска проценка ќе биде третирана соодветно во рамки на процедурите. Единствено со принципиелност и истрајност може да изградиме здраво и фер фудбалско опкружување, за јавноста истакнаа од ФФМ.
Хороскоп за вторник (29 април)
ОВЕН Иако сте родени како борец, поседувате срце на некој кој посакува мир. Денес ќе посакувате да водите а со...
За новите уреди на „iPhone“, реномираниот бренд би можел да има нов редизајн
Првиот iPhone беше претставен на 9 јануари 2007 година, на конференцијата Macworld во Сан Франциско, а беше пуштен во продажба...
„Сите за Кочани – Трчаме заедно!“ – „Денот на Европа“ со хуманитарна трка во седум македонски градови, наменета за погодените од трагедијата во Кочани
Оваа година, Делегацијата на Европската Унија и мрежата на Јуроп хаус ќе го одбележат „Денот на Европа” со организирање на...
Светскиот гигант „Google“ ќе ги враќа вработените во своите канцеларии, работењето од дома ќе стане минато
Технолошкиот гигант „Google“ на голем број вработени им издаде соопштение во кое се бара истите да се вратат во канцеларија...
Од ноќеска поскапуваат нафтените деривати, ова е новата цена!
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V), се зголемуваат за 2,00 ден/лит, во...
Хороскоп за понеделник (28 април)
ОВЕН Целото ваше внимание е насочено кон некој семеен проблем. Денес ќе се случи конечната кулминација на сето тоа а...
СВР Скопје изрече 96 санкции, 41 од нив биле за возење со брзина поголема од дозволената
Денеска (27.04.2025) од страна на Одделението за безбедност на патниот сообраќај при СВР Скопје во периодот од 08:30 до 16:00...
ФФМ со експресно соопштение ја извести јавноста во врска со случајот ФК Гостивар
На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и...
Мувлата на овошјата може да доведе до несакани последици по здравјето на човекот
Ако мувла зафатила само еден дел од вашата храна, најверојатно мислите дека е безбедно да го отстраните тој дел и...
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
Вчера во НУ ЦК „Кочо Рацин“ – Кичево се реализираше традиционалниот „Велигденски концерт“ на КУД „Рацин“ – „Писмо дојде“ со...
-
Хороскоп1 ден
Хороскоп за понеделник (28 април)
-
Кичево2 дена
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Македонија12 часа
Од ноќеска поскапуваат нафтените деривати, ова е новата цена!
-
Спорт1 ден
ФФМ со експресно соопштение ја извести јавноста во врска со случајот ФК Гостивар
-
Хороскоп3 часа
Хороскоп за вторник (29 април)
-
Здравје и убавина1 ден
Мувлата на овошјата може да доведе до несакани последици по здравјето на човекот
-
Скопје1 ден
СВР Скопје изрече 96 санкции, 41 од нив биле за возење со брзина поголема од дозволената
-
Магазин10 часа
„Сите за Кочани – Трчаме заедно!“ – „Денот на Европа“ со хуманитарна трка во седум македонски градови, наменета за погодените од трагедијата во Кочани