ОВЕН

Ве очекува можност за деловно патување на кое би можеле да бидете многу задоволни. Ви годи средбата со личност која во минатото ви значеше. Заедно ќе се присетувате на старите времиња. Здравјето е во ред.

БИК

Не сте загрижени и знаете дека ситуацијата на работното место ви е стабилна. генерално сте задоволни со сѐ што постигнувате на ова поле. Можеби се двоумите и не сте сигурни дали треба да останете во моменталната врска или не. Малку сте чувствителни денес.

БЛИЗНАЦИ

Ве очекува можност да напредувате на работно поле. Се најдовте на право место во право време. Партнерот ви е посветен и заедно можете да остварите многу. Пред вас е период на одлуки. Добро се чувствувате во своја кожа.

РАК

Имате многу обврски кои ви се насобираат. Пред вас е период во кој ќе бидете многу оптеретени со работата. М0жеби не сте подготвени да менувате партнери иако излеговте од неуспешна врска. Помал пад на имунитетот.

ЛАВ

Факторот среќа денес е на ваша страна и задоволни сте поради тоа. Може да очекувате поволен период пред себе. Уживате во вниманието кое ви го дава личноста со која сте во врска. Одлично се чувствувате!

ДЕВИЦА

Приватната работа треба да забележи напредок овој период. Може да очекувате многу добри пресврти на ова поле. Пред вас е интересен флерт со личност која ви се допаѓа. Може да очекувате почеток на врска. Здравјето се подобрува.

ВАГА

Задоволни сте со ситуацијата која владее на деловно поле. Може да очекувате можност за подобрување на финансиите. Подготвени сте да се посветите на односот со саканата личност. Убаво се сложувате. Здравјето е одлично.

ШКОРПИЈА

Имате големи планови, но, потребно ви е многу време за да успеете да ги реализирате на вистински начин. Стабилна врска ве чека наскоро. Подготвени сте за нови случувања на љубовно поле. Имате доволно енергија.

СТРЕЛЕЦ

Не се опреретувајте со преголеми обврски денес. Важно ви е да избегнувате стрес и да направите некој вид баланс. Можеби сте збунети бидејќи личноста која ви се допаѓа ви делува оддалечено. Внимавајте на здравјето.

ЈАРЕЦ

Ве очекува поволен ден во кој ќе успеете да остварите некои важни деловни проекти. Сѐ уште не сте подготвени да разговарате со саканата личност за сериозните заеднички планови и потребно ви е повеќе време. Опуштете се и одморете.

ВОДОЛИЈА

Иако не е сѐ онака како што сакате, на крај сепак ќе успеете да ги остварите деловните цели. Со саканата личност имате тежок период во кој комуникацијата ви е послаба. Можеби губите интересирање. Чувајте се од настинки.

Иако многумина сметаат дека алкохолот е главната причина за оштетување на црниот дроб, постојат намирници и навики кои може да имаат дури и поголемо негативно влијание врз овој витален орган.

Црниот дроб, кој извршува повеќе од 500 функции, вклучително и детоксикација и филтрирање на крвта, може да биде сериозно загрозен од следните фактори:

1. Прекумерен внес на шеќер

Премногу шеќер доведува до таложење масти во црниот дроб, што може да предизвика заболувања дури и кај луѓе со нормална телесна тежина.

2. Дебелина и замастен црн дроб

Луѓето со прекумерна тежина, особено средовечните или оние со дијабетес, се изложени на ризик од развивање цироза поради таложењето масти во црниот дроб.

3. Прекумерен внес на витамин А

Иако витаминот А е важен за организмот, внесувањето големи дози преку суплементи може да биде штетно. Природни извори, како овошјето и зеленчукот, се посигурен избор.

4. Злоупотреба на парацетамол

Прекумерната употреба на парацетамол може да го оштети црниот дроб. Важно е да се почитуваат препорачаните дози за да се избегнат несакани ефекти.

5. Опасност од транс масти

Транс мастите го зголемуваат лошиот холестерол, создаваат ризик од срцеви заболувања и имаат негативно влијание врз здравјето на црниот дроб.

Експертите препорачуваат здрав начин на живот, умереност во исхраната и избегнување на прекумерно внесување суплементи и лекови за да се заштити црниот дроб.

Извор: N1Info

Со влегувањето во 2025 година, се дефинира нова генерациска етикета — Generation Beta. Оваа генерација ќе ги вклучува луѓето родени помеѓу 2025 и 2039 година и ќе биде обликувана од технолошки и социјални промени кои продолжуваат да влијаат врз човештвото.

Терминот „Generation Beta“ е воведен од истражувачката фирма McCrindle, основана од општествениот истражувач Марк Мекриндл, кој го популаризираше и терминот „Generation Alpha“. Се предвидува дека до 2035 година, генерацијата Бета ќе сочинува 16% од глобалното население, со потенцијал да биде првата генерација која ќе го дочека 22 век.

Временска рамка на генерациите

Современите генерациски групи сега се дефинирани на следниов начин:

• Gen Beta: 2025–2039
• Gen Alpha: 2010–2024
• Gen Z: 1997–2009
• Миленијалци: 1981–1996
• Генерација X: 1965–1980
• Бејби Бумери: 1946–1964
• Тивка Генерација: 1928–1945

Технологијата како главна карактеристика

Слично на Генерацијата Алфа, и Бета генерацијата ќе биде дефинирана со напредокот во технологијата. Нивниот живот ќе биде во голема мера обликуван од вештачката интелигенција (AI), автоматизацијата и дигитализацијата. Притоа, ќе се соочат со предизвици како климатските промени и демографските трансформации.

Генерацијата Алфа, позната како „деца на iPad“, веќе покажа колку технологијата е важен дел од детството. Новите алатки, како што е ChatGPT, предизвикаа загриженост кај родителите за влијанието врз учењето и менталното здравје на младите. Истражувањето на Pew Research Center од 2023 година покажа дека 20% од учениците запознаени со ChatGPT го користеле за училишни задачи.

Генерациски етикети под лупа

Во 2019 година, претседателот на Pew Research Center, Мајкл Димок, повика генерациските категории да се користат како алатки за разбирање на општествените промени, наместо како ригидни дефиниции, предупредувајќи за нивните ограничувања и преголеми поедноставувања.

Извор: Business Insider