Временска прогноза
Србија е под снег, додека кај нас од вечерва повторно невоовичаени ниски температури

Од вечерва, па во следните денови во Македонија, и тоа особено во западните предели ќе има повремени врнежи со слаб до умерен, понекаде и со умерен интензитет. Врнежите ќе бидат од дожд во градовите, додека снег ќе врне на повисоките места и на планините.
НАПОМЕНА: Снежната граница особено на запад локално ќе се спушти и под 1000 м.н.в, со што појава на лапавица понекаде ќе има и во градовите. Ќе продолжи да дува северниот ветер и ќе биде НЕВООБИЧАЕНО СТУДЕНО за овој период од годината.
Особено студено ќе биде навечер и наутро, кога минималните температури на повеќе места ќе се спуштаат до, па и под нулата, односно истите ќе се спуштаат во интервалот од -5 до 2 степени. На високите планински места и тоа особено на северозапад температурите ќе се спуштат дури и под -5 степени.
Максималните температури ќе бележат тенденција на мал пораст, но и понатаму ќе бидат ЗНАЧИТЕЛНО ПОД ПРОСЕКОТ за овој период од годината и во следните денови тие ќе се искачуваат во интервалот од 5 до 13 степени.
Во Скопје исто така ќе има услови за повремени послаби врнежи од дожд, а на околните повисоки места и на планините ќе провејува снег. Ќе продолжи да дува северниот ветер. Наутро температурите ќе се спуштаат во интервалот помеѓу -2 и 2 степени, додека максимални дневни температури ќе се искачуваат во интервалот помеѓу 9 и 13 степени.
Инаку целиот регион е зафатен од невообичаено студениот бран од север. Во соседна Србија има и снежна покривка на повеќе места. Снег падна и во главниот град на оваа држава, Белград. Во Хрватска беснееше и Орканска бура со брзина на ветер и до 110 км/час, понекаде и повеќе.
За време на изминатиот голем влажен бран од Медитеранот кој ја зафати нашата држава, на многу места донесе значително количество на воден талог (над 30 л/м2, а најмногу дожд наврна во Демир Капија и тоа 50 литри). На планините и повисоките места дојде до формирање на нова снежна покривка, што значи дека Скијачките центри се повторно под снег.
Автор: Славчо Попоски
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
-
Кичево2 дена
Вчера во Кичево се одржа состанок на општинскиот кризен штаб за превенција и заштита од пожари на отворен простор
-
Кичево1 ден
„ЕВН КЕЦ Кичево“ утре ќе работи на терен, следните кичевски улици и села ќе бидат без електродистрибуција во домаќинствата
-
Хороскоп2 дена
Хороскоп за четврток (24 април)
-
Македонија1 ден
(ВИДЕО) Во 3 по полноќ го ограби верскиот храм „Успение на Пресвета Богородица“ во село Обршани, општина Кривогаштани
-
Хороскоп23 часа
Хороскоп за петок (25 април)
-
Култура1 ден
(ФОТО) Во с.Цер кичевско одбележани 120 години од смртта на Христо Узунов – симбол на револуционерната борба
-
Кичево7 часа
На регионалниот пат Кичево-Осломеј вчера се случила сообраќајна несреќа помеѓу две пмв
-
Мобилни уреди2 дена
Внимание: Се појави нов малициозен софтвер за мобилните телефони кој користи „NFC“ технологија за кражба на платежни картички