Временска прогноза
Стабилизација на времето до четврток, ова се најновите метео детали

До крајот на денов времето во Македонија ќе биде променливо облачно со сончеви периоди. Ќе дува слаб ветер од променлив правец. Температурите денес ќе се искачуваат во интервалот од 9 до 15 степени.
Во Скопје и околината времето ќе биде променливо облачно со сончеви периоди. Ќе дува слаб ветер од променлив правец, додека максималната температура ќе се искачи до околу 14 степени.
Потоа утре ќе имаме краткотрајна стабилизација на времето, додека нови врнежи од дожд на повеќе места ќе има во четврток кога локално ќе биде и нестабилно со пороен дожд, грмежи и засилен ветер.
Повторна стабилизација на времето ќе има во петок и во сабота, додека во недела попладне повторно ќе има локално зголемување на облачноста и ќе има услови за слаби локални врнежи од дожд. Во текот на следните денови исто така ќе дува и слаб до умерен ветер од јужен и од југозападен правец и истиот на некои места повремено ќе засилува на интензитет.
Што се однесува до температурите, тие од утре па натаму ќе бележат тенденција на ПОЗНАЧИТЕЛЕН ПОРАСТ и максималните температури ќе се искачуваат во интервалот од 14 до 20 степени, додека од петок во најтоплите предели истите се очекува да се искачат до околу 25 степени.
И во Скопскиот регион утре ќе биде претежно стабилно, суво и сончево со мала до умерена облачност, додека нови повремени врнежи од дожд ќе има во четврток, кога ќе има услови и за локална нестабилност проследена со пороен дожд, услови за појава на грмежи и засилување на ветерот. Во петок и во сабота ќе биде претежно стабилно, додека во недела попладне повторно има помали услови за слаби локални врнежи од дожд. Температурите во следните денови ќе бележат тенденција на пораст и ќе се искачуваат во интервалот помеѓу 16 и 22 степени.
Автор: Славчо Попоски
Временска прогноза
Доаѓа нов бран на дождови на планините снег, и тоа над 2000 нмв – ова се најновите метео вести

Под влијание на поголем влажен воздушен бран од Медитеранот, во текот на ноќта среда кон четврток (15/16 октомври) во четврток во текот на денот и во петок (16/17 октомври) во Македонија времето ќе биде облачно со повремени врнежи од дожд кои локално и повремено ќе бидат пообилни па така за време на овој период локално ќе наврне позначително количество на воден талог (над 20 литри на метар квадратен дожд). Ќе дува слаб до умерен ветер од северен и од североисточен правец.
Температурите во погоре споменатиот период повторно ќе бидат во опаѓање, особено максималните дневни температури на воздухот и тие повторно ќе бидат под просекот за овој период од годината и ќе се искачуваат во интервалот од 8 до 16 степени а во Скопје максимумот на температурата ќе се искачува до околу 13 степени.
Во Скопје и околината исто така во погоре споменатиот период ќе има повремени врнежи од дожд со умерен интензитет. Ќе дува слаб до умерен ветер од северен правец.
Да напоменам дека поради продорот на поладен воздух од североисток и од исток, на највисоките планински врвови (над 2000 метри) во Македонија ќе има услови за повремен снег, истакна Славчо Попоски
Временска прогноза
Пред нас динамична Есен, снегот може да подрани оваа година

Ни започнува есента, според она што можам да го кажам за пртстојната есен 2025, според Европскиот модел за Среднорочна прогноза (ECMWF) не очекува динамична атмосфера над нашиот дел од Европскиот Континент. Тоа значи дека ни следува многу променлива есен, ќе има и почести врнежи од дожд и пониски температури на воздухот за разлика од изминатите години, сепак и порај ова не значи дека нема да имаме топли есенски денови со многу сонце.
Особено повеќе врнежи може да очекуваме во почетокот, како и во втората половина од есента.
Со оглед на тоа дека на Пацификот значително зајакна Ла Ниња (Ладниот Климатолошки феномен) и токму ова ќе трае во текот на оваа есен како и во зимските месеци, треба да очекуваме почести ладни продори од север, особено во втората половина од есента, а повремени ладни продори ќе имаме по се изгледа и во првата половина од есента. Со ова треба да очекуваме дека снегот оваа година може да ни присатигне порано, и тоа уште во ноември месец и во пониските предели, додека на планините снегот треба да го очекуваме уште во октомври месец.
НАПОМЕНА: Долгорочните анализи на времето се со помала веројатност за остварување во целост, тоа значи дека промени во анализата се можни, токму поради ова граѓаните да ги следат моите краткорочни метео анализи кои се со 90% па и повеќе од 90% со можност за остварување, за Порта.мк истакна Славчо Попоски
Временска прогноза
Нов влажен бран проследен со ладен воздух веќе од среда се очекува кон наша територија

Од среда (15 октомври) па во деновите потоа територијата на Македонија ќе биде зафатена од нов влажен и поладен воздушен бран од исток и од североисток. Во ваква ситуација ќе имаме зголемена облачност која ќе услови врнежи од дожд во поголем дел од Македонија. Повремено и локално врнежите ќе бидат пообилни а ќе дува и слаб до умерен ветер претежно од северен и од североисточен правец.
И во Скопје и околината во погоре споменатиот период ќе има повремени локални врнежи од дожд проследени со слаб до умерен ветер претежно од северен правец.
Што се однесува до температурите, тие остануваат да бидат малку под просекот за овој период од годината. Наутро температурите ќе се спуштаат во интервалот од 5 до 11 степени а преку ден пак тие ќе се искачуваат во интервалот од 11 до 17 степени, информираше Славчо Попоски
-
Lifestyle2 дена
Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher
-
Хроника2 дена
ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“
-
Хороскоп23 часа
Хороскоп за среда (15 октомври)
-
Временска прогноза23 часа
Доаѓа нов бран на дождови на планините снег, и тоа над 2000 нмв – ова се најновите метео вести
-
Хороскоп9 часа
Хороскоп за четврток (16 октомври)
-
Хроника18 часа
Почина лице кое било сведок на судење во Основниот граѓански суд – Скопје
-
Технологија2 дена
Денес по десет години завршуваат безбедносните надградби за „Windows 10“
-
Магазин2 дена
OpenAI овозможува извршување на апликации во рамките на ChatGPT